Maktub gə́ wɔji dɔ Jɔb 2:10 - Maktub gə́ To gə Kəmee

¹⁰ Nɛ Jɔb tel ilá keneŋ pana: I pata asəna gə mbə-dené bèe. Mba ɗi ɓa j’iŋga né gə́ maji rɔ Ala’g lé ndá see j’a taa né gə́ majel to el wa. Gə goo néje lai lé Jɔb ra ne kaiya gə taje gə́ teḛ təa’g el.

Maktub gə́ wɔji dɔ Jɔb 2:10 ပူးပေါင်းရင်းမြစ်များ

Gḭ-Néje 3:17

Yeḛ ula Adam lé pana: Mbii gə́ i uru oo ne ta lə dené ləi ləm, gə sɔ gə́ i sɔ kandə kag gə́ m’un ndum m’ari m’ɔgi ne dɔ’g lé m’pana: I a sɔ nda̰ el ləm tɔ lé Ndá ndɔl wa dɔ naŋg nee mbata ləi ya. I a koo ndòo ɓa i a kiŋga ne nésɔi keneŋ Ndɔje kára-kára lai gə́ i aw ne kəmba lé.

2 Samel 13:13

See m’a kaw ra ɓa gə rɔkul gə́ a kwa dɔm lé wa. I kara a to gə́ ram-dəw mbuna ram-dəwje gə́ Israɛl’g tɔ. Ɓasinè m’ra ndòo rɔi’g mba kari pa taree ar mbai ndá yeḛ a kam m’to kaḭ ɓó a kɔsi rəw el.

2 Samel 19:22

Yen ŋga Abisai, ŋgolə Seruja un ta pa pana: Simei lé see kəm karee wəi mbata ndɔl gə́ yeḛ ila dɔ yeḛ gə́ Njesigənea̰ wa dəa gə ubu lé el wa.

2 Samel 19:28

Ndá yeḛ lé gaŋg taŋgɔm ɔm tam’g no̰ mbai’g ləm. Nɛ mbai ləm lé to asəna gə kura lə Ala gə́ dara bèe. Maji kari ra né gə́ i oo gə́ né gə́ maji kəm ra ya.

2 Samel 24:10

Gée gə́ gogo goo tura gə́ Dabid ar dee tura bula lə koso-dəwje lé ndá kaaree ɓar ɗigi-ɗigi. Bèe ɓa yeḛ ula Njesigənea̰ pana: Ma m’ra kaiya gə́ boo loo gə́ m’ra né neelé. Ǝi Njesigənea̰, ɓasinè ar məəi oso lemsé dɔ néra kori-kori’g lə kura ləi mbata né gə́ m’ra lé to némbə ya.

2 Sôrta Gḭka Israɛlje 16:9

Mbata kəm Njesigənea̰ lé un naŋg nee lad ya mba gəd deḛ gə́ d’ya̰ meḛ dee bura d’aree. Nɛ i ra némbə ndá un gelee ɓasinè lé i a si dan rɔ’g tɔ.

Maktub gə́ wɔji dɔ Jɔb 1:10

See i ula ŋgalaŋ gugu ne dəa gə dɔ njémeekəije ləa gə dɔ néje ləa lai el wa. I tɔr ndui dɔ kula gə́ yeḛ ra ndá koso-nékulje ləa kara taa mee ɓee pəl-pəl.

Maktub gə́ wɔji dɔ Jɔb 2:9

Dené ləa dəjee pana: See i aar njaŋg dɔ néra gə́ gə goo rəbee ləi ya ɓəi wa. Maji kari ila ndɔl dɔ Ala’g lé wəi ne.

Pakɔsje 39:1

Pa lə Dabid gə́ ar bao-pa gə́ ria lə Jedutun karee ɔs sə dee lé

Pakɔsje 39:10

Ma lé m’isi dɔ mundu m’teḛ tam el Mbata to i nja ɓa ra née ya.

Pakɔsje 39:9

Maji kari ɔrm dan nékaltaje’g ləm lai ya Ɓó ar rɔkul-boo lə mbə-dəw oso dɔm’g el.

Pakɔsje 59:12

Maji kari tɔl dee el nà banelə dəwje ləm lé D’a kar meḛ dee wəi dɔ’g sel, Ra dee ar dee d’ila tar mbir-mbir Gə goo siŋgamoŋ ləi lé ar dee tal toso ne ya Mbaidɔmbaije, i gə́ to dər-rɔ lə sí lé ya.

Gosota-Kəmkàrje 9:13

Mbə-dené lé to njetaɓar ləm, Gə njegərnéel gə́ gər gin né kára kara el ləm tɔ.

Gosota-Kəmkàrje 9:6

Maji kar sí ubaje négərel lé yá̰je Ndá a síje tɔɓəi Seḭ a njaaje dan rəw’g lə gosonégər!

Njekillamber 7:14

Mee ndɔ si dan maji’g lé Arje rɔ sí lel sí ləm, Mee ndɔ si dan meeko̰’g lé kara Ǝ̰jije ta meḛ sí’g ləm tɔ. Ala nja ɓa gə́ njera dee joo bɔr Gə mba kar dəw gər ne né Gə́ a gə teḛ dəa’g gogo lé el.

Nɔ̰-ndôo gə́ wɔji dɔ Jerusalem 3:37

See na̰ ɓa a pata kar né teḛ Lal kar Njesigənea̰ un ndia dɔ’g wa.

Matiyo 16:23

Nɛ Jeju tel ila Piɛrə’g pana: Njekurai, ɔd gə́ gogo. Tapai a gə kilam kag, mbata takə̰ji ləi to ka̰ dəwje ɓó to ka̰ Ala el.

Matiyo 25:2

Njé gə́ mi gə́ dan dee’g to gə́ mbəje, njé gə́ mi gə́ dan dee’g to gə́ njékəmkàrje tɔ.

Tagə́maji gə́ Ja̰ ndang 18:11

Jeju ula Piɛrə pana: Tel gə kiambas ləi ulá sɔlee’g gogo. Né gə́ mee ŋgo-kai-né gə́ Bɔm am mba karm m’ai lé see m’a mbad wa.

Njé gə́ Rɔmə 12:12

Né gə́ seḭ undaje meḛ sí yel gə́ dɔ’g lé raje rɔlel keneŋ. Aije meḛ sí sam-sam dan némeeko̰’g ləm, ya̰je goo tamaji lə sí yɔgɔ el ləm tɔ.

Maktub gə́ Jak ula ne ar ngan-Allaje 1:12

Dəw gə́ wa mée mbidi ti dɔ nékər gə́ a gə neán ndá rəa a lelee, mbata loo gə́ yeḛ dum dɔ nékər mba̰ ndá yeḛ a kiŋga dɔgugu gə́ ka̰ kəmə gə́ Mbaidɔmbaije un ndia mba kar deḛ gə́ d’undá dan kəm dee’g lé.

Maktub gə́ Jak ula ne ar ngan-Allaje 3:2

Néra gə́ to lée’g el tuga sí gə́ jigi ɓigidi-ɓigidi. Ɓó lé tapa dəw kára tugá gə́ jigi el ndá yeḛ to dəw gə́ maji ɔr njoroŋ, yeḛ askəm kwa rəa kir-kir.

1 Samel 3:18

Yen ŋga Samel ndaji tarje lai aree ɓó iya səa dɔ né kára el. Tɔɓəi Eli pana: Yeḛ to Njesigənea̰ ya. Maji karee ra né to gə́ mée wɔji.