Maktub gə́ wɔji dɔ Jɔb 40:12 - Maktub gə́ To gə Kəmee

¹² Maji kari aa njédɔkədərəje ar dee d’ula dɔ dee ləm, Tal njémeeyèrje naŋg ras-ras loo-kaar dee’g ləm tɔ.

Maktub gə́ wɔji dɔ Jɔb 40:12 ပူးပေါင်းရင်းမြစ်များ

Maktub gə́ wɔji dɔ Jɔb 36:20

Maji kari tila məəi pugudu-pugudu dan loondul’g Gə́ a gə kɔr koso-dəwje loo-si dee’g lé el.

Pakɔsje 60:12

Ǝi Ala, see to i nja ɓa ɔs sí ŋgərəŋ el wa. See to i nja ɓa gə́ teḛ gə bao-rɔje lə sí na̰’d el lé wa.

Pakɔsje 94:2

I mbai gə́ njegaŋ-rəwta gə́ dɔ naŋg neelé Maji kari uba naŋg ḭta, Maji kari ra gə deḛ gə́ to njébeeleje lé Gə goo kula ra dee ra dee.

Gosota-Kəmkàrje 15:25

Njesigənea̰ tɔs kəi lə njébeeleje tila, Nɛ yeḛ ar ŋgaŋ looje lə njekəisiŋga to njaŋg.

Njekillamber 11:3

Loo gə́ ndi il yaa̰ ndá ər dɔ naŋg nee. Ɓó lé kag oso par gə́ dɔkɔl əsé dɔgel ndá yee to lé’d gə́ yeḛ oso keneŋ lé ya tɔ.

Esai 10:6

M’ula dee mba kar dee rɔ Gə ginkoji dəwje gə́ njéra né kori-korije ləm, Ma m’ar dee d’aw gə mba rɔ Gə koso-dəwje gə́ d’ar oŋg ḭ səm dɔ dee’g ləm tɔ, Gə mba kar dee d’unda dee banrɔ Taa ne nékiŋgaje lə dee ləm, Gə mba kar dee mbɔḭ dee naŋg to gə́ bɔrɔ Gə́ to kila-rəwje’g bèe ləm tɔ.

Esai 13:11

N’a kar bo̰ néra majel lə njé gə́ naŋg nee ɔs ta dee’g ləm, N’a kar bo̰ néra yèr lə njémeeyèrje ɔs ta dee’g ləm tɔ, N’a kar ti rɔ lə njébeeleje godo ləm, Dəwje gə́ to njékṵda rɔ dee gə́ dəwje gə́ boi lé N’a tuji ta beeléje lə dee ləm tɔ.

Esai 2:12

Mbata ndɔ lə Njesigənea̰ lə bao-rɔje to keneŋ Gə mba karee gaŋg ne ta dɔ dəw gə́ rara’g Gə́ to njebeelé gə njeti rəa ləm, Mba karee gaŋg ne ta dɔ dəw gə́ rara’d Gə́ unda dəa tar lé karee ula dəa ləm tɔ,

Esai 22:19

N’a tubai loo-kula’g ləi ləm, Neḛ Njesigənea̰ n’a kɔri loo-sii’g ləm tɔ.

Esai 23:9

Njesigənea̰ gə́ njeboo-néje wɔji mée’g togə́bè Mba tuji ne rɔnduba lə njékəstaje ləm, Mba kila rɔkul dɔ dəwje gə́ boo’g Deḛje lai gə́ dɔ naŋg nee ləm tɔ.

Esai 63:3

Ma m’aar gə karm ba loo-mbula-Kandə-nduú’g, Ndá dəw kára kara mbuna koso-dəwje’g aar səm keneŋ el, Ma mbula dee gə oŋg ləm ləm, M’tɔ dee raji-raji gə boo-oŋg ləm ləm tɔ. Məs dee tal wa kubuje ləm mbəgə-mbəgə Ar kubuje lai gə́ m’ula rɔm’g mina̰ ne.

Jeremi 48:29

Jeḛ n’gərje beelé lə Moab Gə́ majidum lé gao, Gə beelé ləa gə́ dum dɔ loo ləm, Gə ti-rɔ ləa ləm, Gə kəsta ləa ləma, Gə takə̰ji ti-rɔ ləm tɔ.

Loo gə́ killa rea kəm Daniel’g 4:24

Gelee gə́ nee ɓa, əi mbai, ta gə́ m’a gə kwɔjii lé maji karee leli ya! Maji kari unda ŋgaŋ kaiyaje ləi mba ra né gə́ to gə dɔ najee ləm, unda ŋgaŋ néra kori-korije ləi gə mba koo kəmtondoo lə njéndooje ləm tɔ. Bèe ɓa banelə ndɔ rɔlelje ləi d’a kḭ ne dɔ maree’d gə́ kédé-kédé.

Loo gə́ killa rea kəm Daniel’g 5:20

Nɛ loo gə́ yeḛ unda dəa tar ra ne dɔkədərə beelé ne dɔ néreaje’g ndá d’unee dɔ kalimbai’g ləa d’undá naŋg ləm, d’ɔr rɔnduba dəa’g ləm tɔ.

Jakari 10:5

D’a to kasəna gə bao-rɔje Gə́ tuba bɔrɔ gə́ mba̰-rəwje loo-rɔ’g bèe, D’a rɔ rɔ ya mbata Njesigənea̰ a nai sə dee, Ndá deḛ gə́ njérɔ gə kundaje lé Rɔkul a dəb dɔ dee’g.

Néra Njékaḭkulaje 1:25

gə mba karee to gə́ njeboakula ləi sə sí ləm, gə mba karee to sə sí njekaḭkula ləi ləm tɔ mbata Judas lé uba sí ya̰ sí ɔd aw loo ləa mba̰.

Njé gə́ Rɔmə 16:20

Ala gə́ njeyelko meelɔm lé waga ba ya a gə rəd Njekurai lé gel gɔl sí’g mbə̰ji-mbə̰ji tɔ. Maji kar sí sije dan noji’g lə Mbaidɔmbaije lə sí Jeju Kristi lé tɔ. Amen.

1 Samel 2:7

Njesigənea̰ ar dəw tel to njendoo ləm, Yeḛ ar dəw to bao ləm tɔ. Yeḛ ar dəw ula dəa ləm, Yeḛ ar dəw unda dəa tar ləm tɔ.