Maktub gə́ wɔji dɔ Jɔb 7:4 - Maktub gə́ To gə Kəmee

⁴ Loo gə́ m’to naŋg lé m’pana: See m’a kḭ tar kàr gə́ ra’d ŋga nee wa. See kàr gə́ ra ɓa loo a kar wa. Meetila ŋgaḭla-ŋgaḭla asm nag-nag saar ta lookàr.

Maktub gə́ wɔji dɔ Jɔb 7:4 ပူးပေါင်းရင်းမြစ်များ

Maktub gə́ wɔji dɔ Jɔb 17:12

Deḛ d’oo loondul gə́ lookàr ləm, Loo gə́ loondul ree mba̰ kara d’oo gə́ lookàr gə́ ree dəb ləm tɔ.

Maktub gə́ wɔji dɔ Jɔb 30:17

Loondul lé sɔ siŋgam rug-rug ləm, Némeeko̰ gə́ aw yɔməm lé əw rəa el ləm tɔ.

Pakɔsje 109:23

Ma lé m’aw asəna gə ndil kag gə́ teḛ loo kɔs bo̰’g ləa bèe ləm, Deḛ tubam tar asəna gə beedé bèe ləm tɔ.

Pakɔsje 130:6

Ŋgaw məəm ndiŋga Mbaidɔmbaije Unda njéŋgəmlooje gə́ ndiŋga lookàr lé bèe, Unda njéŋgəmlooje gə́ ndiŋga lookàr ya.

Pakɔsje 6:6

Dəw gə́ wəi mba̰ lé mée olé dɔi’g el. See na̰ ɓa a kɔs gajii ɓee lə njé gə́ d’wəi’g lé wa.

Pakɔsje 77:4

M’ar məəm olé dɔ Ala’g lé ndá M’tuma̰ ne ŋgururu-ŋgururu, M’la̰ji dəa’g ndá Meem ila kas bilim.

Esai 54:11

I ɓee-boo gə́ Jerusalem gə́ némeeko̰ rai Ar lel-boo ɓirii nɛ dəw kára kara gə́ njegɔli godo lé! Aa oo, m’a ra néra ma̰dje ləi gə kɔr mbalje ləi ləm, M’a tum geli gə jər sapir ləm tɔ.

Tel tura Godndu 28:67

Dan ɓəl’d gə́ a taa meḛ sí pəl-pəl lé ləm, gə goo néje lai gə́ kəm sí a koo dee ləm tɔ lé ndá teḛ gə ndɔ lé seḭ a paje pana: Kar loondul teḛ ɓa maji! Tɔɓəi loondul’g ndá seḭ a paje pana: Kar loo àr ɓa maji!