Maktub gə́ wɔji dɔ Jɔb 2:4 - Maktub gə́ To gə Kəmee

⁴ Yen ŋga Njekurai tel ila Njesigənea̰’g pana: Ndar rɔ tɔ ndar rɔ tɔ. Néje lai gə́ dəw iŋga lé yeḛ un ar mba kuga ne darəa ya.

Maktub gə́ wɔji dɔ Jɔb 2:4 ပူးပေါင်းရင်းမြစ်များ

Gḭ-Néje 47:17

Deḛ ree gə nékulje lə dee rɔ Jisəb’g ndá Jisəb ar dee nésɔje tor kundaje’g ləm, gə koso-badje gə koso-maŋgje’g ləma, gə tor mulayḛ̀je-je’g ləm tɔ. Mee ləbee gə́ neelé yeḛ aji dee gə nésɔ tor nékulje’g lə dee ya.

Gḭ-Néje 47:19

Mbata ɗi ɓa j’a kwəije ne nɔḭ’g, jeḛ ləm, gə dɔ naŋg lə sí ləm tɔ bèe wa. Maji kari ndogo síje gə dɔ naŋg lə sí na̰’d tor nésɔ’g ndá j’a to ka̰ Parao̰ ya, jeḛ ləm, gə ndɔje lə sí ləm tɔ. Ar sí kandə né gə́ ka̰ dubu mba kar sí j’isije ne kəmba ɓó j’wəije ne el ləm, ar dɔ naŋg lə sí tuji ne el ləm tɔ.

1 Mbaije 20:31

Kuraje ləa d’ulá pana: Aa oo, jeḛ j’oo to gə́ mbaije lə Israɛlje lé to mbaije gə́ njémeekoso ləmséje. Bèe ndá j’a tɔ kubu-kwa-ndòo reŋ sí’g ləm, j’a tɔ dɔ sí gə kúla ləm tɔ ndá j’a teḛ kaw rɔ mbai lə Israɛlje’g, banelə yeḛ a kya̰’i kəmba.

Maktub gə́ wɔji dɔ Jɔb 2:3

Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè lé godo dɔ naŋg nee. Yeḛ to dəw gə́ njera né gə́ gə goo rəbee ləm, gə njenéra gə́ danasur ləm tɔ. Yeḛ ɓəl Ala ləm, unda ne rəa ɓad dɔ néra gə́ majel’g ləm tɔ. Yeḛ aar njaŋg dɔ néra ləa gə́ gə goo rəbee ya. Ndá i ɔsm ɓɔḭ-ɓɔḭ mba karm m’tujee kari ba lal né gə́ bèe.

Maktub gə́ wɔji dɔ Jɔb 2:5

Nɛ maji kari un jii ɔrɔ ne siŋgarea gə darəa oo ndá ma m’gər gao to gə́ yeḛ a kila ndɔl dɔi’g kəmi’g nee ya.

Gosota-Kəmkàrje 13:8

Nébao lə dəw tel to nékoga dɔ rəa, Nɛ njendoo lé Oo né kára gə́ d’a kaw ne səa gə́ tar el.

Jeremi 41:8

Nɛ dəwje dɔg mbuna dee’g lé d’ula Ismael pana: Maji kari tɔl sí el mbata nḛ́gəmrɔje gə́ to kó-wa, gə kó-ɔrj, gə ubu, gə ubu-tḛji lé jeḛ j’iya mee wala’g. Yen ŋga yeḛ ya̰ dee ɓó tɔl dee gə ŋgako̰ deeje lé na̰’d el.

Matiyo 16:26

Lé dəw a kiŋga nékiŋgaje gə́ dɔ naŋg nee lai ya nɛ kankəmrea igi yɔm ndá see nékiŋga ɓa nee wa. Esé see ɗi ɓa dəw neelé a kun kuga ne kankəmrea taa wa.

Matiyo 6:25

Bèe ɓa ma m’ula sí, arje meḛ sí pélé wəs-wəs dɔ rɔ sí’g el ləm, gə dɔ nésɔ sí əsé dɔ nékṵ rɔ sí’g el ləm tɔ. See si kəmba lə sí ur dɔ nékusɔ’g el wa. See darɔ sí ur dɔ kubu-kula-rɔ sí’g el wa.

Lugu 12:23

Mbata si kəmba lə sí ur dɔ nékusɔ’g ləm, darɔ sí kara uru dɔ néko̰ rɔ sí’g ləm tɔ.

Jujé 9:24

Deḛ d’ila Juje keneŋ pana: Dəwje ndaji ta d’ar kuraje ləi d’oo ndukun gə́ Njesigənea̰, Ala ləi ar Moyis gə́ to kura ləa mba kya̰ ɓee neelé lai ji sí’g ləm, gə mba tuji deḛ lai gə́ d’isi keneŋ no̰ sí’g ləm tɔ ndá ree lə sí neelé ɔm ɓəl-boo dɔ sí’g mbata kwəi gə́ j’a gə kwəi lé: gelee gə́ nee ɓa jeḛ n’raje ne sə sí bèe gə mbəa.