Maktub gə́ wɔji dɔ Jɔb 8:13 - Maktub gə́ To gə Kəmee

¹³ To togə́bè gə deḛ lai gə́ meḛ dee wəi dɔ Ala’g lé, Meekundayel lə dee a tuji pugudu bèe tɔ.

Maktub gə́ wɔji dɔ Jɔb 8:13 ပူးပေါင်းရင်းမြစ်များ

Maktub gə́ wɔji dɔ Jɔb 11:20

Nɛ kəm njémeeyèrje to bibli, Deḛ lé loo gə́ gə mba kaḭ kiya rɔ dee keneŋ godo. Yoo ɓa gə́ nékunda mee yel dɔ’g lə dee.

Maktub gə́ wɔji dɔ Jɔb 13:16

Yee nee ɓa a to gə́ kaji ləm, Mbata njéhulaije d’a kaskəm kaar nea̰’g bèe el.

Maktub gə́ wɔji dɔ Jɔb 15:34

Mee kəi lə njéhulaije a kwa ŋgɔ njag-njag ləm, Pər a roo kəi-kubu lə njéndogo-gel mar deeje ləm tɔ.

Maktub gə́ wɔji dɔ Jɔb 18:14

Kəi ləa gə́ yeḛ ɔm mée dɔ’g gə́ loo-si-lɔm lé d’ɔree wɔgədɔ keneŋ D’aw səa rɔ mbai dɔ néje gə́ to ɓəl kədm-kədm’g.

Maktub gə́ wɔji dɔ Jɔb 20:5

Kun baŋga lə njémeeyèrje kuree to gə́ lam ba ləm, Rɔlel lə njehulai kara kuree əw waga ba ləm tɔ lé see i gər bèe el wa.

Maktub gə́ wɔji dɔ Jɔb 36:13

Njéhulaije d’ya̰ rɔ dee yag dan oŋg’d, Deḛ no̰ gə́ rɔ Ala’g lé loo gə́ yeḛ wa dee gə kúla lar lé el.

Maktub gə́ wɔji dɔ Jɔb 8:12

Loo gə́ to rubu gə́ kəm kinja el ya ɓəi ndá Yee tudu kalaŋ unda muje gə́ raŋg lai.

Pakɔsje 1:4

Nɛ njémeeyèrje lé dee to togə́bè el. Deḛ to d’asəna gə ləm mu gə́ lel sané kad bèe.

Pakɔsje 10:4

Njemeeyèr lé pa gə kəsta pana: Ala a kar bo̰ néra neḛ ɔs ta neḛ’g el. Ala si gən pai godo. Takə̰ji ləa ya lai nee ndá.

Pakɔsje 112:10

Njemeeyèr lé aa loo ée ndá Oŋg ḭ səa pu ləm, Yeḛ sɔ ŋgaŋgee dəa’g pəgərə-pəgərə ɓa Lée dumee təs ɓəi ləm tɔ. Néje gə́ njémeeyèrje ndiŋga lé Tel to né gə́ kari ba.

Pakɔsje 50:22

Seḭ gə́ meḛ sí wəi dɔ Ala’g lé Maji kar sí undaje kəmkàr dɔ rɔ sí’g Nà n’a kḭ ti sí ne mbidi-mbidi Lal kar dəw kára kara ɔr sí ila sí tar.

Pakɔsje 9:17

Njesigənea̰ riba dɔ rəa gaŋg ne rəwta gə́ gə dɔ najee, Yeḛ ar gum néra majel lə njémeeyèrje tel wa dee.

Gosota-Kəmkàrje 10:28

Ŋgina né lə njémeekarabasurje to rɔlel, Nɛ meekundayel lə njémeeyèrje a sané pá.

Gosota-Kəmkàrje 11:7

Loo gə́ njemeeyèr wəi ndá Né meekundayel ləa tuji pugudu, Tɔɓəi né ŋgina lə njéra nékori-korije lé Unda naŋg ndəs tɔ.

Gosota-Kəmkàrje 12:7

Tɔs njémeeyèrje tila dee ndá d’a godo, Nɛ kəi lə njémeekarabasurje nai tar.

Esai 33:14

Njékaiyaje lé deḛ ɓəl mee ɓee gə́ Sio̰’g, Njéra né kori-korije lé d’unda bala tigi-tigi. See na̰ ɓa mbuna sí’g askəm si mbɔr pər gə́ roo loo’g wa. Esé na̰ ɓa mbuna sí’g askəm si mbɔr ndo̰ pərje gə́ to saar-saar gə no̰ lé wa.

Esai 51:13

Seḭ arje meḛ sí wəi dɔ Njesigənea̰ gə́ njekunda sí’g lé Yeḛ gə́ naji dara gə tum gel naŋg nee. Seḭ undaje bala gə ndɔje kára-kára lai No̰ oŋg’d lə njekula kəm loo ndòo, Mbata yeḛ saŋg loo gə mba tuji sí pugudu! See oŋg lə njekula kəm loo ndòo lé ɓa to ra wa.

Nɔ̰-ndôo gə́ wɔji dɔ Jerusalem 3:18

Tɔɓəi m’pana: Siŋgam godo ya, Meem to yel gə́ dɔ Njesigənea̰’g el ŋga.

Matiyo 24:51

Mbai lé a kḭ kuru dəa’g kundá gə ndəi gaŋg rəa təgərə-təgərə ləm, a korè gə njéhulaije na̰’d məs ləm tɔ. Lée neelé to loo gə́ d’a no̰ gə mán-no̰ kəm dee’g keneŋ ləm, gə d’a sɔ ŋgaŋ dee keneŋ pəgərə-pəgərə ləm tɔ.

Tel tura Godndu 6:12

Ar məəi dɔ rɔi’g nà loo gə́ i a sɔ karee asi nag ndá məəi a kwəi dɔ Njesigənea̰’d gə́ ari unda loo mee ɓee gə́ Ejiptə’g mee kəi kula ɓər’g teḛ lé.

Tel tura Godndu 8:11

Meḛ sí dɔ rɔ sí’g nà a karje meḛ sí wəi dɔ Njesigənea̰ Ala’g lə sí gə mba lal kaa ne dɔ torndiaje, gə ndukunje ləa, gə godndiaje gə́ ma m’un m’ar sí ɓogənè lé.

Tel tura Godndu 8:14

meḛ sí dɔ rɔ sí’g nà a tije rɔ sí karje meḛ sí wəi dɔ Njesigənea̰ Ala’g lə sí, yeḛ gə́ ar sí undaje loo mee ɓee gə́ Ejiptə, mee kəi kula ɓər’g teḛje lé,

Tel tura Godndu 8:19

Ɓó lé seḭ arje meḛ sí wəi dɔ Njesigənea̰ Ala’g lə sí ar sí awje rɔ magəje gə́ raŋg’d ləm, ɓó lé seḭ raje né ar deeje ləma, gə seḭ undaje barmba dəbje kəm sí naŋg no̰ dee’g ləm tɔ ndá ma m’ula sí təsərə ya ɓogənè, seḭ a tujije pugudu ya.