Maktub gə́ wɔji dɔ Jɔb 8:3 - Maktub gə́ To gə Kəmee

³ See Ala a turu néra gə́ danasur kila gel wa. See Bao-siŋgamoŋ a turu ta gə́ gə dɔ najee kila gel wa.

Maktub gə́ wɔji dɔ Jɔb 8:3 ပူးပေါင်းရင်းမြစ်များ

Gḭ-Néje 18:25

Tɔl njemeekarabasur na̰’d gə njemeeyèr lé mba kar né gə́ teḛ dɔ njemeekarabasur’g gə dɔ njemeeyèr’g d’asəna kára ba lé maji kar né ra gə́ togə́bè tibi mbɔri el! Maji karee tibi mbɔri el ɓòo. See yeḛ gə́ a gaŋg rəwta dɔ naŋg nee lai lé a ra gə dɔ najee el wa.

2 Sôrta Gḭka Israɛlje 19:7

Ɓasinè, maji kar ɓəl lə Njesigənea̰ ɔm dɔ sí’g, undaje kəmkàr dɔ rɔ sí’g mbata rɔ Njesigənea̰, Ala lə sí lé néra gə́ kori-kori godo keneŋ ləm, yeḛ ɔr kəm dəwje gə goo maji lə deḛ gə́ raga ba el ləma, yeḛ ndigi néndogo-gel el ləm tɔ.

Maktub gə́ wɔji dɔ Jɔb 10:3

See i oo gə́ né gə́ maji mba kula kəm ndòo ləm, Gə kɔs kula gə́ i ra gə jii ɓa ŋgərəŋ ləma, Gə mba kar meemaji ləi to dɔ loo-kwɔji-na̰-ta’g lə njémeeyèrje’g ləm tɔ wa.

Maktub gə́ wɔji dɔ Jɔb 19:6

Maji kar sí gərje gao to gə́ Ala nja ɓa tubam ləm, Yeḛ nja ɓirim gə wul-ba̰də ləa ləm tɔ.

Maktub gə́ wɔji dɔ Jɔb 19:7

Ɓó lé m’no̰ mbata néra kərm-kərm gə́ ra səm ndá njekilam keneŋ godo ləm, Ɓó lé m’ɓar njela səm kara njegaŋ-rəwta ləm godo ləm tɔ.

Maktub gə́ wɔji dɔ Jɔb 21:15

Bao-siŋgamoŋ ɓa gə́ na̰ ɓa n’a raje né kaareeje wa. See ɗi ɓa n’a kiŋgaje loo gə́ neḛ n’raje tamaji təa’g wa.

Maktub gə́ wɔji dɔ Jɔb 21:20

To kəm karee yeḛ nja oo tuji ləa gə kəmee ləm, To ta ləa-yeḛ nja gə mba karee ai oŋg lə Bao-siŋgamoŋ ləm tɔ.

Maktub gə́ wɔji dɔ Jɔb 34:5

Jɔb pana: Neḛ n’to njera nédanasur, Ala ɓa ɔs ta ləa gə́ gə dɔ najee lé rəw.

Maktub gə́ wɔji dɔ Jɔb 35:13

Tɔgərɔ deḛ no̰ nɛ no̰ pi, Ala oo gə́ né el, Bao-siŋgamoŋ un kəmee dɔ’g rəw.

Maktub gə́ wɔji dɔ Jɔb 36:23

See na̰ ɓa to njekwɔji rəw-kabeeje wa. See na̰ ɓa askəm pana: I ra majel wa.

Maktub gə́ wɔji dɔ Jɔb 36:3

M’a taa gosonégər ləm gə́ ḭ loo gə́ əw’g ləm, M’a tɔjii néra gə́ gə dɔ najee lə njekṵdam kari oo gəd ləm tɔ.

Maktub gə́ wɔji dɔ Jɔb 37:23

Jeḛ j’askəm kaw saar teḛ rɔ Bao-siŋgamoŋ’d el, Yeḛ lé to gə́ boo gə goo siŋgamoŋ ləa ləm, Gə goo rəwta-gaŋg ləa gə nérea gə́ danasur gə́ un naŋg nee lad ləm tɔ, Yeḛ aw ndòo kila ta’g el.

Maktub gə́ wɔji dɔ Jɔb 4:17

See dəw a to njera né gə dɔ najee no̰ Ala’g wa. See yeḛ a kàr ŋgad-ŋgad no̰ yeḛ gə́ njekṵdá’g wa.

Maktub gə́ wɔji dɔ Jɔb 40:2

See njemaḭta gə Bao-siŋgamoŋ lé see ta dumee wa. See dəw gə́ maḭta gə Ala see yeḛ aw gə ta gə́ kəm kila’g wa.

Maktub gə́ wɔji dɔ Jɔb 40:8

See i a tuji rəwta-gaŋg ləm wa. See i a kila ta dɔm’g ɓa mba kɔr ne ta dɔi’g wa.

Maktub gə́ wɔji dɔ Jɔb 9:2

Ma m’gər gao to togə́bè ya, See dəw a to njera nédanasur no̰ Ala’g lé to gə́ ban wa.

Pakɔsje 89:14

Kag jii to kɔgərɔ-kɔgərɔ ləm, Jii ɓar mèr-mèr ləma, Jikɔli to gə́ tar ndiŋ ləm tɔ,

Pakɔsje 99:4

Maji kar dee d’ila riɓar dɔ siŋgamoŋ’g Le mbai gə́ njekunda meekarabasur dan kəmee’g lé ya, Néra gə́ danasur lé I nja aree to njaŋg ləm, Meekarabasur gə néra gə́ gə dɔ najee lé kara I nja ra mbuna njé’g lə Jakob lé ləm tɔ.

Ejekel 18:25

Seḭ pajena: Rəw lə Mbaidɔmbaije to gə goo rəbee el. Seḭ gel-bɔje lə Israɛl lé maji kar sí ooje ta! See rəw lə neḛ ɓa to gə goo rəbee el wa. See to rəwje lə sí-seḭ ɓa to gə goo rəbee el lé el wa.

Ejekel 33:17

Ŋgalə koso-dəwje ləm pana: Rəw lə Mbaidɔmbaije to gə goo rəbee el. To deḛ ya ɓa rəw lə dee to gə goo rəbee el.

Ejekel 33:20

Seḭ pajena: Rəw lə Mbaidɔmbaije to gə goo rəbee el. Seḭ gel-bɔje lə Israɛl lé nana kara n’a gaŋg rəwta dəa’g gə goo panjaa ləa ya.

Loo gə́ killa rea kəm Daniel’g 9:14

Njesigənea̰ aa dɔ tuji-boo neelé aree teḛ dɔ sí’g ya. Mbata Njesigənea̰, Ala lə sí lé néreaje lai gə́ yeḛ ra lé to gə dɔ najee ya nɛ jeḛ lé j’un mbi sí rəw dɔ ta’g ləa.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Loo gə́ killa rea kəm Ja̰’g 15:3

Deḛ d’ɔs pa lə Moyis, yeḛ gə́ to kura lə Ala ləm, gə pa lə Ŋgonbad lé ləm tɔ pana: Mbaidɔmbaije Ala, i gə́ to Bao-siŋgamoŋ lé Néraije to gə́ boo ləm, to ɓəl kədm-kədm ləm tɔ. I gə́ to mbai dɔ ginkoji dəwje gə raŋg lé Né gə́ i wɔji-kwɔji ra lé to gə dɔ najee ləm, Ta ləi to gə́ kankəmta ləm tɔ,

Loo gə́ killa rea kəm Ja̰’g 16:7

M’oo ndu dəw ɓar loo-nékinjaməs’g pana: Oiyo ɓó Ala, Mbaidɔmbaije, Bao-siŋgamoŋ lé ta gə́ i ɔr ɔm dɔ dee’g lé to gə dɔ najee ya.