Maktub gə́ wɔji dɔ Jɔb 7:18 - Maktub gə́ To gə Kəmee

¹⁸ I teḛ gə ndɔ tənee ta-ta ləma, I aḭ mée ta-ta ləm tɔ wa.

Maktub gə́ wɔji dɔ Jɔb 7:18 ပူးပေါင်းရင်းမြစ်များ

Gḭ-Néje 22:1

Gée gə́ gogo Ala naa mee Abrakam ndá yeḛ baree pana: Abrakam! Yeḛ ndigi təa’g pana: Yḛ̀ m’aar nee.

Maktub gə́ wɔji dɔ Jɔb 14:3

Dəw gə́ bèe ɓa i teḛ kəmi dəa’g! Yee ɓa to ma gə́ i ndɔrm aw səm loo-gaŋg-rəwta’g ləi.

Maktub gə́ wɔji dɔ Jɔb 23:10

Lé bèe kara yeḛ gər rəw-kabm gao, Loo gə́ yeḛ a naam ndá M’a kunda loo teḛ gə rɔm gə́ àr ŋgad-ŋgad to gə́ larlɔr bèe.

Pakɔsje 73:14

Ndɔje kára-kára lai lé nékəmndooje ram ləm, Teḛ gə ndɔ gə ndɔje kára-kára lai lé I ar bo̰ néram ɔs tam’g ləm tɔ.

Teḛ-Raga 20:5

I a kunda barmba dəb kəmi naŋg no̰ dee’g el ləm, i a kula kəm rɔi ndòo mbata lə dee el ləm tɔ, mbata ma Njesigənea̰, Ala ləi lé ma m’to Ala gə́ kəm əḭ dɔ koso-dəwje’g ləm gə́ m’ar bo̰ néra yèr lə bɔ ŋganje gə́ d’ḛjim bəḭ-bəḭ lé ɔs ta ŋgan deeje’g saar njéboakojije lə dee gə́ kudu munda əsé gə́ kudu sɔ tɔ,

Teḛ-Raga 32:34

Ɓasinè lé aw, ɔr no̰ dəwje lé teḛ sə dee loo gə́ m’ulai’g lé. Aa oo, kura ləm gə́ dara a kɔr nɔḭ nɛ mee ndəa gə́ ma m’wɔji lé ndá m’a kar bo̰ kaiya ra dee ɔs ta dee’g bɔsɔrɔ ya.

Esai 26:14

Deḛ gə́ d’wəi lé D’a tel si kəmba gogo el ləm, Ndil deḛ gə́ d’wəi lé D’a kḭ tar el ləm tɔ, Mbata i ar bo̰ néra dee ɔs ta dee’g ləm, I tuji dee pugudu ləma, I tuji nékolé-mee dɔ’g lə deḛ lai ləm tɔ.

Jeremi 9:7

Ndo̰ dee to gə́ kandə ɓandaŋg Gə́ ka̰ tɔl dəw ləm, Taŋgɔm ɓa gə́ tapa dee goo kára ba ləm tɔ. Ndo̰ dee pata meekulɔm ar mar deeje, Nɛ meḛ dee gə́ kəi ndá To gum ɓa d’iya no̰ dee’g.

Loo gə́ killa rea kəm Daniel’g 12:10

Dəwje bula d’a kar dee d’àr ŋgad-ŋgad ləm, kar meḛ dee ndá londoŋ ləma, d’a naa meḛ dee ləm tɔ. Nɛ njémeeyèrje d’a ra majel ləm, dəw kára kara mbuna dee-deḛ njémeeyèrje’g lé a gər ginee el ləm tɔ. Nɛ deḛ gə́ d’a to njégosonégərje ɓa d’a gər ginee ya.

Soponi 3:5

Njesigənea̰ to njera né gə dɔ najee mbuna dee’g Ɓó yeḛ ra né gə́ majel kára kara el. Teḛ gə ndɔ gə ndɔje kára-kára lai lé Yeḛ riba dɔ rəwta ləa ar dee d’oo Ɓó lal gɔl kára el. Nɛ njémeeyèrje lé rɔkul ra dee el!

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Tel tura Godndu 8:16

yeḛ gə́ ar sí muru gə́ ḭ dara gə́ bɔ síje-je gər el dɔdilaloo’g o̰je, gə mba kar sí ndooje kulje ne ləm, gə mba kaḭ ne meḛ sí mba̰ ɓa gə mba ra sə sí né gə́ maji gogo ɓəi ləm tɔ.

1 Piɛrə 1:7

mba kar né gə́ naa sí waga lé unda ne rɔ meekun lə sí ar dee d’oo. Meekun lə sí gə́ gadee ur dɔ ka̰ larlɔr gə́ naa dan pər’d nɛ a kunda naŋg ɓəi lé ndɔ gə́ Jeju Kristi a kunda loo teḛ ndá a tel to népidi sí ləm, gə né kula rɔnduba dɔ sí’g ləma, gə né kila riɓar dɔ sí’g ləm tɔ.