Maktub gə́ wɔji dɔ Jɔb 13:4 - Maktub gə́ To gə Kəmee

⁴ Seḭ lé taŋgɔm ɓa gə́ takə̰ji lə sí ləm, Seḭ lai lé toje njékuma̰ kaji rɔje gə́ gə mḭdé ba ləm tɔ.

Maktub gə́ wɔji dɔ Jɔb 13:4 ပူးပေါင်းရင်းမြစ်များ

Nehemi 6:8

Ma m’ar dee d’ula Sanbalat pana: Ta gə́ i pa lé to ta gə́ tɔgərɔ el, i ya ḭ ne məəi’g.

Maktub gə́ wɔji dɔ Jɔb 16:2

Néje gə́ togə́bè lé m’oo taree gɔl bula ya, Seḭ lai toje njégɔl meḛ dəwje gə́ to njékɔs-gel-o̰gje.

Maktub gə́ wɔji dɔ Jɔb 27:12

Nɛ seḭ gərje rəbeeje mba̰ ləm, seḭ ndigije səa ləm tɔ. See gelee ban ɓa seḭ ya̰je rɔ sí dan takə̰jije’g gə mḭdé ba ɓəi wa.

Maktub gə́ wɔji dɔ Jɔb 6:15

Ŋgakɔmje to njésukəmje to gə́ kəm-rəw-mán gə́ tudu kurum-kurum Gə́ ər dəw bèe,

Maktub gə́ wɔji dɔ Jɔb 6:20

Rɔ dee kul mbata kunda gə́ d’unda meḛ dee yel dɔ’g ləm, Rɔ dee gaḭ ges loo gə́ deḛ teḛ keneŋ ləm tɔ.

Maktub gə́ wɔji dɔ Jɔb 6:21

Ɓasinè, seḭ toje gə́ né gə́ kari ba, Seḭ ooje néɓəŋgərəti ləm ndá seḭ ɓəlje ne kədm-kədm tɔ.

Pakɔsje 119:69

Njébeeleje lé təd taŋgɔm d’ɔm tam’g, Nɛ ma lé m’aa dɔ ndukunje ləi gə ŋgaw məəm bura ya.

Teḛ-Raga 20:16

I a təd taŋgɔm kunda ta mari’g el.

Jeremi 23:32

Njesigənea̰ pana: Aa ooje, njéteggin ni-ŋgɔmje gə́ d’ɔr gée d’ar koso-dəwje lə neḛ ndəm ne gə goo taŋgɔmje gə́ lel ta dee’g lé neḛ n’aw sə dee gə ta, Njesigənea̰ ɓa pa bèe. Neḛ n’ula dee el ləm, n’un ndu neḛ n’ar dee el ləma, maji dee gə́ tḛ́ bèe ya kara to mba koso-dəwje el ləm tɔ.

Jeremi 30:13

Dəw kára kara gə́ oso geli’g Mba tɔ ta doo ləi lé godo, Kuma̰ əsé né gə́ kəm kari ra Mba karee ər kara godo tɔ.

Jeremi 46:11

Aw mee ɓee gə́ Galaad Taa no̰-kag gə́ ra gə kuma̰, I Ejiptə gə́ to asəna gə ŋgoma̰də bèe. I taa kuma̰je bula gə́ kédé-kédé kari ba Ɓó a kaji ne rɔi el.

Jeremi 6:14

Deḛ tɔ ta doo lə koso-dəwje ləm Gə goo rəbee el Ndá pana: Meelɔm! Meelɔm! Nɛ meelɔm godo,

Jeremi 8:22

See kuma̰ godo Galaad’g wa. See njekuma̰-kaji godo wa. See gelee ban ɓa koso-dəwje ləm d’aji el wa.

Ejekel 34:4

Deḛ gə́ siŋga dee godo lé seḭ raje né mba kar dee d’iŋga ne siŋga dee el ləm, seḭ ajije deḛ gə́ d’oso gə rɔko̰ el ləm, deḛ gə́ d’iŋga doo lé seḭ tɔje ta doo lə dee el ləm tɔ, yeḛ gə́ ndəm lé seḭ aw oneeje reeje səa el ləm, yeḛ gə́ igi lé kara seḭ sa̰geeje el ləm tɔ, nɛ seḭ on deeje gə néra sí gə́ kərm-kərm raje ne sə dee né gə́ kədərə tɔ.

Ojee 5:13

Eprayimje d’oo rɔko̰ gə́ ra dee ləm, Judaje kara d’oo to gə́ dooje to rɔ dee’g ləm tɔ, Ndá Eprayimje d’ula kula Asiri Rɔ mbai Jareb’g mba karee ree la sə dee, Nɛ mbai neelé a kaskəm kɔr rɔko̰ lə sí el ləm, A kaskəm kar ta doo lə sí ər kəmsə el ləm tɔ.

Mark 2:17

Loo gə́ Jeju oo taree ndá yeḛ ila dee keneŋ pana: Dəwje gə́ to njérɔko̰je ɓa meḛ dee a ndiŋga njekuma̰ ɓó dəwje gə́ rɔ dee to kɔgərɔ ɓəi lé ndá d’a ndiŋga njekuma̰ el tɔ. Ma lé m’ree gə mba ɓar njémeekarabasurje ɓa el, nɛ m’ree gə mba ɓar kaiya-dəwje ɓa.

Mark 5:26

Yeḛ bəg rəa rɔ njékuma̰je’g loo bula, sané ne néje ləa kɔ lai, nɛ rɔko̰ gə́ rəa lé rəa kəmee gə́ kédé-kédé ɓó ḭ dəa’g pélé kara bèe el.