Maktub gə́ wɔji dɔ Jɔb 9:12 - Maktub gə́ To gə Kəmee

¹² Ɓó lé yeḛ wa né ndá see na̰ a kɔgee dɔ’g wa. Na ɓa a dəjee pana: See ɗi ɓa aw ra bèe ɓəi wa.

Maktub gə́ wɔji dɔ Jɔb 9:12 ပူးပေါင်းရင်းမြစ်များ

2 Samel 16:10

Nɛ mbai lé pana: Seḭ ŋgalə Seruja lé see ta ɗi lə sí to keneŋ wa. Ɓó lé yeḛ ila ndɔl dɔm’g ndá to mbata Njesigənea̰ ulá pana: Ila ndɔl dɔ Dabid’g! Ŋga see na̰ ɓa a dəjee pana: See ban ɓa i ra togə́bè wa.

Maktub gə́ wɔji dɔ Jɔb 1:21

ndá yeḛ pana: M’teḛ mee kɔmje’g kudum dum Ndá m’a tel kaw naŋg gə kudum gə́ dum ya tɔ. Njesigənea̰ ya to njekar né ləm, Njesigənea̰ ya to njetaa né ləm tɔ, Ndá maji kar dɔ ri Njesigənea̰ ai səgərə.

Maktub gə́ wɔji dɔ Jɔb 10:7

Mbata i gər gao to gə́ ta wa dɔm el ləm, Dəw kára kara gə́ njekɔrm jii’g godo ləm tɔ.

Maktub gə́ wɔji dɔ Jɔb 11:10

Ɓó lé Ala dəs ləm, ɓó lé yeḛ wa dəw ləma, Ɓó lé yeḛ ɓar dəw loo-gaŋg-rəwta’g ləa ləm tɔ ndá See na̰ ɓa a kaskəm kɔgee wa.

Maktub gə́ wɔji dɔ Jɔb 23:13

Nɛ yeḛ lé wɔji né njaŋg gə́ mba ra ndá see na̰ ɓa askəm kɔgee wa. Né gə́ yeḛ ndigi gə mba ra ndá yeḛ ra ya.

Maktub gə́ wɔji dɔ Jɔb 33:13

See mbata ɗi ɓa i ndigi maḭ səa Mbata tura gə́ yeḛ tura goo néreaje ari el wa.

Maktub gə́ wɔji dɔ Jɔb 34:29

Ɓó lé yeḛ ar loo to lɔm ndá See na̰ ɓa a kaskəm kɔm ɓəl dɔ dəwje’g wa. Ɓó lé yeḛ iya kəmee ndá see na̰ ɓa askəm kée wa. Yeḛ ra né gə ginkoji dəwje gə raŋg əsé dəw gə́ kára aree asəna

Njekillamber 8:4

Mbata tapa lə mbai lé To gə́ ta siŋgamoŋ ya. See na̰ ɓa askəm dəjee pana: See ɗi ɓa i aw ra bèe wa.

Esai 43:13

Ma nja m’to Ala togə́bè kédé par-par Ndá dəw kára kara as kɔr né jim’g el, Né gə́ ma m’ra mba̰ lé See na̰ ɓa a telee ɓəd wa.

Esai 45:9

Meeko̰ a koso dɔ yeḛ gə́ ɔs njekubá rəw! I gə́ to jo-ɓan mbuna jo-ɓanje’g, See a̰ji a dəji njekuba pana: See ban ɓa ubam togə́bè wa. See a pa bèe wa. See jo gə́ i uba mba̰ lé a pana: Nérai majel, a pa bèe wa.

Jeremi 18:6

See ma Njesigənea̰ lé m’askəm ra sə sí seḭ ŋgaka Israɛlje to gə́ njekubajo ra ne bèe el wa. Njesigənea̰ ɓa pa bèe. Aa ooje, to gə́ a̰ji to ne meḛ ji njekubá’g bèe lé seḭ ŋgaka Israɛlje kara seḭ toje meḛ jim’g togə́bè tɔ.

Loo gə́ killa rea kəm Daniel’g 4:32

Dəwje lai gə́ d’isi dɔ naŋg nee d’əḭ kəmee’g el. Boo-kuraje gə́ dara gə dəwje gə́ d’isi dɔ naŋg nee kara yeḛ ra sə dee to gə́ mée ndigi, tɔɓəi dəw kára kara askəm kwa jia kɔgee dɔ né gə́ yeḛ wɔji-kwɔji ra lé el ləm, əsé a dəjee pana: See ɗi ɓa i ra bèe wa, a dəjee bèe el ləm tɔ.

Matiyo 11:26

Oiyo, Bɔm, ma m’pidii mbata i ndigi ra togə́bè ya.

Matiyo 20:15

See né gə́ m’wɔji məəm’g gə mba ra gə néje ləm lé see m’askəm ra el wa. See kəmi kas ŋgɔgərɔ dɔm’g mbata néram gə́ maji lé wa.

Njé gə́ Rɔmə 11:34

See na̰ ɓa gə́ njegər takə̰ji lə Mbaidɔmbaije wa. Esé see na̰ ɓa gə́ njekwɔjee loo ra né wa.

Njé gə́ Epesə 1:11

Mbɔl dɔ Kristi lé ɓa jeḛ n’tel n’to ne nédɔji ləa gə goo kuma̰ gə́ yeḛ nja kuma̰ sí mée’g kédé gə́ dɔtar, yeḛ nja ɓa unda ne néje lai gə goo nduree-nduree to gə́ mée wɔji