Maktub gə́ wɔji dɔ Jɔb 8:2 - Maktub gə́ To gə Kəmee

² See ndɔ gə́ ra ɓa i a kunda ŋgaŋ ta gə́ togə́bè lé wa. See saar ndɔ gə́ ra ɓa taje gə́ ula mbḭ-mbḭ to gə́ lel-boo bèe a kunda gaŋg teḛ tai’g wa.

Maktub gə́ wɔji dɔ Jɔb 8:2 ပူးပေါင်းရင်းမြစ်များ

1 Mbaije 19:11

Njesigənea̰ pana: Gə́ teḛ raga, aar dɔ mbal’g no̰ Njesigənea̰’g! Nɛ aa oo, Njesigənea̰ lé dəs tar. Loo gə́ no̰ Njesigənea̰’g lé lel-boo gə́ to ɓəl kədm-kədm ula ar mbalje ta̰ ləm, təd mbalje njigi-njigi ləm tɔ nɛ Njesigənea̰ godo dan lel-boo’g lé. Goo lel-boo’g ndá naŋg yə nɛ Njesigənea̰ godo dan naŋg gə́ yə’g lé tɔ.

Maktub gə́ wɔji dɔ Jɔb 15:2

See njekəmkàr a tel kila ta gə́ yeḛ gər ginee njai el gə mḭdé ba wa. Esé see yeḛ a kar lel gə́ ḭ bər rusu mée tub-tub wa.

Maktub gə́ wɔji dɔ Jɔb 16:3

Lel-taje gə́ togə́bè lé see ndɔ gə́ ra ɓa a kəwje paje wa. See gelee ban ɓa i ila ta’g gə meekḭ jugugu wa.

Maktub gə́ wɔji dɔ Jɔb 18:2

See ndɔ gə́ ra ɓa a kundaje ŋgaŋ taje lə sí wa. Maji kar sí iŋgaje gosonégər ɓa j’a kwɔji na̰ ta ɓəi.

Maktub gə́ wɔji dɔ Jɔb 6:26

See seḭ ndigi gaŋgje ta dɔ taje’g ləm, Kooje gə́ ta lə dəw gə́ to ta yoo’d gə́ ta ləa dəs to gə́ lel bèe wa.

Maktub gə́ wɔji dɔ Jɔb 6:9

Ɓó lé mee Ala ndigi ndá Maji karee rədm naŋg mbə̰ji-mbə̰ji ləm Maji karee ula jia ɔrm ne dɔ naŋg nee ləm tɔ.

Maktub gə́ wɔji dɔ Jɔb 7:11

Gelee gə́ nee ɓa m’a kwa tam el, Néɓəŋgərəti gə́ to məəm’g lé m’a pa ne ta ləm, Meem gə́ adə mbag-mbag lé m’a ndiŋga ne rɔm ya ləm tɔ.

Maktub gə́ wɔji dɔ Jɔb 8:1

Bildad, dəw gə́ Sua un ta pa pana:

Teḛ-Raga 10:3

Moyis gə Aaro̰ d’aw rɔ Parao̰’g d’ulá pana: Njesigənea̰ gə́ to Ala lə Ǝbrəje lé pa togə́bè pana: See ndɔ gə́ ra ɓa i a kəw rɔi mbad koso kul no̰ neḛ’g lé wa. Ya̰ dəwje lə neḛ ar dee d’aw gə mba kar dee d’aw pole neḛ.

Teḛ-Raga 10:7

Kuraje lə Parao̰ d’ulá pana: See dəw neelé a to gum kwa sí ya bèe-bèe saar gə́ ndɔ gə́ ra wa. Maji kari ya̰ dəwje neelé ar dee d’aw gə mba pole Njesigənea̰ Ala lə dee. Ɓee gə́ Ejiptə lé si tuji gə́ tuji nɛ see i oo el ya ɓəi wa.

Gosota-Kəmkàrje 1:22

Seḭ gə́ négər na meḛ sí tas lé See ndɔ gə́ ra ɓa a kəwje rɔ sí raje né Gə́ gə mḭdé ba lé wa. Seḭ njékula sul dɔ loo’gje lé See kula sul dɔ loo’d gə́ lel sí lé A kundaje ŋgaŋgee ndɔ gə́ ra wa. Seḭ mbəje kara see ndɔ gə́ ra ɓa A kundaje ŋgaŋ mbad gər gin né lé wa.

Jeremi 5:13

Njéteggintaje to d’asəna gə lel, To Ala ɓa wa dee pa ne ta el. Maji karee to togə́bè ya dɔ dee’g!