Maktub gə́ wɔji dɔ Jɔb 4:9 - Maktub gə́ To gə Kəmee

⁹ Kəmə gə́ Ala ila pugudu dɔ dee’g lé deḛ tuji ne ləm, Lel oŋg ləa roo dee dula-dula ləm tɔ.

Maktub gə́ wɔji dɔ Jɔb 4:9 ပူးပေါင်းရင်းမြစ်များ

2 Mbaije 19:7

M’a gə kula ndil kára mée’g mba karee oo sorta kára ɓa yeḛ a tel kaw mee ɓee’g ləa ɓəi, tɔɓəi m’a kar dee tɔlee gə kiambas dan mee ɓee’g ləa ya tɔ.

Maktub gə́ wɔji dɔ Jɔb 1:19

ndá aa oo lel-boo ḭ par gə́ kel dɔdilaloo’g biri dɔkum kəi gə́ sɔ lé aree təd unda dee mburug tɔl dee. Nɛ ma nja gə karm ba m’teḛ pe’d-pe’d ta yoo’g m’ree mba kulai taree.

Maktub gə́ wɔji dɔ Jɔb 15:30

Yeḛ a lal kar loondul dəb dəa’g el ləm, Ndo̰ pər a roo barkəmeeje dula-dula ləm tɔ Ndá lel ta Ala a tujee pugudu.

Maktub gə́ wɔji dɔ Jɔb 40:11

Maji kari kila oŋg ləi gə́ o̰ to gə́ pər bèe lé gə́ raga ləm, Maji kari aa njédɔkədərəje gərərə ar dee d’ula dɔ dee ləm tɔ.

Maktub gə́ wɔji dɔ Jɔb 40:13

Maji kari iya dee na̰’d ya lai gel naŋg’d ləm, Maji kari ɔm dee duu-loo gə́ ndul njudu-njudu’g ləm tɔ.

Pakɔsje 18:15

Yeḛ rɔ ɓandaŋgje ləa sané ne njéba̰je ləm kad-kad, Yeḛ ar ndu ndaŋg lə ndi lé ɔs goo na̰ ŋgɔg-ŋgɔg Sané dee ar dee d’aw ne dɔ na̰’d pum-pum.

Teḛ-Raga 15:10

I tó lel gə́ teḛ əmi’g pu ba ya ɓəi, Man baa-boo tur dɔ dee yal mba̰, Deḛ ndii to gə́ rɔm bèe Dan ŋguru mán’g lé tɔ.

Teḛ-Raga 15:8

Gə goo kəmə gə́ teḛ əmi’g lé Man wa ne dɔ na̰ ko̰-ko̰ ləm, Man gə́ ula lé kara aar ne tar Asəna gə ndògo-bɔrɔ bèe ləm tɔ. Paŋgəm mán tel to né gə́ kədərə kaw-kaw dan mán baa-boo’g ya.

Esai 11:4

Nɛ yeḛ a gaŋg rəwta lə njéndooje lé gə goo rəw gə́ danasur ləm, Yeḛ a kɔr kəmta lə njénékəmndooje gə́ naŋg nee gə goo rəbee ləm, Tapea gə́ to asəna gə kag-tɔs lé Yeḛ a kunda ne naŋg nee ləma, Lel təa gə́ a tó pu lé a kar njemeeyèr wəi ne ləm tɔ.

Esai 30:33

Un kudee ləw ba lé Deḛ gɔl loo-roo-dəwje, Deḛ gɔlee d’wɔji ne dɔ mbai gə́ Asiri, D’aree ur ləm, gə tad ləm tɔ, Loo-roo-dəwje neelé pər gə kagje taa loo keneŋ pəl-pəl, Kila kəmə pugudu lə Njesigənea̰ mbudu pər o̰ To gə́ kṵji pər gə́ kas gə́ teḛ bilim-bilim bèe.

Esai 40:7

Mu ndòlé ləm, pudu gəḭ ləm tɔ Loo gə́ Njesigənea̰ ila kəmə pugudu dɔ dee’g ya. Tɔgərɔ koso-dəwje lé to d’asəna gə mu bèe ya.

2 Njé gə́ Tesalonikə 2:8

Ndəa neelé, yeḛ gə́ njekɔs Ala rəw lé a nduba rəa gə́ raga, nɛ lel ta Mbaidɔmbaije gə́ a tó dəa’g pu lé a tujee ne ləm, rɔnduba gə́ wɔji dɔ ndɔ ree ləa lé a guree naŋg rug-rug ləm tɔ.

Loo gə́ killa rea kəm Ja̰’g 2:16

Bèe ndá wa ndòo rɔi dɔ kaiya’g ləi, ɓó lé bèe el ndá waga ɓa m’a kaw rɔi’g ndá m’a rɔ sə dee gə kiambas gə́ teḛ tam’g.