Maktub gə́ wɔji dɔ Jɔb 24:1 - Maktub gə́ To gə Kəmee

¹ See gelee ban ɓa Bao-siŋgamoŋ unda ndɔ gaŋg-rəwta kul el wa See gelee ban ɓa deḛ gə́ gəree lé gər ndɔje ləa neelé el wa.

Maktub gə́ wɔji dɔ Jɔb 24:1 ပူးပေါင်းရင်းမြစ်များ

Gḭ-Néje 18:17

Tɔɓəi Njesigənea̰ pana: Né gə́ ma m’wɔji-kwɔji ra lé see m’a kiya dəa gə Abrakam wa.

Gḭ-Néje 7:4

Mbata nai ndɔ siri ndá m’a kar ndi ər dɔ naŋg nee dan kàrá gə loondul’g as ndɔ rɔ-sɔ tɔɓəi m’a tuji nékundaje lai gə́ ma m’unda dee dɔ naŋg neelé ya.

Maktub gə́ wɔji dɔ Jɔb 15:20

Njemeeyèr lé nja dan néɓəŋgərəti’g gə ndɔje lai gə́ yeḛ si ne kəmba ləm, Ləbje lai gə́ wɔji dɔ njera né gə́ kərm-kərm lé to lam ba ləm tɔ.

Pakɔsje 31:15

Nɛ i nja ɓa m’ɔm məəm dɔi’g, əi Njesigənea̰! Ma m’pana: I to Ala ləm.

Pakɔsje 36:10

Mbata kisi kəmba lé ginee ḭ rɔi’g, Mbɔl dɔ lookàr ləi lé ɓa jeḛ j’oo ne lookàr ya tɔ.

Pakɔsje 9:10

Njesigənea̰ lé to njo̰loo lə dee gə́ d’orè dɔ dee naŋg ləm, Yeḛ to njo̰loo lə deḛ gə́ néurti teḛ dɔ dee’g ləm tɔ.

Njekillamber 3:17

Ma m’pa məəm’g m’pana: Ala a gaŋg rəwta dɔ njera né gə́ gə dɔ najee ləm, gə dɔ njemeeyèr’g ləm tɔ, mbata néje lai ləm, gə kulaje lai ləm tɔ lé ndəa gə́ wɔji dɔ dee dɔ dee to keneŋ ya.

Esai 2:12

Mbata ndɔ lə Njesigənea̰ lə bao-rɔje to keneŋ Gə mba karee gaŋg ne ta dɔ dəw gə́ rara’g Gə́ to njebeelé gə njeti rəa ləm, Mba karee gaŋg ne ta dɔ dəw gə́ rara’d Gə́ unda dəa tar lé karee ula dəa ləm tɔ,

Esai 60:22

Yeḛ gə́ lam ba ɓa a tel to koso-dəwje gə́ tɔl-dɔg-dɔg (1.000) ləm, Yeḛ gə́ gɔ a tel to dəwje gə́ njésiŋgamoŋje ləm tɔ. Ma Njesigənea̰ m’a kɔs kudu néje neelé Mee ndəaje gə́ wɔji dɔ dee lé.

Jeremi 46:10

Ndɔ gə́ ɓogənè to ndɔ lə Mbaidɔmbaije, Njesigənea̰ gə́ njeboo-néje, Ndɔ neelé to ndɔ dalba̰, Areeje dal ne ba̰ gə njéba̰je ləa. Kiambas sɔ né aree asee nag-nag ləm, Yee ai məs dee ndan tub-tub ləm tɔ. Mbata deḛ to nékinjanéməsje Le Mbaidɔmbaije gə́ Njesigənea̰ gə́ njeboo-néje Mee ɓee gə́ dɔgel ləm, Gə dɔ koŋgo baa-boo gə́ Epratə ləm tɔ.

Loo gə́ killa rea kəm Daniel’g 2:21

Yeḛ nja ɓa ar ndɔje gə néje gə́ d’a gə teḛ lé Tel to ne ɓəd ləm, Yeḛ ɓugu mbaije naŋg əsé unda dee tar ləma, Njékəmkàrje kara yeḛ ar dee gər gin né ya ləm tɔ.

Abdias 1:15

Mbata ndɔ lə Mbaidɔmbaije lé nai dəb mbata ginkoji dəwje gə raŋg lai, Ndá gə goo néra sí lé ɓa D’a tel ra ne sə sí-seḭ bèe ya tɔ. Bèe ndá bo̰ néra síje d’a kɔs ta sí’g bɔsɔrɔ. Israɛlje d’a dal ba̰ dɔ Edɔmje’g.

Soponi 1:7

Maji kar sí sije gə ta sí gə́ mundu no̰ Mbaidɔmbaije gə́ Njesigənea̰’g! Mbata ndɔ lə Njesigənea̰ nai dəb ba ŋga ləm, Mbata Njesigənea̰ wa dɔ gɔl nékinjaməs ləma, Yeḛ mbər njé gə́ yeḛ a gə ɓar dee lé ləm tɔ.

Matiyo 24:38

Mbata mee ndəaje gə́ kédé ɓa mán bélm taa ne loo ɓəi lé dəwje d’usɔ gə d’ai ləm, diŋgamje gə denéje taa na̰ ləma, ŋgan deeje kara taa na̰ ləm tɔ saar Noe ḭ ne kág uru ne mee bato’g,

Tagə́maji gə́ Ja̰ ndang 17:3

Gər ndaai-i Ala gə́ gəd kára ba kiao ləm, gə gər ndaa Jeju Kristi gə́ i ulá lé yee ɓa gə́ kəmə gə́ gə no̰ lé ya.

Néra Njékaḭkulaje 1:7

Yeḛ tel ila dee keneŋ pana: Bɔm nja wɔji ndəa gə kàree to gə́ mée ndigi ɓó to ta lə sí-seḭ ɓa gə mba gər ndəa əsé kàree el.

Néra Njékaḭkulaje 17:26

Məs dəw kára ba ya yeḛ unda ne ginka dəwje gə́ loo-loo ləm, yeḛ wɔji ne loo-si dee si dee dɔ naŋg nee ləm tɔ. Yeḛ wɔji ləb si dee si dee ləm, gə rəw-nim ɓeeje lə dee ləm tɔ.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

1 Njé gə́ Tesalonikə 5:1

Ŋgako̰ síje, ta gə́ wɔji dɔ ndəa gə kàree lé seḭ awje ndòo maktubee el.

1 Timote 4:1

Ndil ɓa riba dəa təsərə pana: Ndəaje gə́ rudee a gə kun ɗiao lé njé gə́ na̰je d’a tusu meekun lə dee kya̰ mba kwa goo ndilje gə́ njésutaje ləm, mba kula rɔ dee mbiriri dɔ ta’g lə ndilje gə́ yèr ləm tɔ.

1 Timote 6:15

Mee ndəa gə́ wɔji dəa lé Ala gə́ dəa ai səgərə gə́ to Bao-siŋgamoŋ kára ba kiao ləm, gə to Mbai dɔ mbaije ləma, gə to Mbaidɔmbaije ləm tɔ lé a rab Kristi lé gə́ raga.

2 Piɛrə 2:3

Meeyèr gə́ meḛ dee’g lé ndam godo, yee ɓa, d’a sɔ sí ne gə taŋgɔmje lə dee ya. Deḛ lé gaŋg rəwta dɔ dee’g ləw ba lé to dɔ dee’g keg ɓəi ar tuji ya̰ dee ne gə goo ŋgalee el nja saar.