Maktub gə́ wɔji dɔ Jɔb 18:8 - Maktub gə́ To gə Kəmee

⁸ Mbata yeḛ ula gɔlee ba̰də’g ləm, Yeḛ njaa mee wul-ba̰də’g ləm tɔ.

Maktub gə́ wɔji dɔ Jɔb 18:8 ပူးပေါင်းရင်းမြစ်များ

Este 3:9

Ɓó lé mbai oo gə́ né gə́ maji kəm ra ndá maji karee ar dee ndaŋg ndukun mba tɔl ne dəwje neelé. Ndá m’a kwɔji larnda as nékwɔji kwɔi-lə-né tɔl-dɔg-loo munda (3.000) kɔm ji njéko̰ɓeeje’g kar dee d’odo d’aw d’ɔm mee kəi-nébao’g lə mbai ya.

Este 6:13

Aman ɔr sor néje lai gə́ teḛ dəa’g lé ar Jeres gə́ to dené ləa ləm, gə deḛ lai gə́ to baokuraje ləa ləm tɔ. Yen ŋga deḛ lai gə́ to njékwɔjita-kəmkàrje ləa ləm, gə Jeres, dené ləa ləm tɔ d’ulá pana: Ɓó lé Mardose gə́ i un kudu koso kas nea̰’g lé to gə́ ginkoji Jip ndá i a kaskəm ra səa né kára el nɛ i ɓa a koso kas nea̰’g ya.

Este 7:10

Togə́bè ɓa deḛ ɗar Aman dɔ kag gə́ yeḛ gɔl mbata lə Mardose lé tɔ. Yee ɓa oŋg lə mbai wəi ne bèm ɓəi.

Este 7:5

Mbai Asuerus, un ta dəji Este gə́ dené ləa lé pana: See to na̰ wa. See yeḛ nee si ra ɓa wɔji né gə́ togə́bè mée’g gə mba ra wa.

Maktub gə́ wɔji dɔ Jɔb 18:9

Gum wá gel gɔlee’g ləm, Wul-ba̰də ɓiree ilá ləm tɔ.

Maktub gə́ wɔji dɔ Jɔb 19:6

Maji kar sí gərje gao to gə́ Ala nja ɓa tubam ləm, Yeḛ nja ɓirim gə wul-ba̰də ləa ləm tɔ.

Maktub gə́ wɔji dɔ Jɔb 22:10

Gelee gə́ nee ɓa gumje d’aḭ ne dɔi sub ləm, Néɓəlje teḛ ne dɔi’g wai ləm tɔ.

Maktub gə́ wɔji dɔ Jɔb 5:5

Njéɓooje d’o̰ kó ləa mbad-mbad Saar teḛ mee kunje’g ləm, Dəwje gə́ malee o̰ meḛ dee lém-lèm lé Turu némajije ləa meḛ dee’g mag-mag ləm tɔ.

Pakɔsje 35:8

Maji kar tuji teḛ dɔ dee’g wai ləm, Maji kar ba̰də gə́ d’ila mba kwam ne lé tel wa dee Kar dee d’oso keneŋ tuji ne pugudu ləm tɔ.

Pakɔsje 9:15

Gə mba karm m’ila mber rɔnduba ləi Tarəwkɔg’d lə koso-dəwje gə́ Jerusalem lé ləm, Gə m’al ne rɔm mbata gə kaji ləi ləm tɔ.

Gosota-Kəmkàrje 29:6

Loo ra majel lə dəw gə́ njemeeyèr lé gum to keneŋ, Nɛ njemeekarabasur ɔs pa rɔlel ləm, al rəa ləm tɔ.

Gosota-Kəmkàrje 5:22

Njemeeyèr lé Néra kori-korije ləa-yeḛ nja wá ləm, Kula kaiyaje ləa ɓa təa jo̰dɔrɔ ləm tɔ.

Esai 24:17

Ɓəl-boo ləm, gə bwa ləma, gə gum ləm tɔ To no̰ sí-seḭ gə́ síje mee ɓee’g neelé.

Esai 24:18

Yeḛ gə́ aḭ no̰ kaa ɓəl-boo’g neelé ndá Oso mee bwa’g. Yeḛ gə́ unda loo mee bwa’g teḛ ndá Oso gum’g tɔ, Mbata kəm dara ɔr wuyum gə mán ləm, Gel naŋg nee yə ɓugu-ɓugu ləm tɔ.

Ejekel 32:3

Mbaidɔmbaije gə́ Njesigənea̰ pa togə́bè pana: N’a kila bura lə neḛ kaḭ ne dɔi mbuna koso-dəwje gə́ bula digi-digi gə́ mbo̰ dɔ na̰ lé ndá d’a ndɔri gə bura lə neḛ kilai raga.

1 Timote 3:7

Maji kar dəwje gə́ to njétaamee-Kristije el kara d’ɔr ta ləa maji ɓa, nà banelə d’a kila rɔkul dəa’g karee oso ne dan gumje’g lə njekurai lé.

1 Timote 6:9

Nɛ deḛ gə́ ndigi tel baoje lé d’oso ne dan nékər’g ləm, gə dan gum’g ləm tɔ, mal némbəje gə néyèrje gə́ ɓugu dəwje dan tuji’g ar dee tuji ne pugudu lé ra dee tɔ.

2 Timote 2:26

Yen ɓa gum lə njekurai gə́ yeḛ uba dee naŋg bus kiri dee dɔ na̰’d mba kar dee ra né gə́ mée wɔji lé d’a teḛ sɔd ne rɔ dee danee’g.