Maktub gə́ wɔji dɔ Jɔb 16:4 - Maktub gə́ To gə Kəmee

⁴ Ɓó lé seḭ ɓa síje torm’g bèe kara M’a kaskəm pata dɔ sí’g to gə́ seḭ bèe ya tɔ, M’a tɔ dɔ sí gə taje ləm, M’a biri dɔm widi-widi dɔ sí’g ləm tɔ.

Maktub gə́ wɔji dɔ Jɔb 16:4 ပူးပေါင်းရင်းမြစ်များ

2 Mbaije 19:21

Aa oo, ta gə́ Njesigənea̰ pa wɔji ne dəa ɓa nee: Ŋgoma̰də gə́ to ŋgon dené gə́ Sio̰ Ǝ̰jii bəḭ-bəḭ ləm, yeḛ kogo dɔi’g ləm tɔ, Ŋgon dené gə́ Jerusalem Tuga dəa jəgm-jəgm gooi’g kən tɔ.

Maktub gə́ wɔji dɔ Jɔb 11:2

See boo-taje gə́ i pa yaa̰-yaa̰ neelé loo kila keneŋ a godo wa. Dəw gə́ njepata kubu pur-pur lé see ta ləa to gə goo rəbee wa.

Maktub gə́ wɔji dɔ Jɔb 16:5

M’a kula diŋgam meḛ sí’g gə ta gə́ tam’g ləm, Dɔ tam gə́ o̰ ɗèm-ɗèm lé m’a gɔl ne meḛ sí ləm tɔ.

Maktub gə́ wɔji dɔ Jɔb 35:16

Togə́bè ɓa Jɔb teḛ təa gə mḭdé ba Pa ne taje ləa gə́ dɔ na̰’d-na̰’d lal gər ginee ya.

Maktub gə́ wɔji dɔ Jɔb 6:14

Yeḛ gə́ oo ko̰-né lé Lé yeḛ uba goo ɓəl Bao-siŋgamoŋ ya̰ kara Yeḛ aw ndoo meekaw taḭ-taḭ lə baokura ləa ya.

Pakɔsje 109:25

Ma lé d’oom gə́ nérɔkul ya, Loo gə́ d’un kəm dee d’oom ndá biri dɔ dee widi-widi ya tɔ.

Pakɔsje 22:7

Ma lé m’to gə́ kuru ɓó m’to gə́ dəw el, M’to nérɔkul lə dəwje ləm, koso-dəwje kara d’ḛjim bəḭ-bəḭ ləm tɔ.

Pakɔsje 22:8

Deḛ lai gə́ d’oom lé ndá d’ula sul dɔm’g, Deḛ teḛ ta dee ləgəgə-ləgəgə ləm, Deḛ tuga dɔ dee jəgm-jəgm dɔm’g ləm tɔ pana:

Pakɔsje 44:14

I ar sí n’tel to nérɔkul gə́ boo kəm njéboataɓeeje’g lə sí ləm, Deḛ gə́ d’aḭ dɔ sí sub kara I ar sí n’tel to nékunda-kogo gə nédəjindu lə dee ya ləm tɔ.

Gosota-Kəmkàrje 10:19

Dəw gə́ pata yaa̰-yaa̰ lé A lal ra kaiya el, Nɛ yeḛ gə́ ɔg təa dɔ’g lé To dəw gə́ kəmee àr.

Njekillamber 10:14

Mbə-dəw lé pa taje gə́ dɔ na̰’d dɔ na̰’d. Dəw lé gər né gə́ a gə ree lé el, ŋga see na̰ ɓa a kulá né gə́ a gə ree gée’g gogo lé ɓəi wa.

Esai 37:22

Aa oo, ta gə́ Njesigənea̰ pa wɔji ne dəa ɓa nee: Ŋgoma̰də gə́ to ŋgon dené gə́ Sio̰ Ǝ̰jii bəḭ-bəḭ ləm, yeḛ kogo dɔi’g ləm tɔ, Ŋgon dené gə́ Jerusalem Tuga dəa jəgm-jəgm gooi’g kən tɔ.

Jeremi 18:16

Deḛ d’ar ɓee lə dee tel dɔ nduba, Ar dəwje d’ula sul dɔ’d gə́ kédé-kédé, Deḛ lai gə́ dəs lée’g neelé D’wa ta dee sud ləm, Biri dɔ dee widi-widi ləm tɔ.

Jeremi 48:27

See i lé unda Israɛlje gə́ nékula sul dɔ’g ləi el wa. See i teḛ dəa’g wai mbuna njéɓogoje’g ɓa i pata ləa tuga ne dɔi jəgm-jəgm bèe wa.

Nɔ̰-ndôo gə́ wɔji dɔ Jerusalem 2:15

Dəwje lai gə́ dəs rəbə lé D’unda ji dee dɔi’g ləm, Deḛ d’ur kɔl ləma, Deḛ tuŋga dɔ dee jəgm-jəgm Kogo ne Jerusalem ləm tɔ Pa ne pana: See ɓee-boo gə́ kédé ɓaree Yee gə́ ma̰də péd-péd Yee gə́ to nérɔlel lə dɔ naŋg lai lé ya nee wa.

Soponi 2:15

Aa ooje, yee ɓa gə́ ɓee-boo gə́ dəwje gə́ keneŋ d’isi dan rɔlel’g Nda ne meḛ dee kaḭ dɔ rɔ dee’g Ra né meḛ dee’g pana: Neḛ ya ɓó né gə́ raŋg godo, to neḛ ya! Ɗi togə́bè wa. Yee tuji pugudu ŋga. Yee tel to loo-to daje gə́ wala! Deḛ lai gə́ dəs mbɔree’g lé D’a kur kɔl piu jeŋ ne ji dee.

Matiyo 7:12

Néje lai gə́ seḭ wɔjije mba kar mar síje ra d’ar sí lé ndá maji kar sí-seḭ nja raje sə dee kédé, yee ɓa gə́ gin godndu ka̰ Ala lé ləm, gə gin ta lə njéteggintaje ləm tɔ.

Njé gə́ Rɔmə 12:15

Raje rɔlel gə deḛ gə́ d’isi dan rɔlel’g ləm, no̰je gə deḛ gə́ d’isi dan no̰’g ləm tɔ.

1 Njé gə́ Kɔrḭtə 12:26

Ɓó lé né ra barkəmrɔ dəw gə́ kára ndá barkəmreaje lai lé rɔ dee adə dee mbag-mbag. Ɓó lé barkəmrɔ dəw gə́ kára nduba rəa ndá barkəmreaje lai nduba rɔ dee səa na̰’d bura tɔ.