Maktub gə́ wɔji dɔ Jɔb 27:9 - Maktub gə́ To gə Kəmee

⁹ See Ala a koo ndu no̰ ləa Loo gə́ nékəmndoo teḛ dəa’g wa.

Maktub gə́ wɔji dɔ Jɔb 27:9 ပူးပေါင်းရင်းမြစ်များ

Pakɔsje 109:7

Loo gə́ d’a gə gaŋg rəwta dəa’g lé ndá Maji kar njegaŋ-rəwta ila ta dəa’g ləm, Maji kar dee d’oo tamaji ləa kara gə́ ta kaiya ləm tɔ.

Pakɔsje 18:41

I ar njéba̰je ləm tel gir dee d’aḭ nɔm’g ləm, Deḛ gə́ d’ḛjim bəḭ-bəḭ kara I am m’tuji dee pugudu-pugudu ləm tɔ.

Pakɔsje 18:42

Deḛ no̰ wəl-wəl nɛ Dəw kára kara gə́ njekaji dee godo! Deḛ no̰ wəl ɓar Njesigənea̰ nɛ Yeḛ kara tel ila dee keneŋ el tɔ.

Pakɔsje 66:18

Ɓó lé m’lɔm dɔ néra gə́ kori-kori məəm’g ndá Mbaidɔmbaije a kam né gə́ m’dəjee lé el.

Gosota-Kəmkàrje 1:27

Loo gə́ néɓəl-boo a biri sí Asəna gə lel-boo bèe ləm, Némeeko̰ a kaḭ dɔ sí sub Asəna gə lel-mal bèe ləma, Loo gə́ néurti gə nékila kúla D’a ɓugu na̰ dɔ sí’g ləm tɔ lé ndá

Gosota-Kəmkàrje 1:28

D’a ɓarm nɛ m’a kila dee keneŋ el ləm, D’a saŋgəm pir-pir nɛ d’a kiŋgam el ləm tɔ.

Gosota-Kəmkàrje 28:9

Ɓó lé dəw kára un mbia rəw dɔ godndu’g ndá Tamaji ləa kara to né gə́ mina̰ tɔ.

Esai 1:15

Loo gə́ seḭ odoje ji sí gə́ tar ndá Ma m’un kəm dɔ’g rəw, Loo gə́ tamajije lə sí d’ɔs goo na̰ goo na̰ kara Ma m’udu mbim dɔ’g tɔ, Məs wa ji sí mbəgə-mbəgə.

Jeremi 11:11

Gelee gə́ nee ɓa Njesigənea̰ pa ne pana: Aa ooje, n’a gə kar nékəmndooje ree dɔ dee’d gə́ d’a kaskəm kɔr rɔ dee keneŋ el. D’a no̰ gə́ rɔ neḛ’g ndá n’a koo ta lə dee el.

Jeremi 14:12

Ɓó lé d’ɔg meḛ dee ɓoo kara n’a koo ndu no̰ lə dee el ləm, əsé lé d’un nékinjanéməsje gə́ ka̰ roo əsé nékarje kara n’a taa el ləm tɔ. Mbata neḛ ndigi tuji dəwje neelé gə kiambas ləm, gə ɓoo-boo ləma, gə yoo-koso ləm tɔ.

Ejekel 8:18

Neḛ kara n’a ra né gə goo boo-oŋg ləm, kəm neḛ a kas ŋgɔgərɔ dɔ dee’g ləma, n’a koo kəmtondoo lə dee nda̰ el ləm tɔ. Loo gə́ d’a no̰ wəl mbi neḛ’g kara n’a kun mbi neḛ rəw dɔ’g ya tɔ.

Ojee 7:14

Deḛ no̰ ɓarm gə meendakaḭ el, Nɛ deḛ no̰ sii mbigi-mbigi loo-to dee’g ba, Deḛ mbo̰ dɔ na̰ gə mba kiŋga kó ləm, Gə mán-nduú gə́ sigi ləm tɔ Ndá deḛ d’unda ne rɔ dee ɓad rɔm’g.

Misee 3:4

Yen ŋga d’a no̰ wəl gə́ rɔ Njesigənea̰’g, Nɛ yeḛ a kila dee keneŋ el. Mee ndəa’g neelé yeḛ a kiya rəa kəm dee’g Mbata néraje lə dee gə́ to kḛji lé.

Jakari 7:13

Yen ŋga Njesigənea̰ gə́ njeboo-néje pa ne njaŋg pana: Loo gə́ neḛ m’ɓar dee ndá Deḛ mbad koo ta lə neḛ. Togə́bè ɓa loo gə́ deḛ ɓar neḛ ndá Neḛ kara neḛ mbad koo ta lə dee tɔ.

Lugu 13:25

Loo gə́ njekəi lé a kuba naŋg kḭ tar gə mba kudu takəi ɓa seḭ a naije raga ndá a kunje kudu kundaje tabidi rəw-kəi, a pajena: Mbai, mbai, ɔr rəw ar sí. Nɛ yeḛ a kila sí keneŋ pana: Ma m’gər loo gə́ seḭ ḭje keneŋ el.

Tagə́maji gə́ Ja̰ ndang 9:31

Jeḛ n’gər gao, Ala udu mbia dɔ tamaji lə njékaiyaje ya, nɛ nana ɓa ɓó lé yeḛ ila ne riɓar dəa’g ləm, ra torndia ləm tɔ ndá yeḛ taa ta ləa rəgm ya.

Tel tura Godndu 1:45

Loo gə́ seḭ telje reeje ndá seḭ no̰je dɔ Njesigənea̰’g, nɛ Njesigənea̰ oo ndu no̰ lə sí el ləm, un mbia dɔ’g rəw ləm tɔ.

Maktub gə́ Jak ula ne ar ngan-Allaje 4:3

Seḭ kwɔiyeeje nɛ seḭ iŋgaje el mbata seḭ kwɔiyeeje kəmee’g el, seḭ kwɔiyeeje gə mba tɔl ne malee gə́ ra sí ɓa.