Maktub gə́ wɔji dɔ Jɔb 39:5 - Maktub gə́ To gə Kəmee

⁵ See na̰ ɓa ar mburje aw to gə́ mée ndigi ləm, Gə tudu kúla rəa’g ilá tar ləm tɔ wa.

Maktub gə́ wɔji dɔ Jɔb 39:5 ပူးပေါင်းရင်းမြစ်များ

Gḭ-Néje 16:12

Yeḛ a to kasəna gə mburje bèe. Jia a rɔ gə dəwje lai ləm, dəwje lai kara ji dee a rɔ səa ləm tɔ. Yeḛ a si gə kəmee ɓəd mbuna ŋgakea̰je’g lai.

Gḭ-Néje 49:14

Isakar to mulayḛ̀je gə́ njesḭga Gə́ to naŋg kəi lə nékulje’g.

Maktub gə́ wɔji dɔ Jɔb 11:12

Nɛ dəw lé gosonégər ləa gə́ dəa’g to gə́ némbə, Dəw gə́ darɔ’g lé d’ojee asəna gə ŋgon mbur bèe.

Maktub gə́ wɔji dɔ Jɔb 24:5

Aa oo, deḛ to d’asəna gə mulayḛ̀je-je gə́ wala bèe Gə́ teḛ gə ndɔ rad d’aw mba saŋg nékulrɔ dee, Dɔdilaloo ya ɓa gə́ loo-kiŋga-muru keneŋ mbata lə ŋgan deeje.

Maktub gə́ wɔji dɔ Jɔb 39:10

See i a kwá gə kúla karee un ɓai wa. See yee a njaa goi’g mba tɔ kɔr-naŋgje gə́ kəm-wolje’g wa.

Maktub gə́ wɔji dɔ Jɔb 39:4

Ŋgan deeje lé siŋga dee ḭ dɔ maree’d gə́ kédé-kédé ləm, Dee ra tɔg pir-pir mee wala’g ləma, Dee d’aw par-par tel ree rɔ dee’g el ləm tɔ

Maktub gə́ wɔji dɔ Jɔb 6:5

See mbur a ra né wəl mbɔr mu gə́ lelee’g wa. See bɔ maŋg a no̰ mbɔr moro’g ləa wa.

Pakɔsje 104:11

Manje lé tɔl kunda lə daje lai gə́ mee wala’g ləm, Mulayḛ̀je gə́ wala ya kara d’ai d’aree tɔl kunda lə dee ya ləm tɔ.

Esai 32:14

Kəi-mbai lé d’uba d’ya̰ ləm, Ɓee-boo kunda bula lé tel to dɔ nduba ləm tɔ, Dɔdərloo gə kəi-kaar-kɔgərɔ gə́ duu dɔ loo lé Tel to duu-loo si gayim-dəwje saar gə no̰, Loo neelé a tel to gə́ loo-ndam lə mulayḛ̀je-je gə́ wala ləm, Gə loo-ko̰-mu lə koso-nékulje ləm tɔ.

Jeremi 14:6

Mulayḛ̀je gə́ mee wala’g d’aar dɔ looje gə́ ndəw’g, Deḛ taa baḭ loo to gə́ tàlje bèe, Kəm dee toso kəgjə-kəgjə Mbata mu sɔ dee godo.

Jeremi 2:24

Seḭ toje asəna gə ko̰-mulayḛ̀je-je Gə́ gərje loo gə́ dɔdilaloo’g maji ləm, Gə́ awje ndəŋ-ndəŋ goo malee Gə́ ra sí lé ləm tɔ, See na̰ ɓa a kɔg sí dɔ malee Gə́ ra sí lé wa. Deḛ lai gə́ saŋg sí lé D’iŋga sí kalaŋ lal dao ləm, Deḛ d’iŋga sí mee naḭyee’g Gə́ wɔji dɔ sí ya ləm tɔ.

Loo gə́ killa rea kəm Daniel’g 5:21

Deḛ d’ɔsee mbuna dəwje’g tubá ləm, mée tel to asəna gə ka̰ daje bèe ləma, loo-siée to mbuna mulayḛ̀je-je gə́ wala ləm tɔ. Deḛ d’aree sɔ mu to gə́ bɔ maŋgje ləm, mán tàl tən rəa’g ləm tɔ saar ar kəmee inja aree oo to gə́ Ala gə́ Njekurdɔloo lé ɓa to njeko̰ɓee dɔ ɓeeko̰je’g lə dəwje lai ləm, dəw gə́ yeḛ wɔjee mée’g ɓa yeḛ aree o̰ ɓee ləm tɔ.

Ojee 8:9

Mbata deḛ d’ḭ d’aw Asiri To gə́ mburje gə́ unda rəa ŋgərəŋ bèe, Eprayimje lèbè kəm dee gə nékar Mba kwa ne sə dee baokura.