Maktub gə́ wɔji dɔ Jɔb 9:13 - Maktub gə́ To gə Kəmee

¹³ Ala ar goo oŋg ləa yɔr el, Négəd rɔ lə njébeeleje lé yeḛ tuji pugudu nea̰’g.

Maktub gə́ wɔji dɔ Jɔb 9:13 ပူးပေါင်းရင်းမြစ်များ

Maktub gə́ wɔji dɔ Jɔb 26:12

Gə goo siŋgamoŋ ləa lé yeḛ ar baa-boo ḭ ne ləm, Gə goo gosonégər ləa lé yeḛ tuji ne beelé ləa pugudu ləm tɔ.

Pakɔsje 87:4

Ma m’ɓar ri njé gə́ Ejiptə Gə njé gə́ Babilɔn lé mbuna deḛ gə́ gərm’g. Aa oo, ɓee lə Pilistije, gə Tirje, gə Etiopije lé to: Dəwje neelé d’oji dee mee ɓee’g neelé ya.

Pakɔsje 89:10

Man baa-boo-kad gə́ ḭ ububu-ububu lé I dum dəa ləm, Loo gə́ paŋgəm manje tuga ndá I ar dee tel to ndiŋ ləm tɔ.

Esai 30:7

Mbata né gə́ Ejiptə a la ne sə dee lé To nébeelé gə́ kari ba, Gelee gə́ nee ɓa ma m’unda ri Ejiptə lé Le Rahab gə́ njera né kára kara el.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Esai 51:9

Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.