Maktub gə́ wɔji dɔ Jɔb 9:32 - Maktub gə́ To gə Kəmee

³² Ala to dəw to gə́ ma bèe ɓa gə mba karm m’ilá ta’g el ləm, Gə mba kar síjeḛ səa j’aw na̰’d loo-gaŋg-rəwta’g el ləm tɔ.

Maktub gə́ wɔji dɔ Jɔb 9:32 ပူးပေါင်းရင်းမြစ်များ

Maktub gə́ wɔji dɔ Jɔb 33:12

M’a tel kilai dɔ ta’g neelé to gə́ i pa lée’g el, Mbata Ala to gə́ boo unda dəw.

Maktub gə́ wɔji dɔ Jɔb 33:7

Togə́bè ɓa kəm kari unda bala nɔm’g el ləm, Siŋgam ur dɔi’g el ləm tɔ.

Maktub gə́ wɔji dɔ Jɔb 9:14

Nɛ ma lé see ta ɗi ɓa m’a kilá keneŋ wa. See ta gə́ ban ɓa m’a kḛji pa wa.

Maktub gə́ wɔji dɔ Jɔb 9:19

See maskəm pata gə siŋgam wa. Yeḛ lé to njesiŋgamoŋ ya. See m’a kaw səa loo-gaŋg-rəwta’g wa. Ŋga see na̰ ɓa a ɓarm kam m’aar nea̰’g wa.

Maktub gə́ wɔji dɔ Jɔb 9:3

Ɓó lé yeḛ gə́ ndigi maḭ səa ta Dɔ néje’g tɔl-dɔg (1.000) ndá Yeḛ a kaskəm kilá keneŋ dɔ né kára ya kara gə el.

Maktub gə́ wɔji dɔ Jɔb 9:31

I a kɔsm kilam dan bwa-bɔrɔ’g Ndá kubuje ləm d’a kḛjim bəḭ-bəḭ.

Pakɔsje 143:2

Maji kari aw gə kura ləi lé loo-gaŋg-rəwta’g el Mbata dəw gə́ si kəmba gə́ njemeekarabasur nɔḭ’g bèe kára kara godo.

Njekillamber 6:10

Né gə́ rara gə́ to keneŋ lé D’unda ria mba̰ tɔ. Tɔɓəi kəm gər to gə́ dəw lé Askəm maḭta gə yeḛ gə́ siŋgá ur dəa’g lé el.

Esai 45:9

Meeko̰ a koso dɔ yeḛ gə́ ɔs njekubá rəw! I gə́ to jo-ɓan mbuna jo-ɓanje’g, See a̰ji a dəji njekuba pana: See ban ɓa ubam togə́bè wa. See a pa bèe wa. See jo gə́ i uba mba̰ lé a pana: Nérai majel, a pa bèe wa.

Jeremi 49:19

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ to gə́ toboḭ bèe, Léegəneeya m’a kɔs Edɔm rad Tubá karee aḭ Ndá m’a kunda yeḛ gə́ ma m’ɔree lé toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa Askəm kɔsm ŋgərəŋ wa.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Njé gə́ Rɔmə 9:20

Ǝi i yḛ̀ to dəw ɗi to ŋga ɓa mba koma̰ gə Ala wa. See jo ɓan a dəji njekubá pana: See ban ɓa i ubam togə́bè wa. See a dəji njekubá togə́bè ya wa.

1 Ja̰ 3:20

mbata ɓó lé meḛ sí ila ta dɔ sí’g ndá Ala boo unda meḛ sí tɔɓəi yeḛ to gə́ njegər néje lai tɔ.

1 Samel 16:7

Nɛ Njesigənea̰ ula Samel pana: Maji kari oo rəa gə́ raga el ləm, əsé kagrea gə́ ŋgal el ləm tɔ mbata ma mbəree el. Mbata Njesigənea̰ lé oo né to gə́ dəw oo né bèe el. Dəw lé né gə́ oo gə kəmee ɓa yeḛ oo gə́ né, nɛ Njesigənea̰ lé mee dəw ɓa yeḛ oo ya.