Maktub gə́ wɔji dɔ Jɔb 9:4 - Maktub gə́ To gə Kəmee

⁴ Kəmkàr gə siŋgamoŋ to kea̰-yeḛ nja doŋgɔ, See na̰ ɓa a kɔsee rəw lal kar ta wa dəa wa.

Maktub gə́ wɔji dɔ Jɔb 9:4 ပူးပေါင်းရင်းမြစ်များ

2 Sôrta Gḭka Israɛlje 13:12

Aa ooje, Ala gə́ to dəw dɔ síjeḛ gə njékinjanéməsje ləa d’aw sə sí na̰’d, deḛ ɓa d’ɔr no̰ sí. Jeḛ j’aw gə to̰to̰je gə́ ɓar ŋgaw gə mba koma̰ ne sə sí. Maji kar sí rɔje gə Njesigənea̰ Ala lə bɔ síje-je el mbata seḭ a teḛje kɔr keneŋ nda̰ el tɔ.

2 Sôrta Gḭka Israɛlje 20:6

Ndá yeḛ pana: Njesigənea̰, Ala lə bɔ síje-je lé see i nja ɓa to Ala mee dara’g ləm, i nja ɓa to njeko̰ dɔ ɓeeko̰je lə ginkoji dəwje gə raŋg ləm tɔ el wa. See to i nja ɓa siŋgamoŋ gə tɔgmbaŋ to kaḭ ar dəw kára kara askəm kaar ges nɔḭ’g el lé el wa.

Maktub gə́ wɔji dɔ Jɔb 11:6

Esé ɓó lé yeḛ riba səi dɔ kəmkàr ləa to gə́ to loo-kiya’g Gə́ to kəmkàr ləa gə́ dum dɔ loo ləm tɔ Ndá i a gər to gə́ Ala ra səi gə goo néra kori-kori ləi el.

Maktub gə́ wɔji dɔ Jɔb 12:13

Mee Ala to loo-si kəmkàr gə siŋgamoŋ, Kwɔjita kəmkàr gə gosonégər to kea̰.

Maktub gə́ wɔji dɔ Jɔb 15:13

Kwii, to Ala ɓa i tel oŋg ləi ɔsee ne ŋgərəŋ ləm, Gə́ tai ɓar ne dɔ taje gə́ togə́bè ila dəa’g ləm tɔ.

Maktub gə́ wɔji dɔ Jɔb 23:6

See yeḛ a kḭ gə siŋgamoŋgee bura ya rɔ ne səm wa. Wah! Yeḛ a kur mbia koo ne ta ləm ya.

Maktub gə́ wɔji dɔ Jɔb 24:22

Nɛ Ala siŋgamoŋ ləa ila ne ndɔje lə njéra né kərm-kərmje dɔ maree’g Ndá aa oo, deḛ d’aar tar loo gə́ d’unda meḛ dee yel dɔ si kəmba’g lə dee el lé.

Maktub gə́ wɔji dɔ Jɔb 25:2

Siŋgamoŋ gə ɓəl-boo to ka̰ Ala, Yeḛ ar meekulɔm to mbuna looje gə́ tar.

Maktub gə́ wɔji dɔ Jɔb 28:23

To Ala ya kára ba ɓa gər rəbee ləm, Yeḛ nja kára ba gər loo-siée ləm tɔ.

Maktub gə́ wɔji dɔ Jɔb 36:5

Aa oo, Ala to gə́ njesiŋgamoŋ ɓó yeḛ ɔs dəw kára kara rəw el ləm, Yeḛ to njesiŋgamoŋ gə goo gosonégər ləa ləm tɔ.

Maktub gə́ wɔji dɔ Jɔb 37:23

Jeḛ j’askəm kaw saar teḛ rɔ Bao-siŋgamoŋ’d el, Yeḛ lé to gə́ boo gə goo siŋgamoŋ ləa ləm, Gə goo rəwta-gaŋg ləa gə nérea gə́ danasur gə́ un naŋg nee lad ləm tɔ, Yeḛ aw ndòo kila ta’g el.

Maktub gə́ wɔji dɔ Jɔb 38:36

See na̰ ɓa ila kəmkàr mee yèl-ŋgala-mán’g wa. Esé na̰ ɓa gə́ njekar gosonégər to dan takə̰ji’g lə kona-kṵja wa.

Maktub gə́ wɔji dɔ Jɔb 38:37

See na̰ ɓa gə goo kəmkàr ləa askəm tura kilje-lə-ndi Gə mba mbél mán dɔ naŋg nee ləm,

Maktub gə́ wɔji dɔ Jɔb 40:9

See kag-jii ɓar mèr-mèr to gə́ ka̰ Ala wa. Esé see ndui ɓar to gə́ kea̰-yeḛ wa.

Maktub gə́ wɔji dɔ Jɔb 41:2

Dəw kára kara askəm kɔs gel oŋg ləa el, Ŋga see na̰ ɓa askəm kaar nɔm’g kɔsm rəw wa.

Maktub gə́ wɔji dɔ Jɔb 6:10

Lé bèe ndá m’a kiŋga négɔl məəm ləm, M’a kal rɔm dan némeeko̰ gə́ yeḛ ɔm dɔm’g ləm tɔ, Nɛ ma lé m’al ta ta ndukunje’g lə Ala gə́ Njerɔkunda pai el.

Maktub gə́ wɔji dɔ Jɔb 9:19

See maskəm pata gə siŋgam wa. Yeḛ lé to njesiŋgamoŋ ya. See m’a kaw səa loo-gaŋg-rəwta’g wa. Ŋga see na̰ ɓa a ɓarm kam m’aar nea̰’g wa.

Pakɔsje 104:24

Ǝi Njesigənea̰ kula raije lé bula yaa̰ ya. I ra dee lai-lai gə kəmkàree ya ləm, Némajije ləi lé kara Taa dɔ naŋg nee pəl-pəl ya ləm tɔ.

Pakɔsje 136:5

Yeḛ gə́ to njera dara gə goo gosonégər lé Mbata meekɔrjol ləa lé to saar-saar gə no̰.

Teḛ-Raga 15:7

Mbɔl dɔ boo-ronduba ləi gə́ dum dɔ loo lé Deḛ gə́ d’oma̰ səi ndá i ɓugu dee naŋg, I rɔg oŋg ləi piriŋ ila tar Ndá yeḛ roo dee dula-dula Asəna gə ləm mu bèe tɔ.

Teḛ-Raga 9:7

Parao̰ dəji goo né gə́ teḛ lé, nɛ aa oo, nékul kára kara mbuna nékulje’g lə Israɛlje lé wəi el. Nɛ mee Parao̰ ndər ya ɓəi ndá yeḛ ya̰ loo ar dəwje lé d’aw el.

Gosota-Kəmkàrje 28:14

Rɔlel nai gə dəw gə́ si gə ɓəl mée’g, Nɛ yeḛ gə́ ar mée kədərə ndá a koso dan némajel’g.

Gosota-Kəmkàrje 29:1

Dəw gə́ kəm kar dee ndaŋgee nɛ yeḛ uba gwɔbkelkwɔi lé A təd njigi-njigi gə́ léegəneeya kar loo gɔlee a godo.

Esai 45:9

Meeko̰ a koso dɔ yeḛ gə́ ɔs njekubá rəw! I gə́ to jo-ɓan mbuna jo-ɓanje’g, See a̰ji a dəji njekuba pana: See ban ɓa ubam togə́bè wa. See a pa bèe wa. See jo gə́ i uba mba̰ lé a pana: Nérai majel, a pa bèe wa.

Jeremi 50:24

Seḭ njé gə́ Babilɔn lé M’iya gum no̰ sí’g m’ar sí osoje keneŋ Nɛ seḭ gərje el, M’teḛ dɔ sí’g wai m’uba sí m’wa sí Mbata seḭ ɔsje ta lə Njesigənea̰ rəw.

Loo gə́ killa rea kəm Daniel’g 2:20

Daniel un ta pa pana: Maji kar dɔ ri Ala gə́ njesi gə ləbee-ləbee saar-saar gə no̰ lé ai səgərə! Kəmkàr gə siŋgamoŋ to kea̰ ya.

Nahum 1:3

Njesigənea̰ lé to njekar oŋg ḭ səa kalaŋ el, Yeḛ to Bao-siŋgamoŋ: Dəw gə́ njera némajel lé Yeḛ a lal kar bo̰ nérea ɔs təa’g el. Njesigənea̰ njaa dan ko̰ ndi’g ləm, Gə dan lel-mal’g ləm tɔ. Ndije gə́ pélé dara lé to kor gə́ ḭ tor gɔlee’g.

Njé gə́ Rɔmə 11:33

Ala lé boo-nébaoje ləa ləm, kəmkàr ləa ləma, négərje ləa ləm tɔ lé to boo-néje gə́ al dɔ loo sula ya. Rəwta-gaŋg ləa dum gər ləm, dɔ rəwje ləa kara dum gər ləm tɔ.

1 Njé gə́ Kɔrḭtə 10:22

See j’a kɔs gel kəmkəḭ lə Mbaidɔmbaije wa. See siŋga sí ur dɔ kea̰’g wa.

Njé gə́ Epesə 1:19

gə boo-siŋgamoŋ ləa gə́ wɔji dɔ síjeḛ gə́ j’ɔm meḛ sí dəa’g ləm tɔ. Yee ɓa to siŋgamoŋ gə́ dum dɔ loo ya.

Njé gə́ Epesə 1:8

gə́ Ala ɔm ne dɔ sí’g yɔl-yɔl gə goo kəmkàr gə gosonégər ɓəd-ɓəd gə́ yeḛ ar sí lé.

Njé gə́ Epesə 3:10

Mba kar mbɔl dɔ Eglisə lé dəw-dɔ-looje ləm, gə njéko̰ɓeeje gə́ dara gə́ tar ləm tɔ lé ɓasinè d’a gər ne kəmkàr lə Ala lé gə lée-lée

Njé gə́ Epesə 3:20

Yeḛ gə́ askəm ra néje lai kar sí, karee dum dɔ né gə́ jeḛ n’dəjee əsé gə́ jeḛ n’la̰ji toree meḛ sí’g gə goo siŋgamoŋ gə́ yeḛ ula meḛ sí’g lé