Maktub gə́ wɔji dɔ Jɔb 15:8 - Maktub gə́ To gə Kəmee

⁸ See ta lə Ala gə́ to loo-kiya’g lé i oo wa. See i tura kəmkàr aree wɔji dɔi-i ya gə kari ba wa.

Maktub gə́ wɔji dɔ Jɔb 15:8 ပူးပေါင်းရင်းမြစ်များ

Maktub gə́ wɔji dɔ Jɔb 11:6

Esé ɓó lé yeḛ riba səi dɔ kəmkàr ləa to gə́ to loo-kiya’g Gə́ to kəmkàr ləa gə́ dum dɔ loo ləm tɔ Ndá i a gər to gə́ Ala ra səi gə goo néra kori-kori ləi el.

Maktub gə́ wɔji dɔ Jɔb 12:2

Tɔgərɔ ya, d’a pana: Négər gə́ ka̰ dəw gə́ darɔ’g lé to rɔ sí-seḭ’g ya. To seḭ lé ɓa kəmkàr a kwəi sə sí na̰’d.

Maktub gə́ wɔji dɔ Jɔb 29:4

Ma m’ndiŋga rɔm mba to to gə́ mee ndɔje gə́ kédé gə́ siŋgam to ne kɔgərɔ-kɔgərɔ ləm, Loo gə́ Ala aa ne dɔ kəi ləm kər-kər ləm,

Pakɔsje 25:14

Takə̰ji lə Njesigənea̰ gə́ to loo-kiya’g lé To mbata deḛ gə́ ɓəlee, Mba kar dee gər ne ta manrɔ ləa lé.

Gosota-Kəmkàrje 3:32

Mbata dəwje gə́ njéra né kori-korije lé Njesigənea̰ oo dee gə́ né gə́ mina̰ Nɛ yeḛ to baokura lə dəwje gə́ njéra nédanaje.

Jeremi 23:18

Ŋga see na̰ ɓa si keneŋ Oo takə̰ji lə Njesigənea̰ Mba koo gə kəmee ləm, Mba tuga mbia koo ne ta ləa ləm tɔ wa. See na̰ ɓa ur mbia gèŋ dɔ ta’g ləa ləm, Oo ne ta ləa ləm tɔ wa.

Amɔs 3:7

Mbata Mbaidɔmbaije gə́ Njesigənea̰ lé ra né kára kara lal teggin nérea gə́ to loo-kiya’g lé kédé kar kuraje ləa gə́ to njéteggintaje lé el.

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

Matiyo 13:11

Jeju tel ila dee keneŋ pana: Seḭ nja, d’ar kəm sí inja mba kar sí gərje ne ta lə ɓeeko̰ gə́ dara gə́ to loo-kiya’g ɓəi, deḛ lé d’ar kəm dee inja dɔ’g el ɓəi.

Matiyo 13:35

gə mba tɔl ne ta gə́ njéteggintaje pa kédé lé pana: M’a teḛ tam mba pa ne gosotaje ləm, M’a kila mber ta néje gə́ to loo-kiya’g Ndɔ tum gin naŋg nee saar ɓasinè tɔ.

Tagə́maji gə́ Ja̰ ndang 15:15

Ma m’ɓar sí kuraje ləm el mbata kura lé gər néra ɓéeje el. Nɛ ma m’ɓar sí baokuraje ləm mbata néje lai gə́ ma m’oo rɔ Bɔm’g lé ma m’riba dəa pərəg m’ar sí ya.

Njé gə́ Rɔmə 11:33

Ala lé boo-nébaoje ləa ləm, kəmkàr ləa ləma, négərje ləa ləm tɔ lé to boo-néje gə́ al dɔ loo sula ya. Rəwta-gaŋg ləa dum gər ləm, dɔ rəwje ləa kara dum gər ləm tɔ.

Njé gə́ Rɔmə 11:34

See na̰ ɓa gə́ njegər takə̰ji lə Mbaidɔmbaije wa. Esé see na̰ ɓa gə́ njekwɔjee loo ra né wa.

1 Njé gə́ Kɔrḭtə 2:16

Mbata See na̰ ɓa gər takə̰ji lə Mbaidɔmbaije Mba ndée ne né wa. Nɛ jeḛ lé takə̰ji lə Kristi ɓa nai meḛ sí’g.