Maktub gə́ wɔji dɔ Jɔb 24:5 - Maktub gə́ To gə Kəmee

⁵ Aa oo, deḛ to d’asəna gə mulayḛ̀je-je gə́ wala bèe Gə́ teḛ gə ndɔ rad d’aw mba saŋg nékulrɔ dee, Dɔdilaloo ya ɓa gə́ loo-kiŋga-muru keneŋ mbata lə ŋgan deeje.

Maktub gə́ wɔji dɔ Jɔb 24:5 ပူးပေါင်းရင်းမြစ်များ

Gḭ-Néje 16:12

Yeḛ a to kasəna gə mburje bèe. Jia a rɔ gə dəwje lai ləm, dəwje lai kara ji dee a rɔ səa ləm tɔ. Yeḛ a si gə kəmee ɓəd mbuna ŋgakea̰je’g lai.

Gḭ-Néje 27:40

Mbɔl dɔ kiambas ləi ɓa i a si ne kəmba ləm, I a ra ɓər lə ŋgokɔḭ ləm tɔ. Nɛ loo gə́ i a kila tar gə́ yo gə́ nee Ndá i a təd néməməna̰ ləa gwɔsi’g.

Maktub gə́ wɔji dɔ Jɔb 12:6

Meelɔm to mee kəi’g lə njétujilooje ləm, Si gə́ majee to mbata deḛ gə́ d’unda Ala ɓad ləma, Mbata dəw gə́ ar siŋgamoŋgee to magə ləa ləm tɔ.

Maktub gə́ wɔji dɔ Jɔb 24:14

Njetɔl dəw uba naŋg ḭ loo gə́ loo si àr Ndá yeḛ tɔl njenékəmndoo ləm, gə njendoo ləma Loondul ndá yeḛ to njeɓogo ləm tɔ.

Maktub gə́ wɔji dɔ Jɔb 24:6

Deḛ d’ɔr moroje gə́ mee ndɔ’g ləm, Deḛ tḭja kandə nduúje lə njemeeyèr ləm tɔ.

Maktub gə́ wɔji dɔ Jɔb 5:5

Njéɓooje d’o̰ kó ləa mbad-mbad Saar teḛ mee kunje’g ləm, Dəwje gə́ malee o̰ meḛ dee lém-lèm lé Turu némajije ləa meḛ dee’g mag-mag ləm tɔ.

Pakɔsje 104:23

Dəw lé unda loo teḛ aw loo-kula’g ləa Ndá yeḛ ra kula saar kàr ur naŋg dəa’g.

Gosota-Kəmkàrje 4:16

Mbata deḛ toɓi el ya saar njen Ra né gə́ majel ya ɓa, Ɓi oso kəm dee’g el ya saar njen D’ar dəw kára oso ya ɓa tɔ,

Jeremi 2:24

Seḭ toje asəna gə ko̰-mulayḛ̀je-je Gə́ gərje loo gə́ dɔdilaloo’g maji ləm, Gə́ awje ndəŋ-ndəŋ goo malee Gə́ ra sí lé ləm tɔ, See na̰ ɓa a kɔg sí dɔ malee Gə́ ra sí lé wa. Deḛ lai gə́ saŋg sí lé D’iŋga sí kalaŋ lal dao ləm, Deḛ d’iŋga sí mee naḭyee’g Gə́ wɔji dɔ sí ya ləm tɔ.

Ojee 7:6

Deḛ d’o̰ njuma̰ na̰ D’ar meḛ dee nuŋga to gə́ bwa-bṵda bèe. Oŋg lə dee toɓi loondul’g saar ndá Teḛ gə ndɔ rad lé yḛ́ saar mbudu bib o̰ tɔ.

Ojee 8:9

Mbata deḛ d’ḭ d’aw Asiri To gə́ mburje gə́ unda rəa ŋgərəŋ bèe, Eprayimje lèbè kəm dee gə nékar Mba kwa ne sə dee baokura.

Misee 2:1

Meeko̰ a koso dɔ deḛ gə́ la̰ji tor néra gə́ kori-kori meḛ dee’g D’wa dɔ gɔlee jəb dɔ tira-to dee’g! Loo gə́ loo àr yərərə ndá d’aw ra née Loo gə́ d’ɔm siŋgamoŋ rəa lé ji dee’g tɔ.

Soponi 3:3

Mbaije gə́ d’isi keneŋ lé To d’asəna gə toboḭje gə́ d’inja miḭ hər-hər bèe, Njégaŋ-rəwtaje ləa to d’asəna gə jagmjərje gə́ kàrkemetag Gə́ d’ya̰ né d’ar loo àr dɔ’g el bèe ləm tɔ.

Tagə́maji gə́ Ja̰ ndang 18:28

Deḛ d’ḭ gə Jeju ɓee lə Kayipə d’aw səa kəi-mbai lə njeguburuɓee teḛ gə ndɔ rad ya. Deḛ d’ila gɔl dee kəi-mbai lə njeguburuɓee lé el nà rɔ dee a mina̰ ne ɓa a kɔg dee ne loo sɔ né Pag ya.

Néra Njékaḭkulaje 23:12

Loo gə́ loo àr ndá Jibje tɔs dɔ na̰ dér-dér manrɔ dee bər-bər pana: N’a sɔje né el ləm, n’a kaije né el ləm tɔ saar n’a tɔlje Pool ya ɓa.