Maktub gə́ wɔji dɔ Jɔb 17:9 - Maktub gə́ To gə Kəmee

⁹ Lé bèe kara njera nédana aar njaŋg dɔ rəw-kabee’g ləm, Yeḛ gə́ njiá àr ŋgad-ŋgad lé siŋgá ḭ dɔ maree’d gə́ kédé-kédé ləm tɔ.

Maktub gə́ wɔji dɔ Jɔb 17:9 ပူးပေါင်းရင်းမြစ်များ

Gḭ-Néje 20:5

See to yeḛ nja ɓa ulam pana: Yeḛ to ŋgoko̰ neḛ gə́ dené el wa. See yeḛ nja kara pa pana: Yeḛ to ŋgoko̰ neḛ gə́ diŋgam el wa. Ma m’ra né gə məəm gə́ àr ŋgad-ŋgad ləm, jim kara ra né gə́ majel el ləm tɔ.

2 Samel 3:1

Rɔ aw gə́ kédé-kédé mbuna njé’g lə Sawul gə njé’g lə Dabid. Siŋga Dabid ḭ dɔ maree’d gə́ kédé-kédé nɛ ka̰ njé’g lə Sawul ɓa rəm gə́ gogo-gogo tɔ.

Maktub gə́ wɔji dɔ Jɔb 22:30

Dəw gə́ ta wa dəa ya kara yeḛ a kilá tar ləm, Mbɔl dɔ jii gə́ àr ŋgad-ŋgad lé ɓa yeḛ a kɔri ne ləm tɔ.

Maktub gə́ wɔji dɔ Jɔb 27:5

Wah! Loo karm-ma nja m’pana: Seḭ paje lée’g bèe lé godo. Saar as yoom kara m’a kya̰ goo néra gə́ gə goo rəbee ləm el.

Maktub gə́ wɔji dɔ Jɔb 27:6

Ta néram gə́ to gə dɔ najee lé M’aar keneŋ njaŋg ɓó m’a rəm keneŋ el. Meem ila ta dɔ ndɔje’g ləm kára kara el.

Maktub gə́ wɔji dɔ Jɔb 31:7

Ɓó lé gɔlm uba rəw gə́ danasur ya̰ ləm, Ɓó lé ŋgaw məəm ndolè goo kəm ləma, Ɓó lé né gə́ mina̰ tia̰ jim’g ləm tɔ ndá

Maktub gə́ wɔji dɔ Jɔb 33:9

I to njemeenda ləm, i ra kaiya kára el ləm, I maji ɔr njoroŋ ləma, néra gə́ kori-kori godo rɔi’g ləm tɔ.

Pakɔsje 11:3

Loo gə́ gin néje lai yə ɓugu-ɓugu ndá See ɗi ɓa njemeekarabasur lé a ra wa.

Pakɔsje 24:4

Yeḛ gə́ jia àr ŋgad-ŋgad gə mée ndá londoŋ lé Yeḛ nja ɓa a kḭ kaw keneŋ, Yeḛ gə́ taŋgɔm tibi mbɔree el ləm, Yeḛ ubu rəa ər ne kəm loo el ləm tɔ.

Pakɔsje 26:6

M’togo jim m’riba ne dɔ ta gə́ wa dɔm el lé, Ndá əi Njesigənea̰, yee ɓa m’njaa m’gugu ne dɔ loo-nékinjaməs ləi lé!

Pakɔsje 73:13

Togə́bè ɓa né gə́ m’ra mba kar məəm àr ne ŋgad-ŋgad lé M’ra kari ba ya ləm, Jimje gə́ m’togo m’riba ne dɔ ta gə́ wa dɔm el lé kara Tel to ne né gə́ gə mḭdé ba ya ləm tɔ.

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Pakɔsje 84:7

Loo gə́ deḛ d’unda kəm wəl-loo gə́ Baka gaŋg lé D’aree tel to loo gə́ kəm-rəw-manje taa loo keneŋ pəl-pəl ləm, Ndi gə́ ər dɔ loo’g neelé ar néje gə́ maji kinja keneŋ ləm tɔ.

Pakɔsje 84:8

Loo gə́ d’aw njaa lé ndá Siŋga dee ḭ dɔ maree’d gə́ kédé-kédé Ar dee teḛ ne Sio̰’g d’aar ne no̰ Ala’g lé ya.

Gosota-Kəmkàrje 10:25

To gə́ lel-mal dəs aw lé Njemeeyèr kara sané pá bèe ya tɔ, Nɛ njemeekarabasur lé Ŋgirá kiriŋ naŋg kiriŋ-kiriŋ gə no̰.

Gosota-Kəmkàrje 10:30

Njemeekarabasur a kunda ndolé nda̰ el, Nɛ njémeeyèrje d’a si mee ɓee’g el.

Gosota-Kəmkàrje 14:16

Njekəmkàr ɓəl némajel ndá unda rəa ɓad dɔ’g, Nɛ mbə-dəw lé ti rəa ndá oo to gə́ si gə́ majee.

Gosota-Kəmkàrje 4:18

Kila-rəwkaw lə njémeekarabasurje To asəna gə lookàr gə́ ndogó ɔr jol-jol, Ndogó ləa lé aw gə́ kédé-kédé Saar kàr aar daŋdɔ.

Mark 7:2

Deḛ d’oo njékwakila Jejuje gə́ na̰je d’o̰ né lal togo ji dee.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.

1 Piɛrə 1:5

gə mba kar sí-seḭ gə́ siŋgamoŋ lə Ala aḭ ŋgaŋ sí gə goo meekun lə sí lé mbata kaji gə́ a gə nduba rəa gə́ raga ndəa gə́ rudee a kun ɗiao lé.

1 Ja̰ 2:19

Deḛ d’ḭ mbuna sí’g teḛ mba̰, nɛ deḛ to gə́ ka̰ síjeḛ el, mbata ɓó lé deḛ to gə́ ka̰ síjeḛ ndá d’a nai sə sí. Né neelé teḛ dɔ sí’g mba kar sí n’gər deḛ gə́ to gə́ ka̰ síjeḛ el təsərə.