Maktub gə́ wɔji dɔ Jɔb 5:12 - Maktub gə́ To gə Kəmee

¹² Néje gə́ njégosoje d’wɔji kwɔji ra lé yeḛ tuji pugudugu Ar ji dee askəm ra née karee ɔr njal el.

Maktub gə́ wɔji dɔ Jɔb 5:12 ပူးပေါင်းရင်းမြစ်များ

Gḭ-Néje 31:22

Ndɔ aḭ munda mba̰ ɓa d’ula Laba̰ ta kaḭ lə Jakob ɓəi.

2 Samel 11:9

Nɛ Uri to takəi’g lə mbai gə kuraje lə ɓéeje lai na̰’d ɓó yeḛ aw kəi ləa el.

2 Samel 17:14

Absalɔm gə Israɛlje lai pana: Takwɔji-kəmkàr lə Usai, dəw gə́ Arki lé ɓa maji unda takwɔji-kəmkàr lə Ahitopel. Nɛ Njesigənea̰ ɓa ra togə́bè mba tuji ne takwɔji kəmkàr lə Ahitopel gə mba kar némeeko̰ oso ne dɔ Absalɔm’g.

2 Mbaije 6:9

Nɛ dəw lə Ala ar dee d’ula mbai gə́ Israɛl pana: Məəi dɔ rɔi’g na̰ a teḛ lée’g neelé, mbata Aramje d’umi keneŋ ya.

Nehemi 4:15

Togə́bè ɓa jeḛ n’raje ne kula lé gə́ kédé-kédé ar ges sí gə́ na̰je d’aar gə niŋga-ndəije ji dee’g un kudee loo gə́ kàr uba bər ya saar-saar ar kéréméje teḛ tɔ.

Nehemi 4:9

Loo gə́ njéba̰je lə sí d’oo to gə́ d’ula sí ta lə dee ndá Ala ar néje gə́ d’wɔji meḛ dee’g mba ra lé tuji pugudu tɔɓəi jeḛ lai n’tel n’reeje ta kula gɔl ndògo-bɔrɔ’g lé ar nana kara aar loo-kula’g ləa-ləa ya.

Maktub gə́ wɔji dɔ Jɔb 15:5

Néra kori-kori ləi ɓa ɔsi ari pa ne ta ləm, I pa tapa dəwje gə́ njégosoje ləm tɔ.

Pakɔsje 21:11

I a kar ginkadɔg deeje sané pá dɔ naŋg nee ləm, Ginkoji dee kara a kudu bo̰ mbuna dəwje’g ləm tɔ.

Pakɔsje 37:17

Mbata njémeeyèrje lé Kag ji dee a təd njigi-njigi Nɛ Njesigənea̰ lé Gəd njémeekarabasurje ya.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Gosota-Kəmkàrje 22:12

Njesigənea̰ tɔs kəmee bao-bao dɔ négər’g, Nɛ yeḛ tuji taje lə njendɔji pɔdɔdɔ.

Esai 19:3

Ndil Ejiptəje a teḛ Ndá m’a tuji takə̰ji ko̰ɓee lə dee pugudu, D’a dəji magəje əsé njénékooje ta, Deḛ gə́ to njéɓar ndil dəwje gə́ d’wəi Gə njéndo̰-ərje gə́ d’a gə ree lé tɔ.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 44:25

M’tuji nétɔjije lə njétegginta gə́ ŋgɔmje ləm, M’ar njénékooje tel to mbəje ləm tɔ, M’rəm gə kəmkàr lə njékəmkàrje ləm, Négər lə dee lé ma m’telee gə́ némbə ləm tɔ.

Esai 8:10

Ɔmje ta lə sí na̰’d dɔ né gə́ seḭ wɔjije-kwɔji ra Ndá né neelé a teḛkɔr el, Unje ndu sí ar deeje Ndá a tel to né gə́ kari ba Mbata Ala si sə síjeḛ.

Jeremi 49:7

Ta gə́ wɔji dɔ Edɔmje. Njesigənea̰ gə́ njeboo-néje ɓa pa togə́bè pana: See kəmkàr godo Teman’g wa. See kunda kəmkàr dɔ rɔ’g Godo rɔ njégosonégərje’g ŋga wa. See kəmkàr lə dee sané pá ŋga wa.

Jeremi 8:8

See to gə́ ban ɓa seḭ asjekəm paje pana: Seḭ toje njékəmkàrje ləm, Godndu Njesigənea̰ nai sə sí ləm tɔ lé wa. Njéndaji-maktubje ndaji godndu lé d’ila gel Gə kag-ndaŋg-maktub gə́ ŋgɔm.

Abdias 1:8

Njesigənea̰ pa pana: Mee ndəa’g neelé see n’a tuji njékəmkàrje gə́ Edɔm ləm, Gə njégosonégərje gə́ dɔ mbal’g lə Esawu ləm tɔ el wa.

Néra Njékaḭkulaje 12:11

Loo gə́ kəm Piɛrə inja dɔ rəa’g ndá yeḛ pana: Ɓasinè ma m’gər gao, Mbaidɔmbaije ya ula kura ləa gə́ dara aree ɔrm ji Herɔdə’g ləm, gə ji Jibje gə́ d’isi to yoom ləm lé tɔ.

1 Samel 23:13

Yen ŋga Dabid gə njérɔje ləa gə́ d’as tɔl-misa̰ (600) lé d’ḭ Keyila d’aw loo gə́ d’askəm kaw keneŋ. Loo gə́ Sawul oo to gə́ Dabid ḭ Keyila aḭ aw ndá yeḛ ya̰ goo kaw gə́ wɔji kaw rɔ lé.