Maktub gə́ wɔji dɔ Jɔb 7:1 - Maktub gə́ To gə Kəmee

¹ See dəw gə́ dɔ naŋg nee lé kəmə ləa asəna gə ka̰ njerɔ bèe el wa. See ndɔje ləa to d’asəna gə ka̰ njera kula lar bèe el wa.

Maktub gə́ wɔji dɔ Jɔb 7:1 ပူးပေါင်းရင်းမြစ်များ

Maktub gə́ wɔji dɔ Jɔb 10:17

I tel ɔr njékɔrgootaje gə́ raŋg ar deḛ d’ɔm ta dɔm’g ləm, I ar meekḭ jugugu ləi ḭ dɔ maree’g dɔm’g ləma, I ar nékəmndooje d’orè goo na̰-na̰ dɔm’g ləm tɔ.

Maktub gə́ wɔji dɔ Jɔb 14:1

Dəw gə́ dené ojee lé Ndɔ si kəmba ləa bula el ləm, né ula kəmee ndòo ta-ta ləm tɔ.

Maktub gə́ wɔji dɔ Jɔb 5:7

Dəw lé d’ojee karee oo ko̰-né To gə́ ndao-pər ḭ gə́ tar bèe tɔ.

Maktub gə́ wɔji dɔ Jɔb 7:2

To gə́ ɓər lé ndiŋga ndil kwa rəa keneŋ ləm, To gə́ njekula lar unda mée yel dɔ nékoga dɔ jia’g ləm tɔ lé

Pakɔsje 39:4

Ŋgaw məəm gə́ kəi roo dula-dula ya ləm, Pər gə́ məəm gə́ kəi kɔrɔg lé kara room dula-dula ləm tɔ Ar ta lé teḛ tam’g ya ɓəi.

Njekillamber 8:8

Dəw kára kara siŋgá As kɔg ndilee teḛ el ləm, Siŋgamoŋ ləa kára kara Askəm kɔg ndɔ kwəi ləa el ləm tɔ. Rɔ neelé dəw kára kara Askəm kɔr rəa keneŋ el ləm, Meeyèr lé Askəm kaji njémeeyèrje el ləm tɔ.

Esai 16:14

Nɛ ɓasinè Njesigənea̰ pa taje nee pana: Mee ləbje gə́ munda gə́ to gə́ ləbje lə njekula lar bèe lé ndá rɔnduba lə Moabje gə koso-dəwje lə dee gə́ bula digi-digi lé d’a tel to né gə́ to kḛji. Ges dee gə́ nai lé d’a tel to gə́ né el asəna gə né gə́ godo bèe ya.

Esai 21:16

Mbata Mbaidɔmbaije ulam togə́bè pana: Ləb nai kára ɓəi asəna gə ləb lə njekula lar bèe ndá rɔnduba lə Kedar lai a godo.

Esai 38:5

Aw ula Ejekias pana: Njesigənea̰, Ala lə bɔbije Dabid pa togə́bè pana: Neḛ n’oo tamaji ləi ya ləm, n’oo mán-no̰ gə́ to kəmi’g ya ləm tɔ. Aa oo, n’a gə kila ləbi dɔ maree’g as ləb dɔg-giree-mi ɓəi.

Esai 40:2

Paje ta gɔlje ne meḛ njé gə́ Jerusalem gə ndu sí gə́ boi wəl pajena: Ra kula ɓər lə dee godo mba̰, Ta néra kori-kori lə dee ɔr dɔ dee’g mba̰ tɔ, Njesigənea̰ wɔji dee kəmkàr gə jia Godə kaiya ra deeje’g as gɔl joo.

Ləbije 25:50

Yeḛ a tura gə yeḛ gə́ njendogee lé un kudee mee ləb gə́ deḛ ndogee ne lé saar teḛ ne mee ləb Jubile’g, ndá lar gə́ kəm kuga lé a kwɔji dɔ bula lə ləbje gə́ nai lé, tɔɓəi d’a tura gə goo lar kuga dɔ ji njekula lar tɔ.

Tel tura Godndu 15:18

Seḭ a kooje gə́ né gə́ kədərə sə sí gə mba kyá̰je kaareeje ḭ kəi lə sí aw kari ba el mbata kula gə́ yeḛ ra as ləb misa̰ ar sí lé to asəna gə nékoga-dɔ-ji njekula lar lé as gɔl joo ya doŋgɔ, bèe ɓa Ala lə sí gə́ Njesigənea̰ a tɔr ne ndia dɔ sí’g gə dɔ néje lai gə́ seḭ raje lé.