Maktub gə́ wɔji dɔ Jɔb 5:13 - Maktub gə́ To gə Kəmee

¹³ Yeḛ wa ta njékəmkàrje dɔ goso’g lə dee ləm, Dəwje gə́ njégosoje lé yeḛ tuji négosɔje lə dee ləm tɔ,

Maktub gə́ wɔji dɔ Jɔb 5:13 ပူးပေါင်းရင်းမြစ်များ

2 Samel 15:31

Deḛ d’ula Dabid pana: Ahitopel aw gə Absalɔm gə njéko̰ səa njuma̰je na̰’d. Yen ŋga Dabid no̰ pana: Ǝi Njesigənea̰, maji kari ar takwɔji-kəmkàr lə Ahitopel lé tel to ta gə́ kari ba ya.

2 Samel 15:34

Nɛ né gə́ maji kəm ra lé, to mba kari tel aw ɓée ndá ula Absalɔm lé pana: Ǝi mbai m’a to kura ləi ya, kédé ndá ma m’to kura lə bɔbije, nɛ ɓasinè ma to kura ləi-i ya. Bèe ɓa i a kar takwɔji-kəmkàr lə Ahitopel lé tel to ne né gə́ kari ba ya.

2 Samel 17:23

Ahitopel lé loo gə́ yeḛ oo to gə́ deḛ taa takwɔji-kəmkàr ləa el ndá yeḛ ɔm kali dɔ mulayḛ̀je’g ləa ḭ gə mba tel kaw kəi ləa mee ɓee-boo’g. Yeḛ un ndia ar njémeekəije ləa ndá yeḛ aw ila kúla wəi. Togə́bè ɓa yeḛ wəi ne ar dee dubee dɔɓar bɔbeeje’g tɔ.

Este 7:10

Togə́bè ɓa deḛ ɗar Aman dɔ kag gə́ yeḛ gɔl mbata lə Mardose lé tɔ. Yee ɓa oŋg lə mbai wəi ne bèm ɓəi.

Este 9:25

Nɛ Este aw aar no̰ mbai’g ndá mbai ndaŋg maktub un ne ndia mba kar némeeyèr gə́ Aman wɔji mée’g mba tuji ne Jibje lé tel oso dəa-yeḛ’g ya ləm, gə mba kar dee ɗaree ne dɔ kag’d, yeḛ ləm gə ŋganeeje ləm tɔ.

Maktub gə́ wɔji dɔ Jɔb 15:5

Néra kori-kori ləi ɓa ɔsi ari pa ne ta ləm, I pa tapa dəwje gə́ njégosoje ləm tɔ.

Maktub gə́ wɔji dɔ Jɔb 37:24

Gelee gə́ nee ɓa dəwje d’askəm ɓəlee ne, Njekəmkàr gə́ rara kara yeḛ ée gə́ né el.

Pakɔsje 18:26

Njemeemaji lé I maji səa ya ləm, Njemeekarabasur lé kara I ra səa gə goo meekarabasur ya ləm tɔ.

Pakɔsje 9:17

Njesigənea̰ riba dɔ rəa gaŋg ne rəwta gə́ gə dɔ najee, Yeḛ ar gum néra majel lə njémeeyèrje tel wa dee.

Gosota-Kəmkàrje 3:32

Mbata dəwje gə́ njéra né kori-korije lé Njesigənea̰ oo dee gə́ né gə́ mina̰ Nɛ yeḛ to baokura lə dəwje gə́ njéra nédanaje.

Esai 19:3

Ndil Ejiptəje a teḛ Ndá m’a tuji takə̰ji ko̰ɓee lə dee pugudu, D’a dəji magəje əsé njénékooje ta, Deḛ gə́ to njéɓar ndil dəwje gə́ d’wəi Gə njéndo̰-ərje gə́ d’a gə ree lé tɔ.

Esai 44:25

M’tuji nétɔjije lə njétegginta gə́ ŋgɔmje ləm, M’ar njénékooje tel to mbəje ləm tɔ, M’rəm gə kəmkàr lə njékəmkàrje ləm, Négər lə dee lé ma m’telee gə́ némbə ləm tɔ.

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Jeremi 49:7

Ta gə́ wɔji dɔ Edɔmje. Njesigənea̰ gə́ njeboo-néje ɓa pa togə́bè pana: See kəmkàr godo Teman’g wa. See kunda kəmkàr dɔ rɔ’g Godo rɔ njégosonégərje’g ŋga wa. See kəmkàr lə dee sané pá ŋga wa.

Jeremi 8:8

See to gə́ ban ɓa seḭ asjekəm paje pana: Seḭ toje njékəmkàrje ləm, Godndu Njesigənea̰ nai sə sí ləm tɔ lé wa. Njéndaji-maktubje ndaji godndu lé d’ila gel Gə kag-ndaŋg-maktub gə́ ŋgɔm.

Jeremi 8:9

Njékəmkàrje lé kəm sɔḭ wa kəm dee ləm, Ta igi dee sel ar dee d’isi jim ləm tɔ, Aa ooje, deḛ d’ə̰ji ta lə Njesigənea̰ bəḭ-bəḭ Ndá see kəmkàr ɗi ɓa d’aw ne wa.

Jeremi 9:22

Njesigənea̰ pa togə́bè pana: Maji kar njekəmkàr ɔs gaji rəa dɔ kəmkàr’g ləa el ləm, Maji kar njesiŋgamoŋ ɔs gaji rəa dɔ siŋgamoŋ’d ləa el ləma, Maji kar bao ɔs gaji rəa dɔ nébao’g ləa el ləm tɔ.

Bula lə Israɛlje 22:25

Ko̰-mulayḛ̀je lé oo kura lə Njesigənea̰ lé ndá yeḛ usu rəa kaar ndògo-bɔrɔ’g orè gɔl Balaam kaar ndògo-bɔrɔ’g ndəŋ. Ndá Balaam tel kundá ya tɔɓəi.

Lugu 1:51

Jia ɓar mèr-mèr, Yeḛ jané njébeeleje dɔ kəstaje’g lə dee kad-kad.

1 Njé gə́ Kɔrḭtə 3:19

Mbata kəmkàr gə́ dɔ naŋg nee to gə́ némbə kəm Ala’g lé to gə́ ndaŋg taree mee maktub’g pana: Yeḛ wa ta njékəmkàrje dɔ goso’g lə dee.