Maktub gə́ wɔji dɔ Jɔb 7:16 - Maktub gə́ To gə Kəmee

¹⁶ Ma m’ə̰ji dee bəḭ-bəḭ, m’a si kəmba saar-saar el. Maji kari ya̰’m mbata kəmə ləm tɔ asəna gə lel bèe.

Maktub gə́ wɔji dɔ Jɔb 7:16 ပူးပေါင်းရင်းမြစ်များ

Gḭ-Néje 27:46

Rebeka ula Isaak pana: Rɔm asm dɔ kisi kəmba’g mbata lə ŋgalə Het gə́ dené gə́ to məmje-je lé. Ɓó lé Jakob taa dené gə́ as sə dee mbuna ŋgalə Het’g əsé mbuna ŋganje gə́ dené gə́ mee ɓee gə́ neelé ndá see kisi kəmba ləm a to né gə́ ban ɓa bèe wa.

1 Mbaije 19:4

Nɛ yeḛ lé aw njaa dɔdilaloo’g as ndɔ kára doŋgɔ ɓa aw si gel kag-sam’g ndá yeḛ ndiŋga yoo pana: Asm ŋga! Ɓasinè lé Njesigənea̰, ɔr kəmə ləm mbata ma m’to maji m’unda bɔmje-je el.

Maktub gə́ wɔji dɔ Jɔb 10:1

Ma m’ə̰ji si kəmba ləm bəḭ-bəḭ! M’a teḛ gə ta no̰-ndooje ləm gə́ raga ləm, Ma pata gə goo mee kad mbag-mbag ləm ləm tɔ.

Maktub gə́ wɔji dɔ Jɔb 10:20

See ndɔje ləm tɔ gə́ jebəre ba el wa. Maji kari ya̰’m! Maji kari ɔr rɔi rɔm’g mba kam m’taa kəmə

Maktub gə́ wɔji dɔ Jɔb 14:6

Maji kari un kəmi dəa’g aree taa kəmə Mba kar rəa lelee to gə́ njekula lar gə́ iŋga nékoga dɔ ji mee ndɔ’g ləa bèe.

Maktub gə́ wɔji dɔ Jɔb 6:9

Ɓó lé mee Ala ndigi ndá Maji karee rədm naŋg mbə̰ji-mbə̰ji ləm Maji karee ula jia ɔrm ne dɔ naŋg nee ləm tɔ.

Maktub gə́ wɔji dɔ Jɔb 7:15

Ai-i, ma m’ndigi kar dəw ugu ɗɔrm gaŋg ɓa maji. Tɔgərɔ, kwəi ɓa maji unda kar siŋgamje nai njḭ.

Maktub gə́ wɔji dɔ Jɔb 7:7

Ǝi Ala, ar məəi olé dɔ’g to gə́ kəmə ləm tɔ asəna gə lel bèe, Kəm a tel koso dɔ si dan maji’g el ŋga.

Maktub gə́ wɔji dɔ Jɔb 9:21

See ta wa dɔm el wa. Ta wa dɔm el ya. Ma m’ə̰ji si kəmba ləm bəḭ-bəḭ.

Pakɔsje 144:4

Dəw lé to asəna gə kṵji kəmə gə́ teḛ pugudu bèe ləm, Ndɔje ləa kara to asəna gə ndil kag gə́ dəs bèe ya ləm tɔ.

Pakɔsje 39:10

Ma lé m’isi dɔ mundu m’teḛ tam el Mbata to i nja ɓa ra née ya.

Pakɔsje 39:13

Njesigənea̰, maji kari oo tamaji ləm ya ləm, Ur mbii oo ne ndu no̰ ləm ya ləm tɔ. Maji kar ma̰-no̰je ləm kuli gə́ mán el! Mbata ma m’to gə́ mbá mee kəi’g ləi ləm, Ma m’to gə́ njedəstar to gə́ bɔmje-je lai bèe ləm tɔ.

Pakɔsje 39:6

Aa oo, i lé mbo̰ ndɔje ləm na̰’d Ar dee tad d’asəna gə dabla ji dəw bèe ləm, Kisi gə́ m’isi dɔ naŋg nee kara To né gə́ əḭ kəmi’g el ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Pakɔsje 62:9

Seḭ koso-dəwje lé kàr gə́ rara kara Maji kar sí ɔmje meḛ sí dəa’g, Tegje ginta gə́ to meḛ sí’g areeje! Mbata Ala to njo̰loo-kula-dɔ lə sí ya.

Pakɔsje 78:33

Kṵji təa gə́ teḛ lé yeḛ tuji ne ndɔje lə dee ləm, Né gə́ to ɓəl kədm-kədm teḛ ne dɔ dee’g wai rudu ləbje’g lə dee lé ləm tɔ.

Pakɔsje 78:39

Yeḛ ar mée olé dɔ dee’g to gə́ deḛ to dakasrɔ gə́ kari ba, Deḛ to d’asəna gə kṵji ta dəw gə́ teḛ pu ndá Tel ree gogo el lé tɔ.

Njekillamber 2:17

Bèe ɓa ma m’ə̰ji si kəmba lé bəḭ-bəḭ mbata néje lai gə́ ra dee dɔ naŋg neelé taa kəm el mbata néje lai lé to néje gə́ kari ba, to kaiŋgwɔd goo lel’g.

Jeremi 8:3

Ges dee-deḛ ginkoji dəwje nee gə́ to njémeeyèrje lé d’a koo yoo ɓa gə́ né gə́ maji unda kisi kəmba mee looje lai gə́ n’a tuba dee kɔm dee keneŋ lé Njesigənea̰ gə́ njeboo-néje ɓa pa bèe.

Junas 4:3

Ɓasinè lé aa oo Njesigənea̰, m’ra ndòo rɔi’g kari am m’wəi mbata ma lé kwəi ɓa ma m’ndigi yaa̰ unda kisi kəmba ya.

Junas 4:8

Loo gə́ kàr uba mba̰ ndá Ala ar lel gə́ nuŋga pid-pid ḭ bər ula ləm, ar kàr kara nuŋga dɔ Junas’g ləm tɔ ndá yeḛ guru naŋg rug. Yeḛ ndiŋga rəa gə yoo pana: Ma lé kwəi ɓa ma m’ndigi yaa̰ unda kisi kəmba tɔ.