Maktub gə́ wɔji dɔ Jɔb 7:21 - Maktub gə́ To gə Kəmee

²¹ See gelee ban ɓa i ar məəi oso lemsé dɔ kaiya’g ləm el ləm, I ar məəi wəi dɔ néra kori-korije’g ləm el ləm tɔ wa. Mbata ɓasinè m’a gə to babur’g. I a saŋgəm nɛ a koom el tɔ.

Maktub gə́ wɔji dɔ Jɔb 7:21 ပူးပေါင်းရင်းမြစ်များ

2 Samel 24:10

Gée gə́ gogo goo tura gə́ Dabid ar dee tura bula lə koso-dəwje lé ndá kaaree ɓar ɗigi-ɗigi. Bèe ɓa yeḛ ula Njesigənea̰ pana: Ma m’ra kaiya gə́ boo loo gə́ m’ra né neelé. Ǝi Njesigənea̰, ɓasinè ar məəi oso lemsé dɔ néra kori-kori’g lə kura ləi mbata né gə́ m’ra lé to némbə ya.

Maktub gə́ wɔji dɔ Jɔb 10:14

Ɓó lé m’ra kaiya ndá i oom gao, I ar məəi oso lemsé dɔ néra kori-kori’g ləm el.

Maktub gə́ wɔji dɔ Jɔb 10:9

Maji kari ar məəi olé dɔ’g to gə́ a̰ji ɓa i ubam ne, See i a ndigi telm gə́ nduji naŋg gogo wa.

Maktub gə́ wɔji dɔ Jɔb 13:19

See na̰ ɓa a maḭ səm ta dɔ’g wa. Ɓasinè m’wa tam, ma m’ndigi kwəi ya.

Maktub gə́ wɔji dɔ Jɔb 14:10

Nɛ dəw gə́ wəi lé ndá siŋgá godo ŋga. Loo gə́ kəmə lə dəw teḛ mba̰ lé see a kée ra tɔɓəi wa.

Maktub gə́ wɔji dɔ Jɔb 17:14

Ma m’ra né wəl m’ar bwa m’pana: I nja to bɔmje. Tɔɓəi m’ula kɔrèje m’pana: Seḭ nja toje gə́ kɔmeje-je gə ŋgakɔmje gə́ dené.

Maktub gə́ wɔji dɔ Jɔb 20:8

Yeḛ a kḭ kaw to gə́ néni ndá dəw a koo gée el ləm, Yeḛ a sané pá to gə́ némḭdi gə́ loondul’g bèe ləm tɔ.

Maktub gə́ wɔji dɔ Jɔb 27:19

Yeḛ to naŋg dan boo-nékiŋgaje’g ndá Yeḛ wəi lal néje lai, Yeḛ teḛ kəmee bəsəsə ndá néje lai sané pá.

Maktub gə́ wɔji dɔ Jɔb 3:13

Lé togə́bè el ndá ɓasinè m’a to naŋg ləm, m’a to lɔm ləma, M’a toɓi ləm m’a kwa rɔm na̰’d

Maktub gə́ wɔji dɔ Jɔb 33:9

I to njemeenda ləm, i ra kaiya kára el ləm, I maji ɔr njoroŋ ləma, néra gə́ kori-kori godo rɔi’g ləm tɔ.

Maktub gə́ wɔji dɔ Jɔb 7:8

Kəmi gə́ oom lé a koom el ŋga ləm, Kəmi a saŋgəm nɛ m’a godo ləm tɔ.

Maktub gə́ wɔji dɔ Jɔb 8:1

Bildad, dəw gə́ Sua un ta pa pana:

Maktub gə́ wɔji dɔ Jɔb 9:28

Némeeko̰je ləm lai d’ar ɓəl undam badə gaŋgm. Ma m’gər gao i a koom gə́ dəw gə́ ta wa dəa el lé nda̰ el.

Pakɔsje 103:15

Dəw lé ndɔ ləa to asəna gə ndɔ ka̰ muje bèe ləm, Yeḛ to asəna gə puduje gə́ mee ndɔje’g bèe ləm tɔ.

Pakɔsje 37:36

Nɛ loo gə́ ma m’dəs ndá aa oo yeḛ godo ŋga, Ma m’saŋgee ndá m’iŋgá el tɔ.

Njekillamber 12:7

Kédé ɓa kar nduji naŋg tel aw naŋg gogo to gə́ ḭ ne naŋg kédé ləm, kar ndil dəw tel aw rɔ Ala’d gə́ njekaree lé ləm tɔ.

Esai 26:19

Maji kar njé’g ləi gə́ d’wəi lé tel d’isi kəmba, Maji kar nin dəwje ləm d’ḭ tar! Ndelje dɔ ɓi’g, alje rɔ sí gə rɔlel, Seḭ gə́ rogoje babur’g! Mbata mán-tàl ləi to mán-tàl Gə́ ka̰ kar dəw si ne kəmba ləm, Naŋg a teḛ gə ndil njé gə́ d’wəi lé Kar dee d’isi kəmba gogo ləm tɔ.

Esai 64:9

Ɓee-booje ləi gə́ to gə kəmee to gə́ dɔdilaloo, Sio̰ tel to dɔdilaloo, Jerusalem tel to dɔnduba.

Loo gə́ killa rea kəm Daniel’g 12:2

Njé gə́ na̰je bula gə́ d’wəi tel nduji naŋg lé d’a tel kisi kəmba gə no̰ nɛ njé gə́ raŋg bula d’a kila rɔkul dɔ dee’g kar rɔkul wa dɔ dee gə no̰ tɔ.

Ojee 14:2

Ǝi Israɛlje! ɔsje badm telje gə́ rɔ Njesigənea̰ Ala’g lə sí Mbata néra gə́ kori-korije lə sí ɓa Seḭ tugaje ne loo osoje ne.

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

1 Ja̰ 1:9

Ɓó lé jeḛ n’teggin kaiya lə sí gə́ raga ndá yeḛ to njemeenda londoŋ gə njemeekarabasur mba kar mée ti mbidi dɔ’g ləm, mba kɔr won néra gə́ kori-kori lə sí ɓə̰dərə-ɓə̰dərə ləm tɔ.

1 Ja̰ 3:5

Seḭ gərje gao, Jeju lé ree mba kɔr kaiya lə dəwje kɔm kɔrɔ nɛ kaiya kára kara uba rəa təb el.