Maktub gə́ wɔji dɔ Jɔb 38:7 - Maktub gə́ To gə Kəmee

⁷ Mee ndəa gə́ kéréméje gə́ gə ndɔ nduba rɔ dee gə pa kalrɔ ləm, Kuraje lə Ala gə́ dara d’ɔr ndu dee gə́ tar wəl gə rɔlel ləm tɔ lé wa.

Maktub gə́ wɔji dɔ Jɔb 38:7 ပူးပေါင်းရင်းမြစ်များ

Gḭ-Néje 1:16

Ala unda néndogóje gə́ boi joo neelé. Yee gə́ boi gə́ ur dɔ maree lé to mba ko̰ɓee dɔ lookàr’g ləm, yee gə́ lam gə́ orè gée lé to mba ko̰ɓee dɔ loondul’g ləm tɔ. Tɔɓəi Yeḛ unda kéréméje tɔ.

Maktub gə́ wɔji dɔ Jɔb 1:6

Yen ŋga ndɔ kára bèe kuraje lə Ala gə́ dara ree d’aar nea̰’g ndá Njekurai kara ree aar dan dee’g tɔ.

Maktub gə́ wɔji dɔ Jɔb 2:1

Tɔɓəi ndɔ kára bèe loo gə́ kuraje lə Ala gə́ dara ree d’aar nea̰’g ndá Njekurai kara ree aar sə dee na̰’d no̰ Njesigənea̰’g tɔ.

Pakɔsje 104:4

Yeḛ tel lelje lé gə́ njékaḭkulaje ləa ləm, Yeḛ tel ndo̰ pərje lé gə́ kuraje ləa ləm tɔ.

Jakari 4:7

I mbal gə́ boi lé see i to gə́ ɗi ɓa no̰ Jorobabel’g wa. Jorobabel a kari asəna rai-rai. Yeḛ a kɔr ne rudu kɔr mbal kunda ne sém kəi gə́ tar Dan ndu dəwje gə́ ɓar wəl-wəl’d gə́ pana: Maji péd-péd! Maji péd-péd!

Loo gə́ killa rea kəm Ja̰’g 2:28

Débee neelé m’a karee duje lookàr ya.

Loo gə́ killa rea kəm Ja̰’g 22:16

Ma Jeju, m’ula kura ləm gə mba karee to njekɔrgoota neelé kar Eglisəje. Ma m’to gə́ ŋgoka Dabid ləm, m’to gə́ duje lookàr ləm tɔ.

Loo gə́ killa rea kəm Ja̰’g 5:11

M’aa loo ndá m’oo ndu kuraje lə Ala gə́ dara bula gə́ gugu dɔ kalimbai gə dɔ nékundaje lə Ala gə́ d’aw kəmba gə dɔ ŋgatɔgje lé sub lé ɓar. Deḛ bula digi-digi dum tura ya.