Maktub gə́ wɔji dɔ Jɔb 42:8 - Maktub gə́ To gə Kəmee

⁸ Maji kar sí twaje bɔ maŋgje siri ləm, gə bàl badje siri ləm tɔ, awje ne rɔ kura’g ləm Jɔb gə́ nékinjaməs gə́ ka̰ roo gə mbata lə sí-seḭ ya. Ndá kura ləm Jɔb a ra tamaji mbata lə sí mbata mbɔl dɔ Jɔb lé ɓa m’a ra ne sə sí gə goo némbə lə sí lé el. Mbata seḭ paje ta ləm gə goo rəbee to gə́ kura ləm Jɔb pa lé el.

Maktub gə́ wɔji dɔ Jɔb 42:8 ပူးပေါင်းရင်းမြစ်များ

Gḭ-Néje 20:17

Abrakam ra tamaji ta Ala’g lé ndá Ala ɔr rɔko̰ rɔ Abimelek’g gə rɔ dené’g ləa gə rɔ ŋganjélookisije’g ləa gə́ dené tɔ ndá yeḛ ar dee tel d’oji ŋganje ŋga.

Gḭ-Néje 20:7

Ɓasinè, maji kari tel gə dené lə diŋgam neelé aree gogo. Mbata yeḛ to njetegginta ndá yeḛ a ra tamaji mbata ləi, tɔɓəi i a si ne kəmba. Nɛ ɓó lé i a tel səa karee el ndá maji kari gər gao to gə́ i a kwəi ləm, i seḭ gə njé’g ləi bura ya ləm tɔ.

1 Sôrta Gḭka-Israɛlje 15:26

Njesigənea̰ nja ɓa la gə Ləbije ar dee d’odo sa̰duk-manrɔ lə Njesigənea̰ lé, deḛ d’inja bɔ maŋgje siri gə bàl badje siri gə́ nékinjanéməsje.

2 Sôrta Gḭka Israɛlje 29:21

Deḛ d’inja bɔ maŋgje siri ləm, gə bàl badje siri ləm, gə ŋgan badje siri ləma, gə bàl bya̰je siri ləm tɔ gə́ nékinjaməs gə́ ka̰ kuga dɔ kaiya mbata lə ɓeeko̰ ləm, gə mbata lə loo gə́ to gə kəmee ləma, gə mbata lə Judaje ləm tɔ. Mbai lé un ndia ar njékinjanéməsje gə́ to ŋgaka Aaro̰ gə mba kar dee-deḛ ya d’inja nékinjanéməsje neelé dɔ loo-nékinjaməs’g lə Njesigənea̰.

Maktub gə́ wɔji dɔ Jɔb 1:5

Loo gə́ ndɔ muru-gadje lé dəs mba̰ ndá Jɔb ɓar ŋganeeje ree unda dee gə kəmee, tɔɓəi yeḛ uba naŋg ḭta gə ndɔ rad inja nékinjaməs gə́ ka̰ roo mbata lə dee kára-kára lai. Mbata Jɔb pana: Banelə ŋgan neḛje ra kaiya d’ar meḛ dee ɔs gel gə Ala. Yee ɓa gə́ né gə́ Jɔb ra ta-ta ya.

Maktub gə́ wɔji dɔ Jɔb 1:8

Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè godo dɔ naŋg nee. Yeḛ to njera né gə́ gə goo rəbee ləm, gə njenéra gə́ danasur ləm tɔ, yeḛ ɓəl Ala ləm, unda ne rəa ɓad dɔ néra gə́ majel’g ləm tɔ.

Maktub gə́ wɔji dɔ Jɔb 22:30

Dəw gə́ ta wa dəa ya kara yeḛ a kilá tar ləm, Mbɔl dɔ jii gə́ àr ŋgad-ŋgad lé ɓa yeḛ a kɔri ne ləm tɔ.

Maktub gə́ wɔji dɔ Jɔb 35:8

Meeyèr a kaskəm jɔg dəw mari ba ya ləm, Néra gə́ gə dɔ najee ləi kara to né gə́ maji mbata dəw ba ya ləm tɔ.

Maktub gə́ wɔji dɔ Jɔb 42:9

Elipaj, dəw gə́ Teman ləm, gə Bildad, dəw gə́ Sua ləma, gə Sopar, dəw gə́ Naaman ləm tɔ lé, d’aw ra to gə́ Njesigənea̰ ula dee lé, ndá Njesigənea̰ oo tamaji ra lə Jɔb lé ya tɔ.

Pakɔsje 103:10

Yeḛ ra sə sí né gə goo kaiya raje lə sí el ləm, Yeḛ ar bo̰ néra sí ɔs ta sí’g Gə goo néra kori-korije lə sí el ya ləm tɔ.

Teḛ-Raga 18:12

Jetro gə́ məəm Moyisje lé inja nékinjaməs gə́ ka̰ roo ləm, gə nékinjanéməsje gə́ raŋg ləm tɔ ar Ala. Ndá Aaro̰ gə ŋgatɔgje lə Israɛlje lai ree d’usɔ né na̰’d gə məəm Moyisje no̰ Ala’g lé.

Esai 60:14

Ŋgalə njékula kəmi ndooje lé D’a ree kula dɔ dee naŋg nɔḭ’g ləm, Deḛ lai gə́ d’ḛjii bəḭ-bəḭ lé D’a ree kunda barmba gin gɔli’g ləm tɔ. D’a ɓari ɓee-boo lə Njesigənea̰, Sio̰ lə Njerɔkunda lə Israɛlje.

Jeremi 14:11

Njesigənea̰ ulam pana: Maji kam m’ra tamaji mbata koso-dəwje neelé el.

Jeremi 15:1

Njesigənea̰ ulam togə́bè pana: Lée Moyis gə Samel ya d’aar no̰ neḛ’g mba ra rəwta lə koso-dəwje neelé kara n’a koo kəmtondoo lə deḛje neelé el. Tuba dəwje neelé no̰m’g ɔm dee əw mba kar dee d’ɔd d’aw.

Ejekel 14:14

ɓa dəwje gə́ munda nee: Noe, gə Daniel, gə Jɔb d’isi mbuna dee’g kara, deḛ neelé meekarabasur lə dee ɓa d’a kaji ne rɔ dee, Mbaidɔmbaije gə́ Njesigənea̰ ɓa pa bèe.

Ejekel 45:23

Mee ndɔ ra naḭje gə́ siri neelé yeḛ a kinja bɔ maŋgje siri gə bàl badje siri gə́ rɔ dee maji péd-péd gə mee ndɔje gə́ siri’g nee lai gə́ nékinjaməs gə́ ka̰ roo kar Njesigənea̰ ləm, gə bàl bya̰ kára gə́ nékinjaməs gə́ ka̰ kuga dɔ kaiya gə ndɔje kára-kára lai ləm tɔ.

Bula lə Israɛlje 23:1

Balaam ula Balak pana: Maji kari ra loo-nékinjanéməsje as siri loo gə́ nee’g am, tɔɓəi wa dɔ gɔl bɔ maŋgje siri gə bàl badje siri loo gə́ nee’g am tɔ.

Bula lə Israɛlje 23:14

Yeḛ aw səa mee ndɔ’g lə Sopim gə́ to sém mbal’g lə Pisga, yeḛ gɔl loo-nékinjanéməsje keneŋ as siri ndá yeḛ inja bɔ maŋg kára gə bàl badə kára gə́ məs loo-nékinjanéməsje’g kára-kára lai.

Bula lə Israɛlje 23:29

Balaam ula Balak pana: Maji kari ra loo-nékinjanéməsje as siri loo gə́ nee’g am ləm, wa dɔ gɔl bɔ maŋgje siri gə bàl badje siri loo gə́ nee’g am ləm tɔ.

Matiyo 3:17

Tɔɓəi aa oo, ndu dəw ɓar mee dara’g wəl pana: Yeḛ neelé to ŋgonəm gə́ gəd-gəd gə́ m’undá dan kəm’g, yeḛ taa kəm rəgm ya.

Njé gə́ Epesə 1:6

Maji kar noji gə́ yeḛ wa sə sí gin yeḛ gə́ to ŋgonkəmee lé a nduba ne rəa gə́ raga kar dee pidee ne.

2 Timote 4:14

Aleja̰drə gə́ to gə́ njekɔr lé ra səm majel yaa̰. Mbaidɔmbaije a kogá gə goo nérea ya.

Ǝbrəje 10:4

Mbata məs bɔ maŋgje əsé bàl bya̰je askəm kɔr kaiya meḛ dəwje’g el.

Ǝbrəje 7:25

Yee gə́ bèe ɓa, yeḛ askəm kaji ne deḛ gə́ mbɔl dəa ɓa rəm pər gə́ rɔ Ala’g lé, a kaji dee ne kɔr njal mbata yeḛ to njesikəmba saar-saar gə no̰ mba ra rəwta lə dee-deḛ kar dee ya.

Maktub gə́ Jak ula ne ar ngan-Allaje 5:14

See dəw kára mbuna sí’g oso gə rɔko̰ wa. Maji karee ɓar ŋgatɔgje gə́ d’aa dɔ Eglisə mba kar dee ra tamaji dəa’g ləm, kar dee ndèm ubu dəa’g gə ri Mbaidɔmbaije ləm tɔ.

Maktub gə́ Jak ula ne ar ngan-Allaje 5:16

Tegje gin kaiya lə sí gə́ raga arje na̰ ləm, raje tamaji mbata lə na̰ ləm tɔ mba kar kəm sí tuga ne sib. Tamaji gə́ rara gə́ njemeekarabasur ra gə́ ɓar mḭ ndá to tamaji gə́ mḭ ya.

1 Ja̰ 5:16

Ɓó lé dəw kára oo ŋgokea̰ ra kaiya gə́ a gə kɔdee loo-yoo’g el ɓəi ndá maji karee ra tamaji ɓa Ala a kar ŋgokea̰ kəmə lé ya. Deḛ gə́ ra kaiya gə́ ɔd dee loo-yoo’g el ɓəi lé Ala a kar dee kəmə lé ya. Kaiya gə́ ɔd debee gə́ njerea loo-yoo’g lé to keneŋ ya, nɛ ma m’ula sí mba kar sí raje tamaji mbata kaiyaje gə́ togə́bè lé el.

1 Ja̰ 5:6

Yeḛ nja ɓa to Jeju Kristi gə́ ree lé, yeḛ ree gə mán ləm, gə məs ləm tɔ. Yeḛ ree gə mán ɓa goo kára ba el, nɛ yeḛ ree gə mán gə məs na̰’d ya. Ndil ɓa ɔr goo ta neelé ar sí mbata Ndil lé to darɔ kankəmta.

Loo gə́ killa rea kəm Ja̰’g 3:9

Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.

1 Samel 25:35

Yen ɓa Dabid taa néje gə́ Abigayil ree ne lé jia’g ɓəi, ndá yeḛ ulá pana: Tel aw kəi ləi gə meekulɔm. Aa oo ma m’oo ndui ya ləm, m’wai gə́ rɔm’d gə́ majee ya ləm tɔ.