Maktub gə́ wɔji dɔ Jɔb 40:11 - Maktub gə́ To gə Kəmee

¹¹ Maji kari kila oŋg ləi gə́ o̰ to gə́ pər bèe lé gə́ raga ləm, Maji kari aa njédɔkədərəje gərərə ar dee d’ula dɔ dee ləm tɔ.

Maktub gə́ wɔji dɔ Jɔb 40:11 ပူးပေါင်းရင်းမြစ်များ

Maktub gə́ wɔji dɔ Jɔb 20:23

Loo gə́ yeḛ si mbula nésɔ mée’g ndá Ala a kɔm pər oŋg ləa dəa’g Karee ər dəa’g to gə́ ndi bèe.

Maktub gə́ wɔji dɔ Jɔb 21:30

Ndɔ némeeko̰ lé né ra njemeeyèr el, Ndɔ oŋg lé yeḛ teḛ keneŋ njoroŋ.

Maktub gə́ wɔji dɔ Jɔb 27:22

Ala un kəmee rəw dəa’g uree ne gə ɓandaŋg Ndá njemeeyèr ndiŋga rəa mba kaḭ taa rəa ta kandə ɓandaŋgje’g.

Maktub gə́ wɔji dɔ Jɔb 4:9

Kəmə gə́ Ala ila pugudu dɔ dee’g lé deḛ tuji ne ləm, Lel oŋg ləa roo dee dula-dula ləm tɔ.

Maktub gə́ wɔji dɔ Jɔb 9:5

Yeḛ ŋgəs gə mbalje gə́ raŋg lal kar dee gər ləm, Yeḛ ɓugu dee naŋg gə oŋg ləa ləm tɔ.

Pakɔsje 144:6

Maji kari ar ndi tel wəḭ-wəḭ Sané ne njéba̰je ləm kad-kad ləm, Rɔ ɓandaŋgje ləi lé ar dee ndəm ne rəw-kaw dee’g ləm tɔ.

Pakɔsje 94:2

I mbai gə́ njegaŋ-rəwta gə́ dɔ naŋg neelé Maji kari uba naŋg ḭta, Maji kari ra gə deḛ gə́ to njébeeleje lé Gə goo kula ra dee ra dee.

Teḛ-Raga 15:6

Ǝi Njesigənea̰, jikɔli tɔji loo-siŋgamoŋ ləi ləm, Ǝi Njesigənea̰, jikɔli ɓa rəd njéba̰je ləi lé naŋg mbə̰ji-mbə̰ji ləm tɔ.

Teḛ-Raga 18:11

Ɓasinè, ma m’gər gao to gə́ Njesigənea̰ lé ur dɔ magəje’g lai, mbata némeeyèr lə njé gə́ Ejiptə lé tel oso dɔ dee-deḛ’g ya.

Esai 2:17

Dəw gə́ njebeelé lé d’a karee oso kul ləm, Yeḛ gə́ njeti rəa kara d’a karee ula dəa ləm tɔ. Mee ndəa’g neelé dɔ Njesigənea̰ ya kára ba a to tar.

Esai 22:19

N’a tubai loo-kula’g ləi ləm, Neḛ Njesigənea̰ n’a kɔri loo-sii’g ləm tɔ.

Esai 23:9

Njesigənea̰ gə́ njeboo-néje wɔji mée’g togə́bè Mba tuji ne rɔnduba lə njékəstaje ləm, Mba kila rɔkul dɔ dəwje gə́ boo’g Deḛje lai gə́ dɔ naŋg nee ləm tɔ.

Esai 25:11

Dan mán’g neelé deḛ teḛ ji dee keneŋ To gə́ njekalè mán teḛ ne jia Gə mba kalè ne mán bèe, Nɛ Njesigənea̰ tuji beelé lə dee Na̰’d gə goso kula gə́ ji dee ɓa ra lé.

Esai 26:5

Yeḛ tɔs dəwje gə́ d’isi dɔ mbalje’g tar lé tila dee ləm, Ɓee-boo gə́ to tar ur dɔ mareeje’g lé Yeḛ rəm səa ləm tɔ. Yeḛ aw səa aree oso naŋg ləm, Yeḛ aw səa saar ilá babur’g pal ləm tɔ.

Esai 42:25

Gelee gə́ nee ɓa yeḛ ɓugu ne boo-oŋg ləa dɔ Israɛlje’g ləm, Ar rɔ gə́ to ɓəl kədəm-kədəm lé Ɔm ne dɔ dee’g ləm tɔ. Rɔ neelé aḭ dɔ dee sub-sub gə looje lai Nɛ dee d’oo ginee el ləm, Yee roo dee dula-dula Nɛ d’oo gə́ né el tɔ.

Jeremi 48:29

Jeḛ n’gərje beelé lə Moab Gə́ majidum lé gao, Gə beelé ləa gə́ dum dɔ loo ləm, Gə ti-rɔ ləa ləm, Gə kəsta ləa ləma, Gə takə̰ji ti-rɔ ləm tɔ.

Ejekel 28:2

I ŋgon-dəw lé, ula mbai gə́ njeko̰ dəb ɓeeko̰ gə́ Tir pana: Mbaidɔmbaije gə́ Njesigənea̰ pana: I beelé məəi’g pana: I to Ala. I si dɔ kalimbai’g lə Ala ŋgaw dan baa-boo-kadje’g! Nɛ i lé to dəw ɓó to Ala el. I un né gə́ məəi ndigi aree taa tor né gə́ mee Ala ndigi.

Loo gə́ killa rea kəm Daniel’g 4:24

Gelee gə́ nee ɓa, əi mbai, ta gə́ m’a gə kwɔjii lé maji karee leli ya! Maji kari unda ŋgaŋ kaiyaje ləi mba ra né gə́ to gə dɔ najee ləm, unda ŋgaŋ néra kori-korije ləi gə mba koo kəmtondoo lə njéndooje ləm tɔ. Bèe ɓa banelə ndɔ rɔlelje ləi d’a kḭ ne dɔ maree’d gə́ kédé-kédé.

Nahum 1:6

See na̰ ɓa a kaar gəs no̰ oŋg’d ləa wa. See na̰ ɓa a kaar tar no̰ oŋg’d ləa gə́ nuŋga kəd-kəd’g lé wa. Oŋg ləa ɔm dɔ loo’g to gə́ pər bèe. Yee ɓa ar biri mbalje d’yiri njigi-njigi nea̰’g.

Nahum 1:8

Nɛ paŋgəm mán gə́ turu tuma̰-tuma̰ lé ɓa Yeḛ a tuji ne loo neelé pugudu. Tɔɓəi yeḛ a tuba njéba̰je ləa Saar kɔm dee dan loo gə́ ndul njudu-njudu’g.

Lugu 18:14

Ma m’ula sí təsərə, njetaa lar-gədɓee neelé aw gə́ kəi ləa ndá ta godo dəa’g, nɛ yeḛ gə́ raŋg lé ta nai dəa’g ɓəi. Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa ndá d’a karee unda dəa gə́ tar tɔ.

Tel tura Godndu 32:22

Mbata pər oŋg ləm mbudu o̰ ndá A ko̰ saar teḛ rudu loo-si njé gə́ d’wəi’g A roo naŋg nee gə kandə néje gə́ d’uba keneŋ ləm, A kaw saar teḛ gel mbalje’g naŋg ləm tɔ.

Maktub gə́ Jak ula ne ar ngan-Allaje 4:6

Nɛ Ala lé wa sə sí noji gə́ maji unda nje gə́ kédé, gelee gə́ nee ɓa maktub gə́ to gə kəmee lé pa ya tɔɓəi pana: Ala ɔs njébeeleje rəw nɛ yeḛ wa noji gə njékula dɔ deeje.