Maktub gə́ wɔji dɔ Jɔb 3:5 - Maktub gə́ To gə Kəmee

⁵ Maji kar loo gə́ ndul njudu-njudu təa lai gə́ kea̰-yeḛ ləm, Maji kar mum on dəa ləma, Maji kar néɓəl gə́ on kəm kàr lé aree ɓəl ndəb pəd-pəd ləm tɔ.

Maktub gə́ wɔji dɔ Jɔb 3:5 ပူးပေါင်းရင်းမြစ်များ

Maktub gə́ wɔji dɔ Jɔb 16:16

Kəm kas kɔr-kɔr gə no̰ ləm, Loo gə́ ndul njudu-njudu dəb dɔ kəm’g ləm tɔ.

Maktub gə́ wɔji dɔ Jɔb 24:17

Loo gə́ àr teḛ gə ndɔ to gə́ loo gə́ ndul njudu-njudu mbata lə dee, Mbata deḛ gər néɓəlje gə́ ka̰ yoo lé gao ya.

Maktub gə́ wɔji dɔ Jɔb 28:3

Loondul gə́ ndul njudu-njudu lé dəw telee gə́ lookàr ləm, Yeḛ tən loo njal teḛ ne loo gə́ uru’g Saŋg ne kɔri mbalje gə́ d’iya rɔ dee loo gə́ ndul njudu-njudu’g ləm, Gə loo gə́ to rigim’g ləm tɔ.

Maktub gə́ wɔji dɔ Jɔb 3:4

Ndɔ neelé maji karee tel to loondul ləm, Maji kar Ala ə̰ji dɔ’g mee dara’g el ləma, Maji kar lookàr kára kara ndogó dəa’g el ləm tɔ.

Maktub gə́ wɔji dɔ Jɔb 3:6

Mee tilee’g neelé maji kar loondul gə́ ndul njudu-njudu taa gə́ kea̰ el ləm, Maji karee sané pa mee ləb’g ləma, Maji kar dee tura ndɔ neelé mbuna naḭje’g el ŋga ləm tɔ.

Maktub gə́ wɔji dɔ Jɔb 34:22

Loo gə́ ndul njudu-njudu gə́ dəb bigim Gə́ njéra né kori-korije d’askəm k’iya rɔ dee keneŋ lé godo.

Maktub gə́ wɔji dɔ Jɔb 38:17

See tarəwkɔgje lə yoo to tag ari oo wa. See i oo tarəwkɔg lə ndil yoo wa.

Pakɔsje 107:10

Deḛ gə́ d’isi dan loo gə́ ndul’g Gə d’isi ta yoo’g lé Deḛ to ɓərje gə́ d’isi dan nékəmndooje’g gə kúla lar gwɔb dee’g

Pakɔsje 107:14

Yeḛ nja ɓa ɔr dee dan loo gə́ ndul’g gə ta yoo’g ləm, Kula gə́ tɔ dee ne lé Yeḛ gaŋg gwɔb dee’g ya ləm tɔ.

Pakɔsje 23:4

Loo gə́ m’njaa mee wəl-yoo gə́ ndul’g lé ndá M’a ɓəl némajel kára kara keneŋ el Mbata i nja nai səm, Ɗuguru-kag gə kag-ɗugu gə́ to jii’g lé Ar məəm oso ne naŋg po̰.

Pakɔsje 44:19

Meḛ sí ɔs səi ŋgwɔḭ el ləm, Gɔl sí kara uba rəw ləi ya̰ gə goo ŋgalee el ləm tɔ

Esai 9:2

I ar bula lə koso-dəwje ḭ dɔ maree’d gə́ kédé-kédé ləm, I ar dee boo-rɔlelje ləm tɔ, Deḛ ra ne rɔlel nɔḭ’g To gə́ ra ne rɔlel naḭ kinja kó’g bèe ləm, To gə́ d’al ne rɔ dee loo-kai-na̰ nébanrɔ’g bèe ləm tɔ.

Jeremi 13:16

Ulaje rɔnduba dɔ Njesigənea̰, Ala’g lə sí Kédé ɓa gə mba karee ar loondul teḛ ɓəi ləm, Kédé ɓa gə mba kar sí tugaje gɔl sí mbalje gə́ loondul dəb dɔ dee’g ləm tɔ, Seḭ ŋginaje lookàr, Nɛ yeḛ telee gə́ loondul ləm, Yeḛ aree tel to loondul gə́ ndul njudu-njudu ləm tɔ.

Jeremi 2:6

Deḛ dəji ta nee pana: See Njesigənea̰ gə́ ar sí j’undaje loo Mee ɓee gə́ Ejiptə n’teḛje ləm, Yeḛ gə́ ɔr no̰ sí dɔdilaloo’g Gə́ to dɔ naŋg’d gə́ tudu kurum-kurum Gə́ bwaje taa pəl-pəl ləm, Gə́ dɔ naŋg gə́ loo-tudu Gə yoo d’o̰ ɓee keneŋ ləm, Gə́ dɔ naŋg gə́ dəw kára kara Dəs keneŋ el ləma, Dəw kára kara ra ɓee keneŋ el ləm tɔ lé See si ra bèe wa.

Jeremi 4:28

Gelee gə́ nee ɓa ɓee si ne dan kəmndooyoo’g ləm, Loo gə́ dara gə́ tar lé Ndul ne ndiŋ-ndiŋ ləm tɔ. Mbata ma m’pa taree ləm, M’wɔji məəm’g njaŋg ləm, M’a tel gə ndum dɔ’g el ləma, M’a kya̰ gée el ləm tɔ.

Ejekel 30:3

Mbata ndɔ lé aw gə́ nee dəb, ndɔ lə Njesigənea̰ aw gə́ nee dəb ya, to ndɔ gə́ loo dəb rigim, a to kàree lə ginkoji dəwje gə raŋg ya.

Ejekel 34:12

To gə́ njekulbadje tən ne badje ləa soo-soo loo gə́ yeḛ aar mbuna badje’g ləa lé, togə́bè ɓa neḛ kara n’a tel tən dəwje lə neḛ gə́ sanéna̰ ləm, n’a mbo̰ dee gə looje lai gə́ deḛ sanéna̰ keneŋ mee ndəa gə́ mum oso əsé loo dəb bigim lé ləm tɔ.

Joɛl 2:2

To ndɔ ka̰ loo gə́ ndul njudu-njudu Gə loo gə́ dəb bigim ləm, To ndɔ gə́ mum a koso ləm Ndi a kḭ loḭ-loḭ ləm tɔ. Yee ree asəna gə kàr gə́ uba kuji’d Gə́ ar loo àr dɔ mbalje’g bèe. Aa ooje, ginkoji dəwje gə́ bula digi-digi Gə́ to njésiŋgamoŋje Gə́ dəw oo gar dee kédé el ləm, D’a koo gar dee gə́ togə́bè gogo nda̰ el ləm tɔ.

Amɔs 5:8

Yeḛ lé ra kéréméje Gə́ ɓar dee Ŋgama̰dje-gə́-siri gə Bisi-tɔb-talje ləm, Yeḛ ar loo gə́ ndul njudu-njudu lé Tel to loo gə́ a gə kàr ləm, Yeḛ ar lookàr lé kara tel to loondul ləma, Yeḛ ɓar manje mee baa-boo-kad’g Ar dee d’ər dɔ naŋg nee ləm tɔ lé Ria lə Njesigənea̰ ya.

Amɔs 8:10

N’a kar loo-ra-naḭje lə sí tel to gə́ loo-yoo ləm, Pakɔsje lə sí lai a tel to gə́ no̰ yoo ləm, N’a kar sí ulaje kubu-kwa-ndòo reŋ sí’g lai ləma, N’a kar dɔ sí lai àr ŋgori-ŋgori ləm tɔ. N’a kar ɓee neelé wa ndòo To gə́ d’wa ne ndòo lə ŋgon kára lə kea̰ bèe Ndá rudee a to kasəna gə ndɔ meekad mbag-mbag bèe.

Matiyo 4:16

Dəwje neelé gə́ d’isi dan loondul’g lé Deḛ nja d’oo loo gə́ ndogó wər-wər ləm, Deḛ neelé gə́ ndil yoo dəb dɔ dee’g bigim lé Loo un kudu ndogó dɔ dee’g ləm tɔ.

Lugu 1:79

Mba ndogó dɔ dəwje gə́ d’isi loo gə́ ndul njudu-njudu’g Gə d’isi loo gə́ ndil yoo dəb dɔ dee’g bigim ləm, Mba kar sí j’oo loo kila gɔl sí rəw meekulɔm’g lé ləm tɔ.

Tel tura Godndu 4:11

Seḭ awje pər ndá seḭ aarje mbɔr mbal’g. Mbal lé taa pər gəgəgə ar ndo̰ pər lé aw njal teḛ mee dara’g. Loo ndul njudu-njudu ləm, ndi ḭ goḭ-goḭ ləm tɔ.

Ǝbrəje 12:18

Seḭ lé seḭ rəmje pər gə́ mbal gə́ d’askəm kwa peb gə́ taa pər gəgəgə lé el ləm, əsé gə́ ndi gə́ ḭ goḭ-goḭ el ləm, əsé gə́ loo gə́ ndul njudu-njudu el ləma, əsé gə́ lel-boo gə́ ula mbḭ-mbḭ el ləm tɔ.