Maktub gə́ wɔji dɔ Jɔb 6:4 - Maktub gə́ To gə Kəmee

⁴ Mbata kandə ɓandaŋgje lə Bao-siŋgamoŋ wam Ar kuma̰-yoo gə́ keneŋ andə rɔm’g tɔ. Néɓəlje lə Ala mbo̰ na̰ dɔm’g rɔ səm.

Maktub gə́ wɔji dɔ Jɔb 6:4 ပူးပေါင်းရင်းမြစ်များ

Maktub gə́ wɔji dɔ Jɔb 16:9

Yeḛ tim mbidi-mbidi ləm, yeḛ kɔrm gə meekḭ jugugu ləa ləm, Yeḛ sɔ ŋgaŋgee dɔm’g pəgərə-pəgərə ləma, Yeḛ rɔ səm ar kəmee ɔsm jɔgɔgɔ ləm tɔ.

Maktub gə́ wɔji dɔ Jɔb 19:12

Kudu-njérɔje ləa d’ɔm na̰’d d’aw, Deḛ d’ar rəw kaw dee to bərəŋ njal teḛ ne rɔm’g ləm, Deḛ d’ar loo-si dee gugu dɔ kəi-kubu ləm sub ləm tɔ.

Maktub gə́ wɔji dɔ Jɔb 20:16

Né gə́ yeḛ njibi lé tel to mas li-meewai Ndá ndo̰ li-meewai a tɔlee.

Maktub gə́ wɔji dɔ Jɔb 21:20

To kəm karee yeḛ nja oo tuji ləa gə kəmee ləm, To ta ləa-yeḛ nja gə mba karee ai oŋg lə Bao-siŋgamoŋ ləm tɔ.

Maktub gə́ wɔji dɔ Jɔb 30:15

Ɓəl-boo gugu dɔm sub ləm, Rɔnduba ləm dəs to gə́ lel bèe ləma, Si maji ləm dəs to gə́ mum gə́ dəs bèe ləm tɔ.

Maktub gə́ wɔji dɔ Jɔb 31:23

Mbata tuji gə́ ḭ rɔ Ala’g lé am m’ɓəl m’ndəb ne pəd-pəd ndá Ma m’askəm ra né kára kara no̰ boo-ronduba’g ləa el.

Maktub gə́ wɔji dɔ Jɔb 34:6

Ta ləa to lée’g ya nɛ d’ée gə́ njetaŋgɔm, Doo ləa rəa yaa̰ nɛ yeḛ ra né kaiya kára kara el.

Maktub gə́ wɔji dɔ Jɔb 7:20

Ɓó lé m’ra kaiya ndá see ɗi ɓa m’askəm ra səi wa, i njekaa dɔ dəwje. See gelee ban ɓa i undam gə́ nékwɔji ndo̰ niŋgaje ləi Gə mba karm m’tel to nékodo gə́ wɔi dɔ rɔm’g wa.

Maktub gə́ wɔji dɔ Jɔb 9:17

Mbata yeḛ gə́ rədm dan lel-boo’g ləm, Ar dooje to rɔm’g mbərərə lal né gə́ bèe ləm,

Pakɔsje 143:7

Ǝi Njesigənea̰, maji kari ɔs rɔi ɓad Gə mba kam né gə́ ma m’dəjii lé! Meem ila kas bilim. Maji kari o̰ kəmi səm el. Ɓó lé bèe el ndá m’a tel to asəna gə deḛ gə́ d’ɔm dee bwa-dɔɓar’g bèe.

Pakɔsje 18:14

Njesigənea̰ ndaŋg rəa mee dara’g, Njekurdɔloo ar ndia ɓar gə kwɔji gə kɔr pərje tɔ.

Pakɔsje 21:12

Deḛ lé d’wɔji-kwɔji ra səi majel, Deḛ d’ə̰ji néje gə́ majel meḛ dee’g gə mba ra to Nɛ siŋga dee a godo.

Pakɔsje 38:2

Njesigənea̰, maji kari tɔjim kəmkàr Loo gə́ oŋg ḭ səi el ləm, Ar bo̰ néram ɔs tam’g Loo gə́ məəi ḭ səi jugugu el ləm tɔ.

Pakɔsje 38:3

Mbata ɓandaŋgje ləi d’wam ləm, Jii kara wɔi dɔm’g ndiŋ-ndiŋ ləm tɔ.

Pakɔsje 45:5

Oiyo, to rɔnduba ləi ya! Maji kari un baŋga ləm, gə uba pusu-rɔ ləi ləm tɔ, Maji kari aḭ bada dɔ kankəmta’g Gə dɔ ta gə́ kul yururu’g, gə dɔ meekarabasur’g ləm, Maji kar jikɔli ɓar mèr-mèr Gə goo kula raije gə́ maji dum lé ləm tɔ.

Pakɔsje 7:13

Ɓó lé njemeeyèr ɔs badm tel el ndá Yeḛ ɔl ŋgaŋ kiambas ləa aree adə làm-làm ləm, Yeḛ ɔr ɓandaŋg ləa lərərə Un wa wɔji gə́ rəa’g ɗig-ɗig ləm tɔ.

Gosota-Kəmkàrje 14:10

Dəw ya ɓa gər némeeko̰ gə́ to mée’g, Dəw gə́ raŋg a korè səa na̰ dɔ rɔlel’g ləa el.

Gosota-Kəmkàrje 18:14

Takə̰ji lə dəw lé gədee dan rɔko̰’g, Nɛ dəw gə́ rəa gaḭ ges lé see a gəd rəa to gə́ ban wa.

Esai 28:19

Loo gə́ rara gə́ yee a dəs ndá yee a kwa sí, mbata yee a dəs gə ndɔ, gə dan kàrá, gə loondul’g, gə ndɔje kára-kára lai ndá keaa gə́ a ɓar ta kára ba ya a kar dee d’unda ne bala tigi-tigi.

Nɔ̰-ndôo gə́ wɔji dɔ Jerusalem 2:4

Yeḛ wa ɓandaŋg ləa to gə́ njeba̰ bèe Ar jikɔlee ɔr léréré wɔji ne dɔ né ɗig To gə́ njeban ləa bèe tɔ, Yeḛ tuji néje lai gə́ mbərḛ mbə̰ kəm dəwje’g ləm, Yeḛ ɓugu oŋg ləa dɔ kəi-kubu’g Le ŋgoma̰də gə́ Sio̰ to gə́ pər bèe ləm tɔ.

Nɔ̰-ndôo gə́ wɔji dɔ Jerusalem 3:3

Tɔgərɔ ya. Ndɔje kára-kára lai lé Yeḛ kundam gə jia gə́ naŋg-naŋg ya.

Mark 15:34

Kàr tel rəa gə́ mbɔree lé Jeju no̰ gə ndia gə́ boi wəl pana: Eloi, Eloi, lama sabaktani, tel ta koji sí pana: Ala ləm, Ala ləm, see ban ɓa i ubam ya̰’m wa.

2 Njé gə́ Kɔrḭtə 5:11

Jeḛ gə́ n’gər loo ɓəl Mbaidɔmbaije lé jeḛ j’oma̰ gə dəwje mba kar dee d’un ne meḛ dee. Ala gər ndaa sí gao ləm, məəm to yel gə́ dɔ sí’g m’pana: Seḭ nja kara ta gə́ meḛ sí’g ɓa ar sí gərje ne ndaa síjeḛ gao ləm tɔ.

Tel tura Godndu 32:42

Kiambas ləm a gaŋg dakasrɔ dee mbidi-mbidi ndá M’a kar kandə ɓandaŋgje ləm d’ai məs dee, Məs dee gə́ d’iŋga dooje ləm Gə ɓərje ləma, Gə yiŋga dɔ njéba̰je ləm lé ləm tɔ.

Rudu 1:20

Nɛ yeḛ tel ula dee’g pana: Ɓarmje Naomi el, ɓarmje Mara ɓa: tel ta koji sí pana Némeekad, mbata Bao-siŋgamoŋ lé ar məəm adə mbag-mbag ya.