Maktub gə́ wɔji dɔ Jɔb 6:10 - Maktub gə́ To gə Kəmee

¹⁰ Lé bèe ndá m’a kiŋga négɔl məəm ləm, M’a kal rɔm dan némeeko̰ gə́ yeḛ ɔm dɔm’g ləm tɔ, Nɛ ma lé m’al ta ta ndukunje’g lə Ala gə́ Njerɔkunda pai el.

Maktub gə́ wɔji dɔ Jɔb 6:10 ပူးပေါင်းရင်းမြစ်များ

Maktub gə́ wɔji dɔ Jɔb 11:4

I pana: Ta ləi to gə goo rəbee I àr ŋgad-ŋgad kəmi’g.

Maktub gə́ wɔji dɔ Jɔb 15:11

See taje lə Ala gə́ ka̰ gɔl mee, Gə taje gə́ kul yururu gə́ oso mbii’g lé see i oo gə́ né el wa.

Maktub gə́ wɔji dɔ Jɔb 21:33

Kɔr naŋgje gə́ wəl-loo’g wɔilɔ pélé-pélé dəa’g, Dəwje bula dan gée ləm To gə́ bula-dəwje d’aw nea̰’g kédé ləm tɔ.

Maktub gə́ wɔji dɔ Jɔb 22:22

Maji kari taa ta ndooje gə́ teḛ təa’g ləm, Ar taje ləa wa dɔ ɓəŋgəri ləm tɔ.

Maktub gə́ wɔji dɔ Jɔb 23:11

Ma m’un dɔ gɔlee lad-lad ya. Ma m’aa dɔ rəw ləa kər-kər ɓó m’aw yo-yo nee-nee el.

Maktub gə́ wɔji dɔ Jɔb 23:12

Godndiaje gə́ teḛ təa’g lé ma m’uba m’ya̰ el, Taje gə́ teḛ təa’g lé ma m’ŋgəm məəm’g m’ra née tɔ.

Maktub gə́ wɔji dɔ Jɔb 3:22

Deḛ lé ɓó lé d’aw sə dee gə́ dɔɓar’g lé Ndá rɔ dee a lel dee kar dee d’al ne rɔ dee ləm tɔ.

Maktub gə́ wɔji dɔ Jɔb 9:4

Kəmkàr gə siŋgamoŋ to kea̰-yeḛ nja doŋgɔ, See na̰ ɓa a kɔsee rəw lal kar ta wa dəa wa.

Pakɔsje 119:13

Rəwta gaŋgje lai gə́ teḛ tai’g lé Tam a teḛ pa taree kɔs goo na̰ ŋgɔg-ŋgɔg ya tɔ.

Pakɔsje 119:50

Yee ɓa to né gɔl məəm dan nékəmndoo’g ləm, Mbata ndukun ləi lé am m’tel m’isi ne kəmba ya.

Pakɔsje 37:30

Njemeekarabasur lé təa teḛ gə ta kəmkàr ləm, Ndəa̰ kara ila mber néra gə́ gə dɔ najee ləm tɔ.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Ojee 11:9

M’a ra né gə goo oŋg ləm gə ḭ səm pu lé el, M’a kya̰ goo tuji gə́ m’wɔji mba tuji ne Eprayimje lé. Mbata ma m’to Ala ɓó m’to dəw el, Ma m’to Njerɔkunda gə́ m’si mbuna sí’g, M’a tel ree ra né gə goo oŋg ləm el.

Ləbije 19:2

Ula koso-dəwje lə Israɛlje lai pana: Seḭ a toje gə kəmee doi mbata ma m’to gə kəmee doi tɔ. Ma m’to Njesigənea̰, Ala lə sí ya.

Habakuk 1:12

Njesigənea̰, Ala ləm, i njerɔkunda ləm, See i ɓa sí keneŋ kédé par-par lé el wa. Jeḛ j’a kwəi el! Ǝi Njesigənea̰, i ɓa unda koso-dəwje neelé Mba kar dee to njégaŋ-rəwtaje ləi, Ǝi i kɔr mbal ləm lé, i ɔs kudu dee Mba kar d’ar bo̰ néra dəwje ɔs ta dee’g.

Habakuk 3:3

Ala ḭ ɓee gə́ Teman aw ree, Njerɔkunda ḭ dɔ mbal gə́ Paran. Boo-ronduba ləa tur dɔ dara pubug ləm, Rɔnduba ləa taa loo dɔ naŋg nee pəl-pəl ləm tɔ.

Néra Njékaḭkulaje 20:20

Seḭ gərje gao ma m’lɔm sə sí dɔ né gə́ njekorè sí més loo-kula’g lé el ləm, ma m’ɓəl ndəji sí əsé ndoo sí né raga kəm dəwje’g əsé mee kəije’g el ləm tɔ.

Néra Njékaḭkulaje 20:27

Mbata torndu Ala lai lé ma m’wɔji sí ɓó m’kusu dəa kára kara bèe el.

Njé gə́ Rɔmə 8:32

Ŋgon mée kara yeḛ yá̰ ar sí ɓó ŋgəmee rəa’g el, nɛ ɓəd ɓa see néje gə́ raŋg lai-lai lé see a kɔg sí tɔɓəi wa.

Tel tura Godndu 29:20

Njesigənea̰ a kɔr kəmee kundá ɓəd mbuna ginkoji Israɛlje’g lai kar némeeko̰ teḛ dəa’g gə goo ta ndɔlje lai gə́ ka̰ manrɔ gə́ ndaŋg taree mee maktub godndu’g lé ya.

Loo gə́ killa rea kəm Ja̰’g 3:7

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Piladelpi pana: Aa oo, Njemeenda gə́ to Njekankəmta gə́ nékɔr takəi lə Dabid to jia’g ləm, yeḛ gə́ ɔr tarəw ndá dəw kára kara a kudu el ləm, yeḛ udu tarəw ndá dəw kára kara a kɔr el ləm tɔ lé yeḛ nja pa togə́bè pana:

Loo gə́ killa rea kəm Ja̰’g 4:8

Nékundaje gə́ d’aw kəmba sɔ lé deḛ kára-kára lai lé bag dee misa̰-misa̰ ləm, kəm dee taa rɔ dee gə meḛ dee pəl-pəl ləm tɔ. Deḛ pata nee dan kàrá gə loondul’g ɓó d’əw rɔ dee el pana: Mbaidɔmbaije Ala gə́ Njedumnéje lai, Njerɔkunda, Njerɔkunda, Njerɔkunda, yeḛ gə́ si dɔtar lé yeḛ si gən, yeḛ si ree tɔ.

1 Samel 2:2

Njerɔkunda gə́ to as səi-i Njesigənea̰ kára kara godo. I ya to Ala kára ba Ɓó yeḛ gə́ raŋg godo. Biri mbal gə́ to to gə́ i Ala lə sí bèe lé godo.