Maktub gə́ wɔji dɔ Jɔb 38:1 - Maktub gə́ To gə Kəmee

¹ Njesigənea̰ tel gə ta dəji Jɔb dan lel-boo’g pana:

Maktub gə́ wɔji dɔ Jɔb 38:1 ပူးပေါင်းရင်းမြစ်များ

Gḭ-Néje 9:10

ma m’ar néje lai gə́ d’aw kəmba gə́ d’aar sə sí na̰’d ya: yelje ləm, gə nékulje ləma, gə daje lai gə́ dɔ naŋg nee ləm tɔ, deḛ lai gə́ d’unda loo mee kəi-kag’d teḛ lé, to deḛ gə́ d’aw dɔ naŋg nee ya.

1 Mbaije 19:11

Njesigənea̰ pana: Gə́ teḛ raga, aar dɔ mbal’g no̰ Njesigənea̰’g! Nɛ aa oo, Njesigənea̰ lé dəs tar. Loo gə́ no̰ Njesigənea̰’g lé lel-boo gə́ to ɓəl kədm-kədm ula ar mbalje ta̰ ləm, təd mbalje njigi-njigi ləm tɔ nɛ Njesigənea̰ godo dan lel-boo’g lé. Goo lel-boo’g ndá naŋg yə nɛ Njesigənea̰ godo dan naŋg gə́ yə’g lé tɔ.

2 Mbaije 2:1

Loo gə́ kàree as mba̰ gə mba kar Njesigənea̰ un Eli dan lel-mal’g aw səa dara lé ndá, Eli deḛ gə Elije d’ḭ Gilgal d’aw njaa na̰’d.

2 Mbaije 2:11

Loo gə́ d’aw njaa na̰’d d’wɔji ne na̰ ta bèe-bèe ndá aa ooje, kundaje gə́ rɔ dee ndɔḭ wər-wər to gə́ pər bèe ndɔr pusu gə́ ndɔḭ wər-wər to gə́ pər bèe gaŋg ne mbuna dee dana. Ndá lel-mal un Eli səḛ aw səa dara.

Maktub gə́ wɔji dɔ Jɔb 11:5

Ǝi, ɓó lé Ala ndigi pata ləm, Ɓó lé yeḛ teḛ təa gə mba kilai’g ləma,

Maktub gə́ wɔji dɔ Jɔb 26:10

Yeḛ inja ŋgaŋ loo dɔ manje’g Aree to gə́ rəw-nim gə́ to mbuna loondul gə lookàr’g bèe.

Maktub gə́ wɔji dɔ Jɔb 37:14

Jɔb, maji kari ur mbii gèŋ oo ne néje neelé! Maji kari aa loo oo nédumkooje lə Ala ya ɓəi!

Maktub gə́ wɔji dɔ Jɔb 37:9

Lel-mal ḭ par gə́ dɔkɔl ula ləm, Lel ḭ dɔgel ree gə kul ləm tɔ.

Maktub gə́ wɔji dɔ Jɔb 40:1

Njesigənea̰ dəji Jɔb ta pana:

Maktub gə́ wɔji dɔ Jɔb 40:6

Njesigənea̰ tel ila Jɔb ta’g dan lel-boo’g pana:

Ejekel 1:4

Ma m’aa loo gərərə ndá aa oo, lel ḭ gigigi ləm, gə kil-lə-ndi gə́ ḭ udu loo pḛ-pḛ ləma, gə pər gə́ tɔ na̰ ar ndogó ləa ɔr loo jol-jol ləm tɔ lé ḭ par gə́ dɔgel ree. Ŋgaw danee ndɔḭ to gə́ larkas gə́ d’usu d’aree ndɔḭ wər-wər gə́ ḭ dan pər’d bèe.

Nahum 1:3

Njesigənea̰ lé to njekar oŋg ḭ səa kalaŋ el, Yeḛ to Bao-siŋgamoŋ: Dəw gə́ njera némajel lé Yeḛ a lal kar bo̰ nérea ɔs təa’g el. Njesigənea̰ njaa dan ko̰ ndi’g ləm, Gə dan lel-mal’g ləm tɔ. Ndije gə́ pélé dara lé to kor gə́ ḭ tor gɔlee’g.