Maktub gə́ wɔji dɔ Jɔb 2:3 - Maktub gə́ To gə Kəmee

³ Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè lé godo dɔ naŋg nee. Yeḛ to dəw gə́ njera né gə́ gə goo rəbee ləm, gə njenéra gə́ danasur ləm tɔ. Yeḛ ɓəl Ala ləm, unda ne rəa ɓad dɔ néra gə́ majel’g ləm tɔ. Yeḛ aar njaŋg dɔ néra ləa gə́ gə goo rəbee ya. Ndá i ɔsm ɓɔḭ-ɓɔḭ mba karm m’tujee kari ba lal né gə́ bèe.

Maktub gə́ wɔji dɔ Jɔb 2:3 ပူးပေါင်းရင်းမြစ်များ

Gḭ-Néje 6:9

Aa ooje, ŋgaka Noe ɓa to nee. Noe lé to nje néra gə́ danasur ləm, gə njegelgodo ləm tɔ mee ndɔje gə́ yeḛ si ne kəmba lé ya, Noe lé aa dɔ ta lə Ala kər-kər tɔ.

2 Samel 20:20

Joab tel ilá keneŋ pana: Wah, takə̰ji tuji ɓee-boo karee godo lé ma m’ə̰ji bèe el.

Maktub gə́ wɔji dɔ Jɔb 1:1

Dəw kára ria lə Jɔb si mee ɓee gə́ Uts. Dəw neelé to njera né gə goo rəbee ləm, gə njenéra gə́ danasur ləm tɔ. Yeḛ ɓəl Ala ləm, yeḛ unda ria ɓad dɔ néra gə́ majel’g ləm tɔ.

Maktub gə́ wɔji dɔ Jɔb 1:11

Nɛ maji kari ula jii ndiŋ ɔrɔ ne rɔ né gə́ to kea̰ oo ndá ma m’gər gao to gə́ yeḛ a kila ndɔl dɔi’g kəmi’g nee ya.

Maktub gə́ wɔji dɔ Jɔb 1:6

Yen ŋga ndɔ kára bèe kuraje lə Ala gə́ dara ree d’aar nea̰’g ndá Njekurai kara ree aar dan dee’g tɔ.

Maktub gə́ wɔji dɔ Jɔb 1:8

Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè godo dɔ naŋg nee. Yeḛ to njera né gə́ gə goo rəbee ləm, gə njenéra gə́ danasur ləm tɔ, yeḛ ɓəl Ala ləm, unda ne rəa ɓad dɔ néra gə́ majel’g ləm tɔ.

Maktub gə́ wɔji dɔ Jɔb 13:15

Aa oo, yeḛ a tɔlm, nékṵdamee-yel dɔ’g ləm godo, Nɛ nea̰-yeḛ’g lé m’a kɔr ta gə́ wɔji dɔ panjaam ya.

Maktub gə́ wɔji dɔ Jɔb 2:2

Njesigənea̰ dəji Njekurai pana: See i ḭ ra wa. Ndá Njekurai ila Njesigənea̰’g pana: M’ḭ loo gugu’d dɔ naŋg nee ləm, gə loo njaa keneŋ ləm tɔ.

Maktub gə́ wɔji dɔ Jɔb 2:4

Yen ŋga Njekurai tel ila Njesigənea̰’g pana: Ndar rɔ tɔ ndar rɔ tɔ. Néje lai gə́ dəw iŋga lé yeḛ un ar mba kuga ne darəa ya.

Maktub gə́ wɔji dɔ Jɔb 9:17

Mbata yeḛ gə́ rədm dan lel-boo’g ləm, Ar dooje to rɔm’g mbərərə lal né gə́ bèe ləm,

Maktub gə́ wɔji dɔ Jɔb 9:20

Lé m’to njera né gə́ gə dɔ najee kara tam a kila ta dɔm’g ya, Lé ta wa dɔm el kara yeḛ a koom gə́ dəw gə́ ta wa dəa ya tɔ.

Pakɔsje 26:1

Pakɔs lə Dabid. Njesigənea̰, maji kari gaŋgta ləm gə goo rəbee Mbata m’njaa gə goo rəw gə́ to gə dɔ najee. Ma m’ɔm məəm dɔ Njesigənea̰’g Bèe ndá m’a kunda ndolé nda̰ el.

Pakɔsje 37:37

Maji kari orè kəmi sḭ dɔ yeḛ gə́ to njera né gə́ gə goo rəbee ləm, Aa loo oo yeḛ gə́ to njera né gə́ danasur ləm tɔ, Mbata dəw gə́ njemeelom lé ŋgakeaje d’a si gən ya.

Pakɔsje 41:12

Ɓó lə njeba̰ ləm lé un baŋga dɔm’g el ndá M’a gər gao to gə́ i ndigim tɔgərɔ ya.

Gosota-Kəmkàrje 11:8

Njemeekarabasur lé teḛ ta nékəmndoo’g Ndá njemeeyèr ɓa taa toree oso keneŋ.

Gosota-Kəmkàrje 13:6

Néra gə́ gə dɔ najee Ŋgəm yeḛ gə́ rəw-kabee to gə goo rəbee, Nɛ néra majel lé To gin tuji lə njekaiya.

Gosota-Kəmkàrje 14:2

Dəw gə́ njaa rəw gə́ danasur lé Ɓəl Njesigənea̰, Nɛ yeḛ gə́ un rəw gə́ nduni koŋ-koŋ lé Ee gə́ né el.

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 16:17

Rəw-kaw dəwje gə́ danasur lé To kya̰ goo majel, Yeḛ gə́ tɔs kəmee bao-bao dɔ rəa’g lé Aa ne dɔ rəw-kabee kər-kər.

Tagə́maji gə́ Ja̰ ndang 9:3

Jeju tel ila dee’g pana: To gə́ yeḛ ɓa ra kaiya el ləm, to njékojeeje ɓa ra kaiya el ləm tɔ. Nɛ né neelé to togə́bè mba kar néraje lə Ala lé kinja ne gə́ raga dəa’g ya.

Njé gə́ Pilibə 3:12

Né gə́ m’aḭgwɔdee lé m’taa el ɓəi ləm, m’to maji m’ɔr njoroŋ el ɓəi ləm tɔ, nɛ m’aiŋgwɔd m’nar rɔm mba kwa né gə́ m’aḭgwɔdee lé gə jim peb ya mbata ma lé Jeju Kristi wam gə jia peb mba̰.

Maktub gə́ Jak ula ne ar ngan-Allaje 1:12

Dəw gə́ wa mée mbidi ti dɔ nékər gə́ a gə neán ndá rəa a lelee, mbata loo gə́ yeḛ dum dɔ nékər mba̰ ndá yeḛ a kiŋga dɔgugu gə́ ka̰ kəmə gə́ Mbaidɔmbaije un ndia mba kar deḛ gə́ d’undá dan kəm dee’g lé.

1 Piɛrə 1:7

mba kar né gə́ naa sí waga lé unda ne rɔ meekun lə sí ar dee d’oo. Meekun lə sí gə́ gadee ur dɔ ka̰ larlɔr gə́ naa dan pər’d nɛ a kunda naŋg ɓəi lé ndɔ gə́ Jeju Kristi a kunda loo teḛ ndá a tel to népidi sí ləm, gə né kula rɔnduba dɔ sí’g ləma, gə né kila riɓar dɔ sí’g ləm tɔ.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.