Maktub gə́ wɔji dɔ Jɔb 3:13 - Maktub gə́ To gə Kəmee

¹³ Lé togə́bè el ndá ɓasinè m’a to naŋg ləm, m’a to lɔm ləma, M’a toɓi ləm m’a kwa rɔm na̰’d

Maktub gə́ wɔji dɔ Jɔb 3:13 ပူးပေါင်းရင်းမြစ်များ

Maktub gə́ wɔji dɔ Jɔb 10:21

Kédé ɓa gə mba kam m’ɔd m’aw loo gə́ m’a kḭ keneŋ tel el, To ɓee gə́ loo ndul keneŋ kɔl-kɔl ləm,

Maktub gə́ wɔji dɔ Jɔb 10:22

To ɓee gə́ loo gə́ ndul kɔl-kɔl O̰ ɓee dɔ néra gə́ ndəl-ndəl’g ləm, To loo gə́ lookàr to asəna gə loondul gə́ ndul njudu-njudu keneŋ ləm tɔ.

Maktub gə́ wɔji dɔ Jɔb 14:20

I dum dəa ta-ta ləm, i aree ɔd aw ləma, I ar kəmee tel wagəsa tɔɓəi i tubá ləm tɔ.

Maktub gə́ wɔji dɔ Jɔb 16:22

Mbata rudu ləbje ləm aw lée’g béréré mba̰, M’a kaw gə rəw gə́ m’a gə kḭ keneŋ ree lé el ŋga.

Maktub gə́ wɔji dɔ Jɔb 17:13

Ɓee lə njé gə́ d’wəi ɓa m’unda məəm dɔ’g mba kisi keneŋ, Dan loo gə́ ndul njudu-njudu ɓa m’a gɔl loo-toom keneŋ.

Maktub gə́ wɔji dɔ Jɔb 19:25

Nɛ ma m’gər gao, njekuga dɔm si kəmba ya, Ndɔ gə́ rudu lé ndá yeḛ nja a k’ḭta dɔ naŋg nee tɔ.

Maktub gə́ wɔji dɔ Jɔb 19:27

M’a kée ndá yeḛ a kwam gə́ rəa’g, Kəm-ma nja a kée ɓó kəm dəw gə́ raŋg a kée kulam el. Dɔ ɓəŋgərəm yolé ne məəm’g yolé-yolé mba teḛ ne mee ndəa’g neelé.

Maktub gə́ wɔji dɔ Jɔb 21:13

Ndɔje lə dee dəs dan maji’g, Deḛ d’andə mee ɓee’g lə njé gə́ d’wəi gə́ léegəneeya.

Maktub gə́ wɔji dɔ Jɔb 21:23

Dəw kára wəi loo gə́ yeḛ si gə́ majee ləm, Gə meekulɔm ləma, gə rɔlel ləm tɔ,

Maktub gə́ wɔji dɔ Jɔb 21:26

Deḛ joo bɔr to babur’g ləm, Deḛ joo bɔr tel to nésɔ lə kɔrèje ləm tɔ.

Maktub gə́ wɔji dɔ Jɔb 24:19

To gə́ loo-tudu gə loo-nuŋga njibi mankwɔji njḭ lé Loo-si njé gə́ d’wəi turu deḛ gə́ ra kaiya togə́bè tɔ.

Maktub gə́ wɔji dɔ Jɔb 24:20

Kwii! Ta mbà gə́ odee keneŋ lé mée wəi dɔ’g ləm Korèje ra loo-rɔlel lə dee rəa’g ləma, Meḛ dee olé dəa’g el saar ləm tɔ. Njemeeyèr lé təd njigi-njigi to gə́ kag bèe.

Maktub gə́ wɔji dɔ Jɔb 26:5

No̰ Ala’g lé njé gə́ d’wəi d’unda bala tigi-tigi Gel manje’g loo gə́ d’isi keneŋ.

Maktub gə́ wɔji dɔ Jɔb 26:6

Loo gə́ nea̰’g lé ɓee lə njé gə́ d’wəi to raga ndəgəsə ləm, Ɓul mán lé né gə́ nje ko̰ təa godo ləm tɔ.

Maktub gə́ wɔji dɔ Jɔb 3:12

See gelee ban ɓa d’ɔs kəji dee naŋg taam’g nee ləm, Mbà kɔm to keneŋ am m’ai ləm tɔ wa.

Maktub gə́ wɔji dɔ Jɔb 34:22

Loo gə́ ndul njudu-njudu gə́ dəb bigim Gə́ njéra né kori-korije d’askəm k’iya rɔ dee keneŋ lé godo.

Maktub gə́ wɔji dɔ Jɔb 7:21

See gelee ban ɓa i ar məəi oso lemsé dɔ kaiya’g ləm el ləm, I ar məəi wəi dɔ néra kori-korije’g ləm el ləm tɔ wa. Mbata ɓasinè m’a gə to babur’g. I a saŋgəm nɛ a koom el tɔ.

Njekillamber 9:10

Néje lai gə́ jii iŋga gə mba ra gə siŋgai ndá gə́ ra ya. Mbata kula gə́ ra, əsé kḛji ta, əsé gosonégər, əsé kəmkàr Godo njabaw loo gə́ i si aw gə́ keneŋ lé.

Ejekel 32:27

Njé gə́ tɔl dee mbuna njépole-magəje’g lé to na̰’d gə bao-rɔje el, deḛ d’aw loo-si njé gə́ d’wəi’g gə nérɔje lə dee na̰’d ləm, deḛ gəd dɔ dee gə kiambasje lə dee ləma, ta néra kori-korije lə dee wa dɔ sḭgarɔ deeje. Mbata deḛ to néɓəl-boo gə́ njeboo-néje mee ɓee’g lə njé gə́ d’isi kəmba lé.