Maktub gə́ wɔji dɔ Jɔb 22:9 - Maktub gə́ To gə Kəmee

⁹ I tuba njékəisiŋgaje ji dee kari kari-kari ləm, I təd ji ŋganalje pal-pal ləm tɔ.

Maktub gə́ wɔji dɔ Jɔb 22:9 ပူးပေါင်းရင်းမြစ်များ

Maktub gə́ wɔji dɔ Jɔb 24:21

Yeḛ neelé tɔr né rɔ dené kawkad gə́ lal koji ŋganje ləm, Yeḛ ra maji kára kara gə njekəisiŋga el ləm tɔ.

Maktub gə́ wɔji dɔ Jɔb 24:3

Deḛ d’wa mulayḛ̀je lə ŋgonal ləm, Deḛ d’wa bɔ maŋg lə njekəisiŋga ɓaŋg ləm tɔ.

Maktub gə́ wɔji dɔ Jɔb 31:21

Ɓó lé m’un jim m’ɔs ne ŋgonal rəw Mbata ma m’oo to gə́ njégaŋ-rəwtaje d’a gədm keneŋ ndá

Maktub gə́ wɔji dɔ Jɔb 6:27

Seḭ raje tḛ́ dɔ ŋgonal’g ləm, Seḭ ndogoje kuramar síje ləm tɔ.

Pakɔsje 10:15

Maji kari guru kag ji njemeeyèr lé Ar bo̰ nérea gə́ yèr ɔs təa’g ləm, Aree sané kəmi’g pá ləm tɔ.

Pakɔsje 37:17

Mbata njémeeyèrje lé Kag ji dee a təd njigi-njigi Nɛ Njesigənea̰ lé Gəd njémeekarabasurje ya.

Pakɔsje 94:6

Njekəisḭga gə dəw-dɔ-ɓee lé Deḛ goré gwɔb dee ləm, Ŋganalje lé kara Deḛ kunda dee vaga-vaga tɔl dee ya ləm tɔ.

Esai 1:17

Ndooje loo ra né gə́ maji ləm, Ndolèje goo néra gə́ gə dɔ najee ləm, Aaje dɔ yeḛ gə́ d’ula kəmee ndòo ləm, Ɔrje kəmta lə ŋgonal gə goo rəbee ləma, Aḭje bada dɔ njekəisiŋga’g ləm tɔ.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Esai 10:2

Yee ɓa deḛ mbad gaŋg ne rəwta Le njéndooje gə goo rəbee ləm, Né gə́ kəm kar deḛ gə́ kəm dee to ndòo Mbuna dəwje’g ləm d’iŋga lé Deḛ nar sə dee ləm, Deḛ taa nékiŋgaje lə njékəisiŋgaje ləma, D’unda ŋganalje gə́ néɓogo lə dee ləm tɔ.

Jeremi 48:25

Siŋgamoŋ lə Moab tuji ləm, Deḛ təd jikɔlee ləm tɔ. Njesigənea̰ ɓa pa bèe.

Ejekel 22:7

Loo gə́ mee ɓee-boo’g ləi lé dəwje d’ə̰ji bɔ deeje gə ko̰ deeje bəḭ-bəḭ ləm, d’ula kəm dəw-dɔ-ɓee ndòo ləma, deḛ buguru ŋgonal gə njekəisiŋga ləm tɔ.

Ejekel 30:22

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa oo, neḛ n’aw gə Parao̰, mbai gə́ Ejiptə gə ta ndá n’a təd kag jia gə́ to maji ləm, gə yee gə́ təd kédé lé ləm tɔ tɔɓəi n’a kar kiambas gə́ jia’g oso naŋg.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

Matiyo 23:14

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ rumje néje lə njékəisiŋgaje mbad-mbad ndá tel ləbje kəm dee gə ndukwɔi lé gə ta gə́ pa kɔm na̰ rib-rib, néra sí gə́ togə́bè lé taree a ndər dɔ sí’g di-di ya.

Tel tura Godndu 27:19

Meeko̰ a koso dɔ dəw gə́ buguru dəw-dɔ-ɓee əsé ŋgonal əsé njekəisiŋga loo-gaŋg-rəwta’g. Ndá koso-dəwje lai d’a kila dee keneŋ pana: A to togə́bè ya!