Maktub gə́ wɔji dɔ Jɔb 2:9 - Maktub gə́ To gə Kəmee

⁹ Dené ləa dəjee pana: See i aar njaŋg dɔ néra gə́ gə goo rəbee ləi ya ɓəi wa. Maji kari ila ndɔl dɔ Ala’g lé wəi ne.

Maktub gə́ wɔji dɔ Jɔb 2:9 ပူးပေါင်းရင်းမြစ်များ

Gḭ-Néje 3:12

Diŋgam lé tel ilá keneŋ pana: Dené gə́ i am mba karee nai səm lé ɓa am kandə kag neelé ndá m’usɔ ya.

Gḭ-Néje 3:6

Dené lé oo to gə́ kag lé to maji kəm sɔ ləm, taa kəmee rəgm ləma, to maji kəm kar dee gosɔkəmkàr ləm tɔ ndá yeḛ ti ka̰dee sɔ. Tɔɓəi yeḛ ya̰ ar ŋgabeeje gə́ aar mbɔree’g ndá yeḛ sɔ səa tɔ.

1 Mbaije 11:4

Loo gə́ Salomo̰ ɓuga ndá denéje ləa tel mée gə́ dɔ magəje’g ndá yeḛ ar mée to kára ba sur dɔ Njesigənea̰, Ala’g lé ləa to gə́ bɔbeeje gə́ Dabid bèe lé el ŋga.

2 Mbaije 6:33

Yeḛ ar pata ar dee ya ɓəi ndá léegəneeya njekula lé ree rəa’g ulá pana: Aa oo, tuji neelé ḭ rɔ Njesigənea̰’g ŋga see ɗi tɔɓəi ɓa m’a kunda ne məəm yel dɔ Njesigənea̰’g gə mbəa ɓəi wa.

Maktub gə́ wɔji dɔ Jɔb 1:11

Nɛ maji kari ula jii ndiŋ ɔrɔ ne rɔ né gə́ to kea̰ oo ndá ma m’gər gao to gə́ yeḛ a kila ndɔl dɔi’g kəmi’g nee ya.

Maktub gə́ wɔji dɔ Jɔb 2:10

Nɛ Jɔb tel ilá keneŋ pana: I pata asəna gə mbə-dené bèe. Mba ɗi ɓa j’iŋga né gə́ maji rɔ Ala’g lé ndá see j’a taa né gə́ majel to el wa. Gə goo néje lai lé Jɔb ra ne kaiya gə taje gə́ teḛ təa’g el.

Maktub gə́ wɔji dɔ Jɔb 2:3

Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè lé godo dɔ naŋg nee. Yeḛ to dəw gə́ njera né gə́ gə goo rəbee ləm, gə njenéra gə́ danasur ləm tɔ. Yeḛ ɓəl Ala ləm, unda ne rəa ɓad dɔ néra gə́ majel’g ləm tɔ. Yeḛ aar njaŋg dɔ néra ləa gə́ gə goo rəbee ya. Ndá i ɔsm ɓɔḭ-ɓɔḭ mba karm m’tujee kari ba lal né gə́ bèe.

Maktub gə́ wɔji dɔ Jɔb 2:5

Nɛ maji kari un jii ɔrɔ ne siŋgarea gə darəa oo ndá ma m’gər gao to gə́ yeḛ a kila ndɔl dɔi’g kəmi’g nee ya.

Maktub gə́ wɔji dɔ Jɔb 2:8

Togə́bè Jɔb un seŋgəre ŋgə ne rəa ləm, si ne dan bu’g ləm tɔ.

Ləbije 24:11

Dəw gə́ kea̰je to dəw gə́ Israɛl lé pata ndɔl ne ri Ala ula ne sul dəa’g tɔ. Deḛ d’aw səa rɔ Moyis’g. Kea̰je ria lə Selomit, ŋgolə Dibri gə́ to ginkoji’g lə Dan.

Malasi 3:14

Tapa sí ɓa nee: Ra kula kar Ala to né gə́ kari ba. Koji gə́ seḭ ilaje dɔ torndumje’g lé əsé njaa gə́ seḭ njaaje gə kəmndoo mbata lə Njesigənea̰ gə́ njeboo-néje lé see ɗi ɓa seḭ iŋgaje keneŋ wa.

Njéga̰g-Rəwtaje 14:17

Yeḛ no̰ dəa’g as ndɔ siri loo gə́ deḛ d’isi loo-ra-naḭ’g lé, ndá ndɔ gə́ njekɔm’g siri lé yeḛ ɔr gelee aree mbata yeḛ jɔgee yaa̰. Ndá dené lé aw riba dɔ gosota né gə́ to loo-kiya’g lé ar dəwje ləa.