Maktub gə́ wɔji dɔ Jɔb 8:10 - Maktub gə́ To gə Kəmee

¹⁰ Deḛ d’a ndooi né ləm, d’a kulai ta ləma, D’a kḭ gə ta dəji gə́ to meḛ dee’g mba riba dəa kari ləm tɔ pana:

Maktub gə́ wɔji dɔ Jɔb 8:10 ပူးပေါင်းရင်းမြစ်များ

Maktub gə́ wɔji dɔ Jɔb 32:7

Ma m’ə̰ji məəm’g m’pana: Dəw gə́ tɔg ɓa as gər pata ləm, Ləbje gə́ bula askəm ndoo dəw ta kəmkàr ləm tɔ.

Maktub gə́ wɔji dɔ Jɔb 8:11

See tatɔg a kuba lal daŋg-mán wa. Esé see mu-kwaa ra tɔg lal mán wa.

Maktub gə́ wɔji dɔ Jɔb 8:9

Mbata jeḛ n’to dəwje gə́ tagə́nè ba ndá jeḛ n’gər né kára el, Ndɔje lə sí gə́ dɔ naŋg nee to d’asəna gə ndil kag bèe.

Pakɔsje 145:4

Maji kar ŋgaka dəwje-dəwje d’unda no̰ néraije d’ar na̰ ləm, Kar dee d’ila mber sor néraije gə́ tur dɔ loo lé ləm tɔ.

Gosota-Kəmkàrje 16:23

Kəmkàr gə́ to mee dəw’g lé Aree pa ne ta gə goo rəbee. Négər ləa gə́ ḭ dɔ maree’d gə́ kédé-kédé lé Oji na̰ təa’g tɔ.

Gosota-Kəmkàrje 18:15

Mee njegosonégər lé iŋga négər ləm, Mbi njékəmkàrje lé saŋg négər ləm tɔ.

Matiyo 12:35

Dəw gə́ maji gə́ si gə néje gə́ maji lé ndá a teg némajije ləa gə́ raga. Dəw gə́ njemeeyèr gə́ si gə néyèrje ləa ndá a teg néyèrje ləa gə́ raga tɔ.

Tel tura Godndu 11:19

Seḭ a ndooje ŋgan síje taree ləm, seḭ a kula deeje taree loo gə́ seḭ síje mee kəije’g lə sí ləm, gə loo gə́ seḭ awje mbá’g ləm, gə loo gə́ seḭ a toje naŋg ləma, gə loo gə́ seḭ a k’ḭje tar ləm tɔ.

Tel tura Godndu 6:7

I a ndoo ŋganije taree ləm, i a pa taree loo gə́ i a gə to naŋg gə loo gə́ a gə kḭ tar ləm tɔ.

Ǝbrəje 11:4

Meekun lé ɓa Abel inja nékinjaməs gə́ ur dɔ ka̰ Kaḭ’g ar Ala. Meekun lé Ala ée ne gə́ njemeekarabasur mbata né gə́ yeḛ un ar Ala lé taa ne kəmee rəgm. Abel lé wəi mba̰ nɛ mbɔl dɔ meekun ləa lé yeḛ pata ar sí ɓəi.

Ǝbrəje 12:1

Jeḛ kara njékoo sə sí géeje gə́ d’aḭ dɔ sí sub lé d’isi ɗəŋ-ɗeŋ. Bèe ndá né gə́ ar rɔ sí wɔi ndiŋ-ndiŋ ləm, gə kaiya gə́ biri sí ləm tɔ lé ar sí j’ɔmje kɔrɔ ləm, ar sí j’aḭje gə meekai sam-sam gə kankəm rəw gə́ to tag no̰ sí’g ləm tɔ.