Maktub gə́ wɔji dɔ Jɔb 3:8 - Maktub gə́ To gə Kəmee

⁸ Maji kar njékila ndɔl dɔ ndɔje’g d’ila ndɔl dɔ mee tilee’g neelé ləm, Deḛ gə́ gər goso ɓar da-mán gə́ to ɓəl karee teḛ raga lé Maji kar dee d’ila ndɔl dəa’g ləm tɔ!

Maktub gə́ wɔji dɔ Jɔb 3:8 ပူးပေါင်းရင်းမြစ်များ

2 Sôrta Gḭka Israɛlje 35:25

Jeremi ndaŋg pa no̰ ndòo gə́ wɔji dɔ Jojias ndá bao-paje gə́ diŋgam gə njé gə́ dené lai pata gə́ wɔji dɔ Jojias loo no̰ ndooje’g lə dee saar teḛ ne mee ndəa gən tɔ, yee ɓa d’aree tel to ne néjiɓee mee ɓee gə́ Israɛl ya. Paje neelé deḛ ndaŋg taree mee maktub pa no̰ ndooje’g.

Maktub gə́ wɔji dɔ Jɔb 3:7

Oiyo, maji kar mee tilee’g neelé to mee til gə́ kəm keskèm keneŋ el ləm, Maji kar ndu rɔlel ɓar keneŋ el ləm tɔ.

Maktub gə́ wɔji dɔ Jɔb 3:9

Maji kar kéréméje gə́ teḛ loo gə́ kàr ur naŋg mee tilee’g neelé tel ndul njudu-njudu, Maji karee ŋgina lookàr pi. Maji kar ta lookàr teḛ mee tilee’g neelé el tɔ.

Maktub gə́ wɔji dɔ Jɔb 41:1

Aa oo, məəi gə́ i unda yel gə́ mba kwá ne lé to né gə́ kari ba, Koo gə́ i ée lé see i rəm gə gooi oso gaŋnda el wa.

Maktub gə́ wɔji dɔ Jɔb 41:10

Loo gə́ yee ur aitiso ndá loo ndogó jol-jol ləm, Kəmee to asəna gə kṵji kàr gə́ teḛ gə́ ndɔ rad bèe ləm tɔ.

Maktub gə́ wɔji dɔ Jɔb 41:25

Dɔ naŋg neelé béeje kára kara godo keneŋ ləm, D’undá d’aree ɓəl né kára kara el ləm tɔ.

Esai 27:1

Mee ndəa’g neelé Njesigənea̰ a kun kiambas ləa gə́ kədərə, gə boi gə́ siŋgá to yaa̰ mba gaŋg ne da-kɔb gə́ to li gə́ njekaḭgwɔd yaa̰ ləm, da-kɔb gə́ to li gə́ təd rəa go̰gəlɔ-go̰gəlɔ ləm tɔ ndá yeḛ a tɔl da-kɔb lé mee baa-boo-kad’g.

Amɔs 5:16

Gelee gə́ nee ɓa, Njesigənea̰ Ala gə́ njeboo-néje, Mbaidɔmbaije ɓa pa togə́bè pana: D’a no̰ yoo gə mee looje lai gèr-gèr Sii ne mbigi-mbigi ya, Gə kila-rəwje lai lé kara d’a pa pana: Kwii-kwii, ɗi ɓa to togə́bè wa. D’a ɓar njendɔ gə mba karee ree loo-yoo’g ləm, D’a ɓar deḛ gə́ gər pa no̰ yoo Kar dee ree no̰ ne yoo ləm tɔ.

Matiyo 11:17

Jeḛ j’im tébé nɛ seḭ làje ne el ləm, jeḛ j’un pa yoo nɛ seḭ no̰je ne el ləm tɔ.

Mark 5:38

Loo gə́ deḛ teḛ kəi lə ŋgatɔg dee-deḛ gə́ kəi-kwa-dɔ-na̰’g lé ndá Jeju oo boo-dəwje gə́ ra ne birim-birim ləm, gə njé gə́ na̰je no̰ gə kii wəl-wəl ləm tɔ.