Maktub gə́ wɔji dɔ Jɔb 8:8 - Maktub gə́ To gə Kəmee

⁸ Maji kari dəji deḛ gə́ to ginka dəwje gə́ ləw oo ləm, Maji kari si gèŋ ə̰ji dɔ kula ra bɔ deeje-je’g ləm tɔ.

Maktub gə́ wɔji dɔ Jɔb 8:8 ပူးပေါင်းရင်းမြစ်များ

2 Sôrta Gḭka Israɛlje 10:6

Mbai Roboam lé dəji dəwje gə́ tɔg gə́ d’isi mbɔr bɔbeeje’g Salomo̰ loo gə́ yeḛ si ne kəmba ɓəi lé pana: See takəmkàr gə́ ban ɓa a kwɔjimje kamje m’tel m’ula koso-dəwje neelé wa.

Maktub gə́ wɔji dɔ Jɔb 12:12

Meḛ ɓugaje lé kəmkàr to keneŋ ləm, Gosɔnégər to rɔ dəw gə́ ləbee to yaa̰’g ləm tɔ.

Maktub gə́ wɔji dɔ Jɔb 13:1

Tɔgərɔ, néje lai neelé m’oo gə kəm ya ləm, Mbim kara oo gər maji ya ləm tɔ.

Maktub gə́ wɔji dɔ Jɔb 15:10

Mbuna síjeḛ’g lé deḛ gə́ dɔ dee pudu d’isi keneŋ, deḛ gə́ to ɓugaje Gə́ ləb dee to yaa̰ unda ka̰ bɔbije.

Maktub gə́ wɔji dɔ Jɔb 15:18

Né gə́ njékəmkàrje pa taree ləma, Né gə́ deḛ riba dəa gə́ deḛ taa taree rɔ bɔ deeje-je’g kédé lé ləm tɔ.

Maktub gə́ wɔji dɔ Jɔb 20:4

See i gər el wa. Un kudee ləw ba Gə́ Ala unda ne dəw dɔ naŋg nee lé

Pakɔsje 44:1

Pa lə Koréje gə́ d’ar bao-pa mba karee ɔs sə dee lé

Esai 38:19

Yeḛ gə́ aw kəmba nja kára ba Yeḛ nja ɓa askəm pidii To gə́ m’ra ɓogənè bèe. Bɔ-ŋganje ar ŋganeeje gər ŋgonkoji ləi.

Joɛl 1:2

Seḭ ɓugaje lé urje mbi sí ooje ne ta neelé Seḭ dəw-mee-ɓeeje lé oreeje mbi sí ndəŋ dɔ ta’g neelé to! Né gə́ togə́bè lé see teḛ mee ndəa gə́ seḭ síje keneŋ lé Esé mee ndəa’g lə bɔ síje-je ya wa.

Njé gə́ Rɔmə 15:4

Mbata taje lai gə́ deḛ ndaŋg mee maktub’g kédé lé deḛ ndaŋg gə mba ndoo sí ne mba kar mbɔl dɔ meekila gə ta gɔl mee gə́ maktub gə́ to gə kəmee ar sí lé jeḛ j’unda ne meḛ sí yel ya.

1 Njé gə́ Kɔrḭtə 10:11

Néje lai gə́ teḛ dɔ dee’g lé to nétɔji sí ya. Deḛ ndaŋg taree d’ar sí mba ndəji sí ne, jeḛ gə́ rudu ndəa a gə kun dɔ sí’g lé.

Tel tura Godndu 32:7

Arje meḛ sí olé dɔ ndɔje gə́ ləw’d Gə́ dəs lé ləm, Ǝ̰jije goo ləbje Gə́ orè goo na̰ goo na̰ lé ləm, Dəjije bɔ síje ndá d’a ndoo sí ləma, Dəjije ɓugaje lə sí ndá d’a kula sí ləm tɔ.

Tel tura Godndu 4:32

Maji kar sí ə̰jije dɔ ndɔje gə́ ləw gə́ dəs no̰ sí’g kédé lé un kudee mee ndəa gə́ Ala unda ne dəw dɔ naŋg nee ləm, ə̰jije dɔ né gə́ teḛ un kudee loo gə́ ḭ gwɔi dara’g saar kaw rudee’g lé ləm tɔ, see dəw oo né gə́ boo gə́ togə́bè kédé əsé see a koo gar né gə́ togə́bè gogo ya wa.