Maktub gə́ wɔji dɔ Jɔb 22:30 - Maktub gə́ To gə Kəmee

³⁰ Dəw gə́ ta wa dəa ya kara yeḛ a kilá tar ləm, Mbɔl dɔ jii gə́ àr ŋgad-ŋgad lé ɓa yeḛ a kɔri ne ləm tɔ.

Maktub gə́ wɔji dɔ Jɔb 22:30 ပူးပေါင်းရင်းမြစ်များ

Pakɔsje 18:20

Yeḛ am m’ila rɔm rəs ləm, Yeḛ ajim ləm tɔ mbata yeḛ lé undam dan kəmee’g.

Néra Njékaḭkulaje 27:24

ndá yeḛ ulam pana: Pool, maji kam m’ɓəl el, lé riri kara m’a gə kaar no̰ Sesar’g ya tɔɓəi aa oo, deḛ lai gə́ d’aw səm mee bato’g lé kara Ala ɔm dee jim’g yəg ya.

Malasi 1:9

Ɓasinè lé maji kar sí raje tamaji ta Ala’g lé mba karee oo kəm sí lootondoo’g ya! To seḭ ya ɓa né gə́ togə́bè lé ḭ rɔ sí’g. See yeḛ a kwa sí gə́ rəa’g gə meendakaḭ wa. Njesigənea̰ gə́ njeboo-néje lé ɓa dəji sí togə́bè.

Jeremi 5:1

Awje gə́ mba̰-rəwje ɓəd-ɓəd Mee ɓee gə́ Jerusalem, Aaje loo ooje ləm, dəjije na̰ ləma, Saŋje ndaa-looje ləa ləm tɔ, Ɓó lé seḭ iŋgaje dəw kára keneŋ Gə́ to njera nédana Gə́ ɔm na̰’d gə kankəmta, Ɓó lé dəw gə́ bèe si keneŋ ndá M’a kar məəm oso lemsé dɔ njé gə́ Jerusalem’g ya.

Esai 58:12

Njé’g ləi d’a kunda kəi Dɔ gineje gə́ ləw gə́ tuji’g ləm, I a gɔl gineje gə́ ləw karee ḭtar gogo ləm tɔ. D’a ɓari njegɔl kəm ndògo-bɔrɔje gə́ ta̰ ləm, Gə yeḛ gə́ njegɔl rəwje ləma, Gə yeḛ gə́ gɔl ɓee ar dəwje D’isi keneŋ ləm tɔ.

Pakɔsje 24:4

Yeḛ gə́ jia àr ŋgad-ŋgad gə mée ndá londoŋ lé Yeḛ nja ɓa a kḭ kaw keneŋ, Yeḛ gə́ taŋgɔm tibi mbɔree el ləm, Yeḛ ubu rəa ər ne kəm loo el ləm tɔ.

1 Timote 2:8

Yee ɓa, ma m’ndigi kar dəwje ra tamaji gə loo lai, ɓó gə d’odo ne ji dee gə́ àr ŋgad-ŋgad par gə́ dara, lal oŋg ləm, gə lal kɔl ləm tɔ.

Esai 1:15

Loo gə́ seḭ odoje ji sí gə́ tar ndá Ma m’un kəm dɔ’g rəw, Loo gə́ tamajije lə sí d’ɔs goo na̰ goo na̰ kara Ma m’udu mbim dɔ’g tɔ, Məs wa ji sí mbəgə-mbəgə.

Maktub gə́ wɔji dɔ Jɔb 17:9

Lé bèe kara njera nédana aar njaŋg dɔ rəw-kabee’g ləm, Yeḛ gə́ njiá àr ŋgad-ŋgad lé siŋgá ḭ dɔ maree’d gə́ kédé-kédé ləm tɔ.

Maktub gə́ wɔji dɔ Jɔb 23:1

Jɔb tel ilá keneŋ pana:

Pakɔsje 24:3

See na̰ ɓa askəm tuga dɔ mbal lə Njesigənea̰ wa. Esé see na̰ ɓa a kḭ kaw saar teḛ ne loo ləa gə́ to gə kəmee lé wa.

Maktub gə́ wɔji dɔ Jɔb 42:9

Elipaj, dəw gə́ Teman ləm, gə Bildad, dəw gə́ Sua ləma, gə Sopar, dəw gə́ Naaman ləm tɔ lé, d’aw ra to gə́ Njesigənea̰ ula dee lé, ndá Njesigənea̰ oo tamaji ra lə Jɔb lé ya tɔ.