Maktub gə́ wɔji dɔ Jɔb 6:7 - Maktub gə́ To gə Kəmee

⁷ Né gə́ m’ndiŋga rɔm gə mba kɔrɔ rəa el Gə́ to kḛji kəm’g lé yee ɓa tel to nésɔ ləm,

Maktub gə́ wɔji dɔ Jɔb 6:7 ပူးပေါင်းရင်းမြစ်များ

1 Mbaije 17:12

Ndá yeḛ tel ilá keneŋ pana: Ala ləi gə́ Njesigənea̰ to Njesikəmba, ma m’koro né el mbata nduji ŋgo ji dəw kára ya to mee jo’g ləm, ubu lam ba bèe mee ku’g ləm tɔ. Ndá aa oo, ma m’aar m’odo ɗuguru ta kir joo gə mba kaw gɔl ne yee neelé mbata ləm-ma gə ŋgonəm kar sí j’usɔ ɓa gə mba kwəi ɓəi.

1 Mbaije 22:27

Bèe ɓa Mise ilá keneŋ pana: Ɓó lé i tel ree gə meekulɔm ya ndá Njesigənea̰ pata gə ndum el. Yeḛ ila ta keneŋ tɔɓəi pana: Seḭ koso-dəwje lai, maji kar sí ooje ya!

Maktub gə́ wɔji dɔ Jɔb 3:24

Tuma̰ ŋgururu-ŋgururu ɓa gə́ muru ko̰ ləm ləm, Ndu kii ləm ɓa taa loo pəl-pəl to gə́ mán bèe ləm tɔ.

Maktub gə́ wɔji dɔ Jɔb 33:20

Yen ŋga muru lel təa’g el ləm, Nésɔje gə́ lelee kédé ya kara lel təa’g el ləm tɔ.

Maktub gə́ wɔji dɔ Jɔb 6:6

See dəw a sɔ né gə́ to dədələ lal kad wa. See nda-kaokṵja lé lel wa.

Maktub gə́ wɔji dɔ Jɔb 6:8

Né gə́ ma m’dəjii lé maji kam m’iŋga ləm, Né gə́ məəm to yel dɔ’g lé maji kar Ala am ləm tɔ.

Pakɔsje 102:9

Njéba̰je ləm lé d’ila ndɔl dɔm’g gə ndɔje kára-kára lai, Njékoma̰ səmje lé kara d’un rim d’ubu ne rɔ dee gə boo-oŋg.

Ejekel 4:14

Ma m’pana: Wai, Mbaidɔmbaije gə́ Njesigənea̰, aa oo, m’ar rɔm mina̰ gɔl kára el, un kudee gə basəm ba ya saar ɓasinè lé m’usɔ da gə́ wəi gə́ kwəi əsé gə́ maree wá el ləm, dakas da gə́ mina̰ gə́ rara kara ɔrɔ tam el ləm tɔ.

Ejekel 4:16

Yeḛ ulam tɔɓəi pana: Ma ŋgon-dəw lé n’a gə tuji nésɔje gə́ ŋgəm mee ɓee gə́ Jerusalem. D’a kwɔji muru gə́ kwɔji ɓa ko̰ gə meekaarkərm ləm, d’a kwɔji mán gə́ kwɔji ɓa kai gə kaar gəd ləm tɔ.

Loo gə́ killa rea kəm Daniel’g 10:3

Ma m’usɔ nésɔ gə́ lel kára kara el ləm, da əsé mán-nduú gə́ mḭ uba tam el ləma, m’wa rɔm gə ubu el ləm tɔ saar mee ndəaje gə́ siri-siri gɔl munda lé as lée’g ɓa.