Maktub gə́ wɔji dɔ Jɔb 5:20 - Maktub gə́ To gə Kəmee

²⁰ Loo gə́ ɓoo-boo oso lé yeḛ a kɔri ta yoo’g ləm, Loo gə́ rɔ oso lé yeḛ a kɔri ta kiambas’g ləm tɔ.

Maktub gə́ wɔji dɔ Jɔb 5:20 ပူးပေါင်းရင်းမြစ်များ

Gḭ-Néje 45:7

Ala ya ulam no̰ sí’g kédé mba kar kó sí nai ne dɔ naŋg nee ləm, gə mba karee to gin kaji lə sí gə́ boo ləm tɔ.

1 Mbaije 17:6

Gə ndɔ lé ga̰-ga̰je ree gə muru gə da d’aree ləm, kàrkemetag kara ree gə muru gə da d’aree ləm tɔ, tɔɓəi mán gə́ yeḛ si ta’g lé ɓa yeḛ ai.

Pakɔsje 118:18

Njesigənea̰ ar bo̰ néram ɔs tam’g ya, Nɛ kya̰ ɓa ya̰’m ta yoo’g el tɔ.

Pakɔsje 144:10

I nja ɓa ar mbaije d’un baŋga ləm, I nja aji kura ləi Dabid ta yoo-kiambas’g ya ləm tɔ.

Pakɔsje 27:3

Ɓó lé njérɔje d’aḭ dɔm sub gə mba rɔ səm ndá Meem a ɓəl né kára kara el, Ɓó lé rɔ ḭ gə mba tujim kara M’a si gə meekulɔm ya.

Pakɔsje 33:19

Gə mba kɔr dee ne ta yoo’g ləm, Gə mba kar dee d’isi ne kəmba dan ɓoo-boo’g ləm tɔ.

Pakɔsje 37:19

Deḛ ra rɔkul ndɔ nékəmndoo’g el ləm, Loo gə́ ɓoo-boo oso kara nésɔ as dee nag-nag ləm tɔ.

Pakɔsje 49:7

Deḛ lé némajije lə dee lé ɓa d’ɔm meḛ dee dɔ’g ləm, Boo-nébaoje lə dee lé ɓa deḛ ti ne rɔ dee gə mbəa ləm tɔ.

Gosota-Kəmkàrje 10:3

Njesigənea̰ ya̰ njemeekarabasur Ar ɓó ula kəmee ndòo el, Nɛ yeḛ ɔs mal né gə́ ra njemeeyèr ŋgwɔd-ŋgwɔd lé rəw.

Esai 33:16

Ndá debee neelé a si dɔ looje gə́ tar, Loo-kula-dɔ ləa a to dɔ biri mbalje gə́ to kəmba’g, D’a karee muru ləm, Man a lalee el ləm tɔ.

Jeremi 37:21

Yen ɓa mbai Sedesias, un ndia ar dee gə mba kar dee ŋgəm Jeremi gad kəi-daŋgai’g ləm, gə mba kar dee d’aree pil muru kára gə́ deḛ ndogo mba̰-rəw’g lə njékoro muruje lé gə ndɔje kára-kára lai ləm tɔ saar kar pil muruje gə́ mee ɓee-boo’g neelé godo lai. Togə́bè ɓa Jeremi nai ne mee gad kəi-daŋgai’g lé tɔ.

Jeremi 39:18

M’a taa dɔi ndá d’a tɔli gə kiambas el, kisi kəmba ləi a to nékiŋgai mbata i ɔm məəi dɔm’g. Njesigənea̰ ɓa pa bèe.

Ojee 13:14

See m’a kuga dɔ dee kɔr dee ne ji siŋgamoŋ lə ɓee lə njé gə́ d’wəi’g Esé m’a kɔr dee ji yoo’g wa. Ǝi yoo, see nékad ləi to ra wa. Ǝi ɓee lə njé gə́ d’wəi see nétujiloo ləi to ra wa. Nɛ koo kəmtondoo lé iya rəa kəm’g ɓəi.

Habakuk 3:17

Mbata kag-kodé a pudu el ləm, Kag-nduú kara ka̰dee a godo ləm, Kandə kag-koiyo a godo ləma, D’a kiŋga nésɔje gə́ mee ndɔje’g el ləm tɔ. Badje d’a godo loo-kaar dee’g ləm, Maŋgje kara a koo dee loo-sɔ-né’g lə dee el ləm tɔ.

Matiyo 24:6

Seḭ a kooje ta rɔ na̰ lə dəwje ləm, seḭ a kooje sor rɔ gə́ d’a gə rɔ na̰ ləm tɔ ndá meḛ sí to dɔ rɔ sí’g mba kar meḛ sí pélé wəs-wəs dɔ ta’g neelé el mbata lé riri kara néje gə́ togə́bè lé a teḛ ya. Nɛ a to ndɔ gə́ rudu lé el nja dɔrɔ ɓəi.