Maktub gə́ wɔji dɔ Jɔb 5:19 - Maktub gə́ To gə Kəmee

¹⁹ Nékəmndooje gə́ gɔl misa̰ lé yeḛ a kɔri keneŋ Ndá njekɔm’g gɔl siri a tibi mbɔri el tɔ.

Maktub gə́ wɔji dɔ Jɔb 5:19 ပူးပေါင်းရင်းမြစ်များ

Pakɔsje 34:19

Njesigənea̰ aar mbɔr deḛ gə́ ɓəŋgərə dee ti dus’g lé Yeḛ aji deḛ gə́ ndil dee unda bala tigi-tigi lé tɔ.

Pakɔsje 34:20

Némeeko̰je bula teḛ dɔ njemeekarabasur’g ya, Nɛ Njesigənea̰ ɔree keneŋ ta-ta tɔ.

Pakɔsje 66:12

I nja ar dəwje d’isi gə́ dəw dɔ sí ləma, I ar sí n’dəsje dan pər’g gə dan mán’g ləm tɔ. Nɛ i tel ɔr sí keneŋ ar sí j’isije dan némajije’g bèdèg ya.

Pakɔsje 91:15

Yeḛ a ɓar rim ndá m’a kilá keneŋ ləm, M’a nai səa dan néurti’g ləm, M’a karee ɔr dəa kúla’g ləma, M’a kula rɔnduba dəa’g ləm tɔ.

Gosota-Kəmkàrje 24:16

Mbata njemeekarabasur lé a koso gɔl siri nɛ yeḛ ḭta ta-ta, Nɛ njémeeyèrje lé némeeko̰ ar dee d’oso kalaŋ.

Gosota-Kəmkàrje 6:16

Néje misa̰ gə́ Njesigənea̰ Ǝ̰ji dee bəḭ-bəḭ to keneŋ, Néje gə́ siri to né gə́ mina̰ kəmee’g togə́bè: Kəm njébeeleje’d gə́ d’aa ne loo ləm, Ndo̰ dəw gə́ njepa ta gə́ ŋgɔm ləm, Ji dəw gə́ ila məs njegelgodo naŋg ləm, Dɔ ɓəŋgərə dəw gə́ la̰ji tor Kwɔji néra gə́ kori-kori ləm, Gɔl dəw gə́ wɔilɔ pélé-pélé Gə́ dɔ néra gə́ majel’g ləm, Njegaŋgta gə́ pa taŋgɔm gə́ kédé-kédé ləma, Gə yeḛ gə́ to njekɔs gel takɔl Mbuna ŋgako̰ na̰je’g ləm tɔ.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Jeremi 39:17

Njesigənea̰ pana: Nɛ mee ndəa’g neelé m’a kɔri kilai tar ndá i a tel koso meḛ ji dəwje gə́ i ɓəl dee’g lé el.

Loo gə́ killa rea kəm Daniel’g 3:17

Aa oo, Ala lə sí gə́ jeḛ n’to kuraje ləa lé askəm kɔr sí mee bwa pər gə́ o̰ bilim-bilim’g lé kɔm sí tar ya, tɔɓəi yeḛ a kɔr sí jii-i mbai’g lé ya tɔ.

Loo gə́ killa rea kəm Daniel’g 3:25

Yeḛ tel pa pana: Ŋga, ma lé m’oo dəwje sɔ gə́ né gə́ tɔ dee ne lé godo rɔ dee’g ləm, deḛ njaa dan pər’g nɛ pər ra sə dee né el ləm tɔ, tɔɓəi njekɔm dee gə́ sɔ lé kəmee to tana gə kəm ŋgolə magəje bèe.

Loo gə́ killa rea kəm Daniel’g 6:16

Nɛ diŋgamje neelé d’ɔs mbai lé ɓɔḭ-ɓɔḭ d’ulá pana: Ǝi mbai, maji kari oo gao, godndu lə Medəje gə Persəje wɔji mba kar né kɔg loo ra né gə́ rara əsé godndu gə́ rara gə́ mbai unda jia keneŋ lé ndá to njaŋg ya ɓó loo telee raŋg godo.

Loo gə́ killa rea kəm Daniel’g 6:17

Yen ŋga, mbai lé un ndia mba kar dee d’aw ree gə Daniel ləm, gə mba kar dee d’ilá mee bwa’g dan toboḭje’g ləm tɔ. Mbai lé un ta ula Daniel pana: Maji kar Ala ləi gə́ i ra né aree gə meekai sam-sam lé ɔri ilai tar ya.

1 Njé gə́ Kɔrḭtə 10:13

Né gə́ rara ɓa gə́ naa sí lé naa gar síje togə́bè tɔ, ɓó al dɔ siŋga dee el. Ala lé to njemeenda londoŋ ndá yeḛ a kya̰ né gə́ naa sí karee al dɔ siŋga sí el nɛ yeḛ nja a kar sí siŋga sí ləm, yeḛ a ra rəw kar sí dumje ne dɔ né gə́ naa sí lé tɔ.

2 Njé gə́ Kɔrḭtə 1:8

Tɔgərɔ ŋgako̰ síje, jeḛ ndigi kya̰ sí məg el. Néurti gə́ teḛ dɔ sí’g Asi lé guru sí rug-rug al dɔ siŋga sí ya ar sí j’ə̰ji meḛ sí’g m’pana: J’a teḛ dəw el.

2 Piɛrə 2:9

ɓó lé to togə́bè ndá Mbaidɔmbaije gər loo kɔr dəwje gə́ néra dee aw gə goo ka̰ Ala dan né gə́ naa dee ləm, yeḛ gər loo kunda njéra nékori-korije kul mba ŋgina ne ndəa gə́ yeḛ a gaŋg rəwta dɔ dee’g kar bo̰ néra ɔs ta dee’g lé ləm tɔ.