Maktub gə́ wɔji dɔ Jɔb 3:17 - Maktub gə́ To gə Kəmee

¹⁷ Lée neelé njémeeyèrje ra né keneŋ el ŋga, Lée neelé deḛ gə́ dao gə́ siŋga dee godo lé d’wa rɔ dee keneŋ tɔ,

Maktub gə́ wɔji dɔ Jɔb 3:17 ပူးပေါင်းရင်းမြစ်များ

Maktub gə́ wɔji dɔ Jɔb 14:13

Ǝi, ɓó lé i ndigi kya̰m ɓee’g lə njé gə́ d’wəi Gə mba kudu tam saar kar oŋg ləi dəs ləm, Gə mba kwɔji ndɔ gə́ i a kar məəi olé ne dɔm’g njaŋg ləm tɔ...

Maktub gə́ wɔji dɔ Jɔb 17:16

Yee a kaw tarəwkɔg ɓee’g lə njé gə́ d’wəi, Loo gə́ j’a kwa rɔ sí keneŋ na̰’d dan babur’g lé.

Maktub gə́ wɔji dɔ Jɔb 3:16

Esé lé neelé m’a gə godo, m’a to asəna gə kèm gə́ unda dɔ ləm, M’a to asəna gə ŋganje gə́ d’oo lookàr nda̰ el bèe ləm tɔ.

Maktub gə́ wɔji dɔ Jɔb 3:18

Lée neelé meḛ ɓərje lai to lɔm keneŋ, D’oo ndu njekula kəm loo ndòo keneŋ el,

Njekillamber 4:2

Ma m’oo to gə́ dəwje gə́ d’wəi mba̰ lé Rɔlel lə dee ur dɔ rɔlel lə deḛ gə́ d’isi kəmba ɓəi.

Njekillamber 9:6

Meenoji gə kḛji bəḭ-bəḭ lə dee ləm, Gə kəmkəḭ lə dee ləm tɔ lé tuji mba̰. D’a kiŋga né gə́ wɔji dɔ dee pai bèe Mbuna néje lai gə́ ra dɔ naŋg neelé el ŋga.

Matiyo 10:28

Deḛ gə́ tɔl darɔ sí ɓó d’askəm tɔl kankəmrɔ sí el lé ɓəl deeje el. Yeḛ gə́ askəm tuji kankəmrɔ sí gə darɔ sí na̰’d dan pər’g ɓa ɓəleeje.

Lugu 12:4

Seḭ gə́ toje baokuraje ləm lé ma m’ula sí təsərə: Deḛ gə́ d’askəm tɔl darɔ sí nɛ gée’g gogo ndá d’askəm ra né gə́ raŋg el lé maji kar sí ɓəl deeje el.

Ǝbrəje 4:11

Bèe ndá ar sí j’wa rɔ sí kɔgərɔ mba kandə ne loo-kwa-rɔ’g ləa-yeḛ mba kar dəw kára kara oso to gə́ njékaltaje gə́ kédé lé el.

Ǝbrəje 4:9

Bèe ndá kankəm loo-kwa-rɔ lə dəwje lə Ala gə́ gəd gə́ as ndɔ gə́ njekɔm’g siri lé to gən ya.

2 Piɛrə 2:8

(mbata njemeekarabasur neelé gə́ si mbuna dee’g lé im ne rəa jim-jim wa ne ndòo rəa gə ndəa-ndəa mbata né gə́ yeḛ oo gə kəmee ləm, gə néra yèr gə́ yeḛ oo taree ləm tɔ,)

Loo gə́ killa rea kəm Ja̰’g 14:13

Ma m’oo ndu dəw ɓar dara pana: Maji kam m’ndaŋg ta nee mee maktub’g pana: Un kudee ɓasinè lé deḛ gə́ d’wəi gel Mbaidɔmbaije’g ndá rɔ dee a lel dee ya. Ndil lé pa bèe to pana: Oiyo, mba kar dee d’wa rɔ dee ta kula’g lə dee mbata kula ra dee gə́ maji lé orè goo dee ndəŋ.

1 Samel 28:19

Israɛlje ya kara Njesigənea̰ a kya̰ dee səi na̰’d meḛ jii Pilistije’g. Bèlè ndá i seḭ gə ŋganije a síje səm na̰’d ləm, Njesigənea̰ a kya̰ njérɔje gə́ Israɛl jii Pilistije’g ləm tɔ.