Maktub gə́ wɔji dɔ Jɔb 2:12 - Maktub gə́ To gə Kəmee

¹² Loo gə́ deḛ nai əw ya ɓəi ndá d’un kəm dee d’ée ndá deḛ gəree el. Deḛ d’ɔr ndu dee gə́ tar wəl no̰ ne ləm, deḛ til kubuje lə dee gə́ boi yul-yul rɔ dee’g ləma, deḛ tuga kor d’ɔm dɔ dee’g ləm tɔ.

Maktub gə́ wɔji dɔ Jɔb 2:12 ပူးပေါင်းရင်းမြစ်များ

Gḭ-Néje 27:34

Loo gə́ Esawu oo ta gə́ bɔbeeje pa lé ndá yeḛ no̰ gə ndia gə́ boi wəl gə meeko̰ ya. Yeḛ ula bɔbeeje pana: Bɔm, tɔr ndui dɔm-ma’g ya tɔ.

2 Samel 13:36

Loo gə́ yeḛ pata ila naŋg ndá aa oo, ŋgalə mbai lé ree. Deḛ d’ɔr ndu dee gə́ tar wəl no̰ ne, mbai gə kuraje ləa lai kara no̰ d’ar mán-no̰ wa dee mbəgə-mbəgə tɔ.

Esdras 9:3

Loo gə́ ma m’oo ta neelé ndá ma m’til kubuje ləm gə yee gə́ boi yul gə́ dɔ maree’g ləm, ma m’ndisa yiŋga dɔm gə mbaitam ləm tɔ ndá m’isi naŋg gə kəmndoo.

Nehemi 9:1

Ndɔ gə́ njekɔm’g rɔ-joo-giree-sɔ gə́ mee naḭ’g neelé Israɛlje mbo̰ dɔ na̰, deḛ d’ula kubu-kwa-ndòo rɔ dee’g ləm, tuga kor naŋg d’ɔm dɔ dee’g ləm tɔ ɓa d’ɔg ne meḛ dee ɓoo tɔ.

Este 4:1

Loo gə́ Mardose oo néje lai gə́ deḛ ra lé ndá yeḛ til kubuje rəa’g hao̰-hao̰, ya̰ ula kubu-kwa-ndòo rəa’g ləm, sa bu ɔm dəa’g ləm tɔ. Tɔɓəi yeḛ aw dan mee ɓee-boo’g ɔr ndia wəl no̰ ne gə meeko̰ tɔ.

Maktub gə́ wɔji dɔ Jɔb 1:20

Yen ŋga Jɔb ḭta til kubu ləa gə́ boi yul rəa’g ləm, ndisa dəa ŋgori-ŋgori ləm tɔ, tɔɓəi yeḛ oso naŋg bəbərə dəb kəmee naŋg

Maktub gə́ wɔji dɔ Jɔb 19:14

Njé’g ləm d’ubam d’ya̰’m ləm, Baokuraje ləm gə́ gəd ya kara meḛ dee wəi dɔm’g ləm tɔ.

Nɔ̰-ndôo gə́ wɔji dɔ Jerusalem 2:10

Ŋgatɔgje lə ŋgoma̰də gə́ Sio̰ lé D’isi dɔ mundu, Deḛ tuga kor d’ɔm dɔ dee’g ləm, Deḛ d’ula kubu-kwa-ndòo ɓa rɔ dee’g ləm tɔ, Ŋgama̰dje gə́ Jerusalem lai lé D’ula dɔ dee naŋg.

Ejekel 27:30

D’a ra né wəl-wəl dɔi’g ləm, D’a ra né pénéné-pénéné ləm tɔ. D’a saa babur kɔm dɔ dee’g ləm, D’a nduburu gururu-gururu dan bu’g ləm tɔ,

Jujé 7:6

Juje wa kubu rəa’g hao̰ til ndá yeḛ rəm bəbərə oso dəb kəmee naŋg no̰ sa̰duk-manrɔ’g lə Njesigənea̰’g saar ar kàr andə, yeḛ ləm, gə ŋgatɔgje lə Israɛl ləm tɔ, tɔɓəi deḛ saa naŋg d’ɔm dɔ dee’g tɔ.

Loo gə́ killa rea kəm Ja̰’g 18:19

Deḛ sa babur d’ɔm dɔ dee’g ləm, deḛ no̰ gə mán-no̰ kəm dee’g ləm, d’wa ndòo-yoo ləma, deḛ no̰ pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Ɓee-boo gə́ garee godo gə́ njébatoje lai d’iŋga ne boo-nébaoje lə dee keneŋ lé mee kàree gə́ kára ba ya tuji teḛ dəa’g.

Njéga̰g-Rəwtaje 2:4

Loo gə́ kura lə Njesigənea̰ gə́ dara pa taje neelé ar Israɛlje lai ndá koso-dəwje d’ɔr ndu dee wəl gə́ tar gə no̰ tɔ.

1 Samel 11:4

Njékaḭkulaje d’aw teḛ Gibea gə́ ka̰ Sawul’g ndá deḛ pata néje neelé d’ar dəwje. Yen ŋga koso-dəwje lai d’ɔr ndu dee gə́ tar wəl gə no̰.

1 Samel 30:4

Yen ŋga Dabid gə njérɔje gə́ d’aw səa lé d’ɔr ndu dee gə́ tar wəl no̰ saar d’ar siŋga dee gə́ kəm no̰ ne gə́ kédé-kédé lé godo.

1 Samel 4:12

Mee ndəa gə́ neelé ya dəw gə́ Bḛjami kára ḭ loo-rɔ’g aḭ pəd-pəd teḛ Silo, ndá kubuje ləa til hao̰-hao̰ ləm, kor wa dəa lururu ləm tɔ.