Maktub gə́ wɔji dɔ Jɔb 12:7 - Maktub gə́ To gə Kəmee

⁷ Maji kari dəji daje ndá d’a ndooi né ləm, Dəji yelje ndá d’a riba dəa kari oo ləm tɔ.

Maktub gə́ wɔji dɔ Jɔb 12:7 ပူးပေါင်းရင်းမြစ်များ

Gḭ-Néje 1:21

Tɔɓəi Ala unda da-manje gə́ boi-boi ləm, gə nékundaje lai gə́ d’aw kəmba dan mán’g, deḛ gə́ manje ɓa teḛ sə dee digi-digi gə gel dee gel dee ləm tɔ. Yeḛ unda yelje lai gə́ d’uba bag dee lé gə gel dee gel dee tɔ. Ndá Ala oo to gə́ néje neelé to maji bèe ya.

Gḭ-Néje 1:25

Ala unda daje gə́ d’aw dɔ naŋg nee gə gel dee gel dee ya, da-kulje gə gel dee gel dee ləm, gə nékundaje lai gə́ d’ag naŋg gə ta mee dee gə gel dee gel dee ləm tɔ. Ala oo to gə́ néje neelé to maji bèe ya.

Maktub gə́ wɔji dɔ Jɔb 12:6

Meelɔm to mee kəi’g lə njétujilooje ləm, Si gə́ majee to mbata deḛ gə́ d’unda Ala ɓad ləma, Mbata dəw gə́ ar siŋgamoŋgee to magə ləa ləm tɔ.

Maktub gə́ wɔji dɔ Jɔb 12:8

Maji kari wɔji ta gə naŋg ndá yee a ndooi né ləm, Ka̰jije gə́ dan baa-boo’g kara d’a kɔr soree kari oo ləm tɔ.

Maktub gə́ wɔji dɔ Jɔb 8:10

Deḛ d’a ndooi né ləm, d’a kulai ta ləma, D’a kḭ gə ta dəji gə́ to meḛ dee’g mba riba dəa kari ləm tɔ pana:

Gosota-Kəmkàrje 30:24

Ŋgan néje gə́ lam-lam sɔ to dɔ naŋg nee, Nɛ lé bèe kara kəmkàr lə dee to yaa̰ unda mar deeje,

Gosota-Kəmkàrje 6:6

I njedab lé aw pər gə́ rɔ tur’g, Tən néreaje ndá Gə́ tel to ne njekəmkàr.

Esai 1:3

Bɔ maŋg gər njekulee ləm, Mulayḛ̀ gər bəgərə-sɔ-né ləa Gə́ to rɔ ɓéeje’g ləm tɔ. Nɛ Israɛlje ndigi gər né kára kara el, Kəm koso-dəwje ləm inja dɔ gosonégər’g el.

Jeremi 8:7

Yel tira̰-ŋgo̰ gə́ aw tar lé Gər naḭ ləa ləm, Dərnda, gə ləbm-siri, gə dao̰ kara Deḛ tɔs kəm dee bao-bao Dɔ ndɔje’g lə dee gə́ kəm tel ree ne ləm tɔ. Nɛ dəwje lə neḛ Gər godndu Njesigənea̰ el.

Njé gə́ Rɔmə 1:20

Nɛ néje gə́ maji kɔr njoroŋ lə Ala gə́ dumkoo ləm, gə siŋgamoŋ ləa gə́ to gə no̰ ləma, gə rɔkunda ləa gə́ yeḛ unda ləm tɔ lé inja kəm dəwje’g təsərə, ndɔ tum gel naŋg saar ɓasinè, mbata néreaje lai ɔr ginee njai ar dee d’oo. Bèe ndá loo kunda goso lə dəwje godo ŋga,