Maktub gə́ wɔji dɔ Jɔb 38:2 - Maktub gə́ To gə Kəmee

² See na̰ ɓa saŋg loo mba kar loondul dəb dɔ néje’d gə́ m’wɔji mba̰ lé Gə tapeaje gə́ lal gosonégər lé wa.

Maktub gə́ wɔji dɔ Jɔb 38:2 ပူးပေါင်းရင်းမြစ်များ

Maktub gə́ wɔji dɔ Jɔb 12:3

Ma kara m’isi gə kəmkàr to gə́ seḭ bèe ya to Ɓó ma m’to ŋgon gə́ goo sí’g el. See na̰ ɓa gər néje gə́ seḭ paje lé el wa.

Maktub gə́ wɔji dɔ Jɔb 24:25

Ɓó lé to togə́bè el ndá see na̰ ɓa a maḭ səm wa. See na̰ ɓa a tel ta ləm karee to ta gə́ kari ba wa.

Maktub gə́ wɔji dɔ Jɔb 26:3

See takwɔji-kəmkàr gə́ maji gə́ ra ɓa i ar dəw gə́ gosonégər lalee wa. See boo-takəmkàrje gə́ ra ɓa i riba dəa wa.

Maktub gə́ wɔji dɔ Jɔb 27:11

M’a ndoo sí kila-rəwje lə Ala, M’a kiya sə sí dɔ néje gə́ Bao-siŋgamoŋ wɔji-kwɔji ra lé el.

Maktub gə́ wɔji dɔ Jɔb 34:35

Jɔb pata lal gər ginee ləm, Taje ləa gə́ pa lé lal kɔrkəmta ləm tɔ.

Maktub gə́ wɔji dɔ Jɔb 35:16

Togə́bè ɓa Jɔb teḛ təa gə mḭdé ba Pa ne taje ləa gə́ dɔ na̰’d-na̰’d lal gər ginee ya.

Maktub gə́ wɔji dɔ Jɔb 42:3

I lé dəjim pana: See mbə-dəw gə́ ra ɓa askəm kar loondul dəb dɔ néje gə́ i wɔji-kwɔji ra lé wa. Bèe ya ma m’pata néje neelé lal gər ginee, To néje gə́ maji dum gə́ dum dɔm gə́ ma m’askəm kḛji gər el.

1 Timote 1:7

Deḛ ndigi to njétegginta godnduje kar mar deeje ya nɛ deḛ gər gin ta gə́ deḛ pa lé el ləm, ta gə́ deḛ pa kəgəgə-kəgəgə kara deḛ gər ginee el ləm tɔ.