Maktub gə́ wɔji dɔ Jɔb 4:3 - Maktub gə́ To gə Kəmee

³ Aa oo, ta-ta i ndoo dəwje gə́ raŋg né ləm, I ar deḛ gə́ ji dee unda ndolé kara ɓar mèr-mèr ləm,

Maktub gə́ wɔji dɔ Jɔb 4:3 ပူးပေါင်းရင်းမြစ်များ

Gḭ-Néje 18:19

Mbata ma nja m’ɔree mba karee un ndia ar ŋganeeje, gə njémeekəije ləa gə́ d’a gə korè gée lé mba kar dee d’aa dɔ rəw lə Njesigənea̰ ləm, gə mba kar dee ra né gə́ dana gə né gə́ to gə dɔ najee ləm tɔ. Bèe ɓa ndukunje gə́ wɔji dɔ Abrakam gə́ Njesigənea̰ un aree lé d’a kaw ne lée’g béréré ya.

Esdras 6:22

Deḛ ra naḭ gə́ wɔji dɔ muru gə́ lal əm-tiné gə rɔlel as ndɔ dee siri mbata Njesigənea̰ ar rɔ dee lel dee loo gə́ yeḛ tel mee mbai gə́ Asiri aree ula diŋgam meḛ dee’g dɔ kula kunda kəi Ala gə́ to Ala lə Israɛlje lé.

Maktub gə́ wɔji dɔ Jɔb 16:5

M’a kula diŋgam meḛ sí’g gə ta gə́ tam’g ləm, Dɔ tam gə́ o̰ ɗèm-ɗèm lé m’a gɔl ne meḛ sí ləm tɔ.

Maktub gə́ wɔji dɔ Jɔb 29:11

Mbi dəw gə́ oo ta ləm lé tɔr ndia dɔm’g pana: Maji kar rɔlel nai səm ləm, Kəmee gə́ oom lé kara ɔr goo ta ləm maji ləm tɔ.

Maktub gə́ wɔji dɔ Jɔb 29:15

Ma m’to gə́ kəm mbata lə njekəmtɔ ləm, Ma m’to gə́ gɔl mbata lə njemədə ləm tɔ.

Maktub gə́ wɔji dɔ Jɔb 29:16

Ma m’to gə́ bɔ mbata lə njéndooje ləm, Ma m’to gə́ njekə̰d gel ta lə dəw gə́ dee gər ta ləa el ləm tɔ.

Maktub gə́ wɔji dɔ Jɔb 29:21

D’oo ta ləm ndá d’ur mbi dee njor, Deḛ d’isi régégé gə mba koo takwɔji-kəmkàrje ləm,

Maktub gə́ wɔji dɔ Jɔb 4:4

Taje ləi ar deḛ gə́ d’oso d’ḭta ləma, Deḛ gə́ d’wa koŋgoŋ lé i ar dee ndɔji rɔ dee ləm tɔ.

Gosota-Kəmkàrje 10:21

Ta njemeekarabasur lé Ul dəwje bula, Nɛ mbəje d’wəi Mbata kəmkàr lal meḛ dee.

Gosota-Kəmkàrje 15:7

Tapa njékəmkàrje teḛ gə négər gə́ raga-raga, Nɛ mee mbə-dəw to wəl.

Gosota-Kəmkàrje 16:21

Dəw gə́ kəmkàr to mée’g lé Ɓaree njegosonégər ləm, Ta gə́ kul yururu lé Ar négər ḭ dɔ maree’d gə́ kédé-kédé ləm tɔ.

Esai 35:3

Ji síje gə́ d’unda ndolè lé Ar deeje ɓar mèr-mèr ləm, Kəji sí gə́ unda bala lé kara Aarje ne tar jigiri ləm tɔ.

Esai 50:4

Mbaidɔmbaije gə́ Njesigənea̰ ulam ta Gə́ kəm karm m’pa Gə mba kam m’gər loo pata M’gəd ne yeḛ gə́ unda ndolè. Teḛ gə ndɔ gə ndɔje kára-kára lai lé Yeḛ ndelm, Yeḛ ar mbim to tag gə mba koo ne ta Gə mba kam m’oo ta To gə́ njékwakiláje d’oo bèe.

Ejekel 13:22

Mbata seḭ arje mee njemeekarabasur pélé wəs-wəs gə taŋgɔmje loo gə́ neḛ nja n’ula kəmee ndòo el ləm, mbata seḭ arje ji njemeeyèr ɓar mèr-mèr mba kɔgee ne loo kuba rəw néra ləa gə́ majel kya̰ mba si ne kəmba ləm tɔ.

Soponi 3:16

Mee ndəa’g neelé d’a kula Jerusalemje pana: Ɓəlje el! Seḭje gə́ Sio̰, Maji kar ji sí unda ndolè el!

Lugu 22:32

Nɛ ma lé ma m’ra tamaji mbata ləi mba kar kúla meekun ləi gaŋg el. Bèe ndá loo gə́ i a kun kəmi rəw dɔ rəm’g ləi ndá maji kari ula diŋgam meḛ ŋgakɔḭje’g ya.

Lugu 22:43

Yen ŋga kura gə́ dara teḛ dəa’g təsərə gə mba gədee ne.

Njé gə́ Epesə 4:29

Maji kar ta gə́ ərm teḛ ta sí’g kára kara el, ta gə́ maji gə́ kəm pa gə́ a rɔd mari kar mée nda ne kaḭ ɓa maji karee teḛ ta sí’g ar deḛ gə́ d’oo lé ya tɔ.

Tel tura Godndu 3:28

Un ndui ar Juje ləm, ula diŋgam mée’g ləma, ar siŋgá ḭ dɔ maree’g ləm tɔ, mbata yeḛ nja ɓa a kaw no̰ koso-dəwje’g neelé ləm, yeḛ nja ɓa a kunda dee mee ɓee gə́ a gə kaa gə kəmi lé ləm tɔ.

Njé gə́ Kolosə 4:6

Arje tapa sí teḛ gə ndu gwɔs noji gə ndɔ sí ndɔ sí, dusuje kad gə́ rii dɔ’g tɔ, bèe ɓa seḭ a kooje loo kila nana kara ta gə́ kəm kilá keneŋ.

Ǝbrəje 12:12

Gelee gə́ nee ɓa ji sí gə́ unda ndolè lé ar deeje ɓar mèr-mèr ləm, kəji sí gə́ unda bala kara aarje ne tar jigiri ləm tɔ.